السيسي للمصريين: «من فضلكم دول يومين بيترسم فيهم مستقبلنا»

دعا المشير عبد الفتاح السيسي، المرشح لرئاسة الجمهورية، المصريين للمشاركة في الانتخابات الرئاسية، قائلا: «من فضلكم دول يومين بيترسم فيهم مستقبل مصر والتاريخ بيكتب ويسجل، بقول يارب ولي من يصلح شأن مصر، يارب أحفظ مصر، تحيا مصر».
وقال السيسي في كلمة للمصريين عبر التليفزيون المصري بثتها قنوات فضائية، مساء الجمعة: «مصر تمر بمرحلة فارقة، والمصريين في الخارج قدموا مثل رائع والدنيا كانت بتتفرج عليهم، وهم يدلون بأصواتهم في الانتخابات، المظهر دا إدى صورة قوية في الخارج والداخل، والمصريين بيعبروا عن إرداتهم، وبينفذوها، إحنا اتكلمنا كتير أن ننهي خارطة الطريق بشكل هايل، عشان ندي رسالة قوية للخارج والداخل، نزول المصريين هيكون رسالة قوية عن إرادة الشعب وإنه لما يعوز يعمل حاجة بيعملها»
وتابع مرشح الرئاسة «اسمحوا لي أن أتوجه إليكم جميعًا، المرأة المصرية التي أككدت أنها بنت الوطنية المصرية، اسمحي لي ان أطلب منكي أن تتحركي أن تؤكدي مرة تانية أمام صندوق الانتخابات، كمان الشباب القادر على صناعة المستقبل بطلب منه ينزل ويدلي بصوته بغض النظر هو عايز يدي صوته لمين، في النهارية أنا بكلم كل مصري ومصرية، فيه حاجة بتجمعنا كلنا هي حبنا لبلدنا واستعدادنا التضحية عشانها، الوقت اللي إحنا فيه هو وقت التحرك لكل المصريين، عندنا عدد ضخم جدًا».