السيسي داعيا المصريين للمشاركة في الانتخابات الرئاسية: من فضلكم دول يومين بيترسم فيهم مستقبل مصر

_ دعا المرشح الرئاسي، المشير عبد الفتاح السيسي، في كلمة عبر التليفزيون المصري، مساء اليوم، الجمعة، المصريين للمشاركة في الانتخابات الرئاسية، قائلا: "من فضلكم دول يومين بيترسم فيهم مستقبل مصر والتاريخ بيكتب ويسجل، بقول يارب ولي من يصلح شأن مصر، يارب أحفظ مصر، تحيا مصر".
وأضاف: "مصر تمر بمرحلة فارقة، والمصريين في الخارج قدموا مثل رائع والدنيا كانت بتتفرج عليهم، وهم يدلون بأصواتهم في الانتخابات، المظهر دا إدى صورة قوية في الخارج والداخل، والمصريين بيعبروا عن إرداتهم، وبينفذوها، إحنا اتكلمنا كتير أن ننهي خارطة الطريق بشكل هايل، عشان ندي رسالة قوية للخارج والداخل، نزول المصريين هيكون رسالة قوية عن إرادة الشعب وإنه لما يعوز يعمل حاجة بيعملها".
وتابع: "المرأة المصرية التي أككدت أنها بنت الوطنية المصرية، اسمحي لي ان أطلب منكي أن تتحركي أن تؤكدي ذلك مرة تانية أمام صندوق الانتخابات، كمان الشباب القادر على صناعة المستقبل بطلب منه ينزل ويدلي بصوته بغض النظر هو عايز يدي صوته لمين، في النهاية أنا بكلم كل مصري ومصرية، فيه حاجة بتجمعنا كلنا هي حبنا لبلدنا واستعدادنا التضحية عشانها، الوقت اللي إحنا فيه هو وقت التحرك لكل المصريين، عندنا عدد ضخم جدًا".