رأي و فكرة

يا شباب خمسة و عشرين...انتو فين..في ميدان التحرير ؟ امال مين أبو دقن و طوبة؟ امال مين أبو خيل مركوبة؟ امال مين إلي بيوزع دولارات؟ مين فيكو باع الشعارات؟ من تغيير لإسقاط...من حكومة لنظام...واللي يقول على جده حمار...أهو جدو سمع الكلام و تاتا تاتا بيتحرك...ليه سيبينه و قاعدين نتفرج..بلدك فيها دستور جبار..يتغير و يدوم الاستقرار..ولا يحرقه مولوتوف ولا نار...ميتشال في ايدين الشرعية...مش "وطنيين" ولا "إخونجية"....ولا حرب حجارة أهلية...ولا خناقات على فيسبوك غبية...و مرة قالوها الحكماء الاختلاف في الرأي لا يفسد للود قضية...اللي بيحمي بيته و عمارته...واللي بيحمي حق كرامته...ولا ده خاين...ولا ده خاين...و أهو الحق مبقاش باين...اللي باين وقف الحال..و ميت دكتوراه في السياسة...من ناس فتاية و هلاسة...دعو العلم للعلماء...و دعو الحكم للحكماء..آدي "العز" بقى مزلول...وآدي"حبيب" بقى عدو...و بكرة نشوفه مسحول...لشباب الخمسة و عشرين..و لشباب اللجنة الشعبية...الشباب المية مية..اللي حاربو البلطجية..واللي رفعو شعار الحرية...احنا داخلين على إنتخابات رئاسية...يلا نثور ثورة إيجابية...يلا نقرأ الدستور...و نطلع بطاقة إنتخابية..يلا نقرأ في السياسة...و نثور الثورة الفكرية...ولا نسمع فتي القنوات...ولا نغرق في محيط إحباط...ولا نخضع لمخططات..قصدها موت الأمل...إيه العمل...ده العمل...
تاني لشباب "التحرير"..غلطتكم الوحيدة أهي بانت...فقدان القائد...و بقيته موجة ركبها الاحزاب..و نهشها كل الكلاب..و البرادعي قال دي بتاعتو..و الاخوان قالو ده جهاد..
مصر هي أمك صح؟ آدي سيرتها على كل لسان...كل مكان...كل الالوان...
روح لأمك...خدها في حضنك..عليها و نميها بهمك و بعلمك..مش بالصوت العالي...مش بوقف حالي..مش بفرض الرأي...ولا بغياب العقل...التفكير قبل التغيير...و شكراً