تعرف إيه عن مهارات التدريس يا مستر؟

إذا كنت مدرسًا.. من فضلك، أكمل قراءة هذا الموضوع .. وإذا كنت طالبًا، أرسله ل 10 مدرسين وستكون من الناجحين بتفوق هذا العام بإذن الله.
لكل مدرس أو مدرسة ما نعرفش اسمه، ما نعرفش عنوانه، ما نعرفش تخصصه ولا مكان شغله، نحب نسأله: جربت قبل كده تختبر نفسك وتقيس مهاراتك في التدريس؟؟
لو حابب تقيم مهاراتك كمدرس، أجب على الأسئلة التالية – بصراحة .. ب "نعم" أو "لا"
1- بتحب المادة اللي إنت متخصص فيها وبتلاقي نفسك في تدريسها ؟؟
2- تفاعل الطلاب ومناقشتهم ليك أثناء الشرح عامل أساسي عندك بتهتم بتحقيقه في كل حصة أو محاضرة بتقدمها ؟
3- بتسمح بنسبة معقولة من الدعابة والهزار وإنت بتشرح؟
4- في بداية كل عام، أو فترة دراسية بتحط قدامك هدف وبتسعى لتحقيقه مع الطلبة "مثلا تحقيق نسبة نجاح معينة / مستوى درجات مرتفع"؟
5- جربت قبل كده تراجع أداءك الحركي أثناء الشرح "درجة صوتك – لغة الجسد – تعبيرات الوجه" علشان تطوره للأفضل؟؟
6- بتستعين بطرق غير تقليدية لتوضيح المعلومات "مناقشات جماعية – ألعاب محاكاة وتبادل للأدوار – فيديوهات – مقاطع صوتية ...."؟
7- عادة ممكن تتواصل مع تلامذتك بهدف الإفادة والإستفادة- بعيداً عن مكان التدريس من خلال التليفون – الموبايل – الإنترنت؟؟
8- بتختبر تلامذتك بشكل دوري منتظم "شفوي أو تحريري"؟
9- بتطور دايماً من أسئلة الإختبارات الدورية اللي بتحطها للطلبة وبتعدلها للأفضل؟؟
10- بتحتفظ لنفسك بنسخة خاصة من درجات الطلبة في الاختبارات الدورية خلال السنة الدراسية أو فترة الدراسة؟؟
11- بتكافئ الطلاب المتميزين بشكل ينمي روح المنافسة الإيجابية بينهم وبين باقي زملائهم؟
12- بتهتم تعرف مين الطلبة اللي عندهم سوابق رسوب أو اللي مش بيبحوا المادة بشكل مطلق وصعب عليهم فهمها علشان توجهلهم اهتمام خاص؟
13- هل إنت شخص صعب استفزازه وعندك قدرة عالية على احتواء التصرفات غير المنضبطة داخل مكان التدريس؟
14- خلال العام الماضي شاركت أو قمت بنشاط من شأنه تطوير أداءك وكفاءتك كمدرس "كورس – دراسات عليا – قراءة كتب أو أبحاث متعلقة بتخصصك ..."؟
15- بتأخذ بعين الاعتبار نصائح زمايلك في نفس تخصصك وبتتبادلوا الاقتراحات اللي من شأنها تطوير شغلكم
ودلوقت حط لنفسك درجة على كل سؤال كانت إجابته "نعم".. واجمعهم وشوف تقديرك طلع كام من 15)
ملحوظة: لو لقيت أن كتير من الأسئلة دي بعيدة عنك وعن طريقة شغلك، أوعى تبرر ده بإن المناخ أو الإمكانيات أو نظام العمل في المكان اللي انت بتشتغل فيه غير مشجعة، وأوعي تقول إن دي حاجات مش مهمة وصعب تنفيذها على أرض الواقع؛ لأن ده معناه إنك مش مدرك أهمية الشئ اللي انت بتعمله.
التدريس مش مهنة هدفها تعبئة العقول بالحقائق والمعلومات، التدريس مهنة صناعة العقول.. وإتقانها والإبداع فيها متوقف على استعدادك وتفهمك لقيمة مهنتك قبل أي شئ تاني .