السلام عليكم ورحمة الله وبركاته.. أنا عندي مشكلة مع خطيبي؛ إنه دايما بييجي عليّ، وبعدها يقول لي إنه غصب عنه، وعايزني دايما أنا اللي أصالحه، وأعمل اللي هو عايزه، وهو مايخدش باله من كده في تعامله معايا، كتير بافتكر إنه مش عايزني، وبيستغل حبي ليه.. بس أنا تعبت من كده، وقلت له لو مش عايزني مايعرفنيش. آخر موقف كان مشكلة مع مامته، وكتير هي ضايقتني في معاملتها معايا، وهو عارف وقال لي: "استحملي"، وبعدين قال لي: "كلميها"، قلت له: "هي أهانتني، ومش هاكلمها؛ لأنها هتقول حاجة تضايقني، فأرد عليها بشكل يضايقها لأني تعبت"، قال لي: "إزاي تقول لي هتضايقي أمي؟!!" قالت له: "فكر فيّ وفي كرامتي شوية، أنت بتدور عليها، وهي بتدور عليك، وأنا مين يدور عليّ، وأنت عارف إنها بتهينني وجرحتني كتير". قال لي: "تكلميها وماترنيش عليّ غير لما هي تقول لي إنك كلمتيها!!". قلت له: "لا هارن عليك، ولا عليها وخلاص انتهت"، بعت بعد كده رسالة قالي فيها: "هتشوفي يعني إيه تضايقي أمي"، بعت له: "أنت عارف إني مش هاضايقها، وإلا كنت عملتها قبل كده في المرات الكتير اللي فاتت، بس المشكلة أنك أناني ومش شايفني، أنا مابقيتش مستحملة". Sobhan allah