بالفيديو.. حسن شحاتة باكيًا: عايزنا نكره مبارك إزاي.. احنا شعب ملناش عزيز

بكى الكابتن حسن شحاتة، المدير الفني الأسبق للمنتخب المصري، حينما سأله المذيع أحمد موسى خلال لقائه على «صدى البلد»، مساء الإثنين، عن أصعب لحظة مرت عليه، حيث قال إنه «عايزنا نكره حسني مبارك إزاي؟ .. أصعب لحظة مرت عليا في حياتي يوم ما شوفتهم (مبارك ونجليه) في القفص.. وإحنا شعب ملناش عزيز».
وقال «شحاتة»: «عاوزينا نكره مبارك عشان كرمنا وأسعدنا شعبنا، هو كرمنا عشان عملنا حاجة لمصر، كان عليا ضغط لترك المنتخب.. حاولت أروح له من غير معاد لكن مكنش ينفع، لما بقابل حد قريب منه ببعت له تحياتي».
وأشار إلى أنه ظل مدة 6 أشهر في منزله ولم يخرج منذ اندلاع ثورة 25 يناير، موضحًا «قعدت 6 شهور ما بنزلش لأني شوفت المحلات اللى بتتكسر قدامي، وإحنا قاعدين، كان يقال إن أنا راجل فلول»
وتابع: «ثورة 25 يناير إذا كانت ثورة، كانت السنة سودة كنت في حالة رعب، وولادي قاعدين في اللجان الشعبية وكنت بعمل له سندويتشات عشان يحموا المنطقة من السرقة اللي كانت عيني عينك»