معكم

من علي تويتر

** الجو جو الخليج.. والعيشة عيشة الصومال.
**وعشان إحنا في مصر.. قاعدة قدام التليفزيون والكهرباء قاطعة أصلا.
** لو بتاكل ومكسل ترجع الطبق مكانه. سيب لاخوك آخر شوية في الطبق علشان يرجعه هو.. شقاوة مصرية.
**فرد الأمن بتاع البنك بيبقي مستني الساعة اتنين إلا خمسة يوميا.. عشان دي اللحظة اللي بتتجلي فيها أهميته وهو بيقفل الباب وميدخلش حد.
** حد تكون أمه الغالية عاملة محشي ورق عنب.. ياريت يعزمني.
** عاوزة أرش ميه علي السرير والأرض يمكن تلطف الجو شوية.
** أبويا جايب بطيخ بطعم اللفت.
** واحد تلج في كوباية كبيرة الله يكرمك...بسرعة!
**نفسي أذاكر.. وعزة نفسي منعاني.
**بيقولك اعطي سرك لامرأة خرساء.. وبإذن الله هتتكلم.
** أكبر جملة بتكسر مجاديف البنت.. مين هيوديكي؟ ومين هيجيبك؟
** لما بعوز حاجة من أمي بروحلها وهي بتكلم خالتي في الموبايل لو قلتلها أنا رايح البرازيل بسرعة وجاي.. هتقولي هات عيش معاك.
** ربع البريطانيين لم يغيروا ملاءات الأسرة منذ ستة أشهر.. يع.
**إنك تكون راجل أحلي بكتير من إنك تكون أموور.
** لو الدنيا فيها راحة.. كان البطيخ من غير بذر.
**لو الميكروباص كله بيقول علي جنب يا أسطي.. اعرف علطول إن فيه واحدة ¢عسل¢ نازلة.
** نصف جمال البنت في نطقها لكلمة ¢حاضر¢ من أول مرة لما حبيبها يطلب حاجة منها.
** عندي حقد مش طبيعي علي الناس اللي بتعرف ترسم.
** إزاي تضايق بنت.. صورها صورة ومتورهلهاش.
** الجو تحفة.. تحس كده إن الشمس طالعة هي وعيالها.
** أنا بحب أمي. عشان كده باخد كل الفلوس اللي في شنطتها.. عشان متكونش الشنطة تقيلة عليها.
**لو حسيت بإنك رزقت بامرأة جميلة وعاقلة وذكية ومتواضعة ومثقفة وحبوبة وصبورة وست بيت وليست مادية.. يبقي الحشيش اللي معاك أصلي.
** سأظل في أرابيزك.. رغم إني مش عارفة يعني إيه أرابيز.. بس سأظل.
**الواحد بيتفرج علي برامج الطبيخ وعلي الأدوات اللي بيستخدموها. ويتعقد.
** عندما يتواجد محشي ورق العنب. فإن الحديث عن ¢الدايت¢ درب من دروب الوقاحة.
**مش عارف ليه البنات الحلوة دايما أصغر مني أو أكبر مني بكتير.. تقريبا السنة اللي اتولدت فيها كانت رجالي بس.
**حكمة اليوم: لا تثق في أي رجل بيسشور شعره.