يا بطن حلمت اتحملت شالت الشمس شرّقت بالعلم بالمعرفة خرج النهار اتبسمت قالت الطلق جانى خرج لنا «مشرفة» الأب شاله ودعاله يكون شأنه على شال معجزة فى زمن نسى المعجزة الاسم والشأن والمقام «على» يأبى السراج فى زمانه أن ينطفى الأب كان من علية القوم والبلد عالم جليل فى الدين وفى المعرفة فتح «على» عينيه على بيته والبلد لقاهم الفرصة للاكتشاف والعلم الأم مصر الغالية أما البلد دمياط ومنها بدأ يعيش الحلم سافر وطلب العلم فى بريطانيا ورجع لنا دكتور «على» دكتور حب البلد جواه ومفيش حاجة تانية تغربه غير علمه والعلم نور وساعة لما البلد تنتفض تلاقيه مناضل ينتفض ويثور فنان وعازف على الكمان وكمان عالم وعلمه عدّى بلاد وبحور عاش بالسلام وبالعلم نفع الناس رفض يكون علمه خراب وفجور يا مصر شايله جوا بطنك علماً إمتى يجييكى الطلق إمتى ييجى النور وتخرجى من بعد حملك سالمة وتخرجى من بعد صمتك منصفة والبطن تحمل وتنجب لنا أجيال جديدة من «على مشرفة» أيمن محمد جادو- دمياط