نقل الباعة الجائلين ل«الترجمان» الجمعة.. والنقابة: «مش هنروح»

قال مصدر أمنى ل«المصرى اليوم» إن أجهزة أمنية بمديرية أمن القاهرة حددت يوم الجمعة المقبل لتنفيذ المرحلة الأولى من نقل الباعة الجائلين بوسط القاهرة إلى سوق الترجمان، فى منطقة السبتية، وعددهم 700 بائع.
وقال علاء خيرى، نقيب الباعة الجائلين لمنطقة غرب القاهرة: «قرار نقلنا ليه هدف واحد هو التخلص من البياعين والبلطجية بحجر واحد، وإحنا قلنا قبل كده 100 مرة إن الترجمان مش أمان بالنسبة لنا، وسبق للبلطجية هناك الاعتداء علينا فى رمضان اللى فات لما رحنا نعاين المكان».
وواصل «علاء»: «حل المشكلة بسيط جداً إحنا ممكن نتفق مع المسؤولين إن إحنا نفضى الشارع ونفضل فى البيت لحد ما يجهز أرض منطقة وابور الثلج، أو نخلى البياعين على الرصيف وندفع إيجار للحى، واللى ما يلتزمش الحكومة تتعامل معاه، دا لو فيه نيه للحل، إنما التصرف بالطريقة دى رجعة لأيام مبارك والتعامل الأمنى، لكن فى كل الأحوال إحنا مش هنسيب الشارع».
فى المقابل، قال الدكتور جلال مصطفى سعيد، محافظ القاهرة: «كفاية تدليل لحد كده، يعنى إيه يرفضوا النقل، لازم الناس دى تنظر للمصلحة العامة للبلد بعيد عن مصلحتهم الشخصية».
وأضاف المحافظ: «محدش يرفض يروح مكان آدمى عشان يفضل فى الشارع فى الشمس والحر، لكن فيه بلطجية مسيطرين على الشارع، وبيأجروه للبياعين».
وقال اللواء عاطف عبدالمنعم، رئيس حى الأزبكية: «تم تجهيز الترجمان بتوفير دورات مياه ونقطة شرطة ومرافق وبوفيهات ومظلات وإنارة، بحث أصبح مكاناً آدميًا بدل الشارع».
اشترك الآن لتصلك أهم الأخبار لحظة بلحظة