حالة حوار

د/عمروعبد السميع :مساء الخيرأهلا بكم في حالة حوارثقافة الانتماء حلقات خاصة من هذا البرنامج نستضيف فيها رموز من السياسة والاقتصاد والأدب والثقافة والفنون والرياضة والإبداعات في كل المجالات لنعيد معهم إعادة العلاقة الوطن المواطنعلى فيض تجاربهم اليوم نحن موشكون على إطلاق الدورة 42 لمعرض القاهرة الدولي للكتاب ولذلك انا استضيف منتج كبير للثقافة سيحدثكم عن صناعة النشر وأهمية ان يكون لدينا معرض دولي للكتاب يكلمكم عن القرصنة وحقوق الملكية الفكرية عن الكتاب المدرسي والكتاب الاليكتروني وحرية التعبير استمعوا اليه جيدا ففي كل ما سوف يطرح تحديد لمعني أهمية وجود دورثقافي لمصر ويا أيها الشاب الجميل حب بلدك حب وطنك ده الحب بعده مستحيل ,اسمحوا لي أولا ان أرحب بضيفي وضيفكم المهندس ابراهيم المعلم نائب رئيس اتحاد الناشرين الدولي وأرحب وأبنائي وبناتي شبات وشباب مصروأهلا وسهلا بكم بقي ياباش مهندس انا مش هبتدي معاك في الحقيقة عن الكلام عن معرض القاهرة الدولي للكتاب في دورتة 42 الموشكة على الانطلاق وهتكلم معاك مباشرة في صناعة النشر وتقنيتها أو اقتصاديتها اناعاوزابتدي معاك بسؤال حاكم في صناعة النشر وربما في صناعة الثقافة أنت عارف فولتاروخلينا نقول للأولاد مين هو فولتار, فولتار فيلسوف وأديب فرنسي إتولد سنة 1674 ومات 1778 ومن أهم كتبة رسائل عن الانجليزوكان من محبزي الملكية الدستورية بتاعت بريطانيا وضد الملكية بتاعت فرنسا وكان ايضا من محبزي الحريات المدنية العامة وضد السلطة للكنيسة وتعد أفكاره تمهيد للثورة الفرنسية اللي قامت بعد وفاته بشهورفولتاريا باش مهندس بقي قال كلمة انا أتوقف عندها كثيرا قال ان المطبعة تؤدي الى نشر الجهل لأنها تنشر أفكار مفتي الدولة العثمانية الحقيقة كلامه ده يوحي لان هناك حضور لفكرة الرقابة ضد أفكار يعاديها أو يخاصمها الرقابة دي تطورت بعد ذلك وخدت إشكال عديدة جدا هناك الرقابة الإدارية أوالسياسية بتاعت الدولة هناك الرقابة الدينية بتاعت المؤسسة الدينية وهناك الرقابة المجتمعية اللي بتتكلم عن مكارم الأخلاق وعدم اختراق الاكود الأخلاقية لكننا أمام ضرورة الرقابة تقف أمام ضرورة أخر وهي ضرورة ارتفاع سقوف حرية التعبير عاوزك تقدم لنا طريق للحل في هذه المعضلة ما بين ضرورة الرقابة وضرورة الحرية
م/ابراهيم المعلم : يعني أنت ابتديت بأصعب سؤال ممكن نتكلم فيخ ساعتين ثلاثة لوحدة
د/عمروعبد السميع : هو ده ؟
م/ابراهيم المعلم : هو فولتار زي ما نات قلت الفيلسوف اللي له مكأنه في التاريخ وله مواقف متناقضة لان هو زي ما طالب بحرية الفكر وحرية التعبير وقال انا مستعد ما معناه انا بكره اللي تكتبه لكن ادفع عمري علشان تستمر في كتابته في نفس الوقت ضد هذا الموقف انه المطبعة علما ان المطبعة المؤرخين وعلماء الاجتماع بيقرنوا بين اختراع الطباعة الحديثة ووصول الثقافة والتنوير الى الجماهير والى جموع الشعب قبل المطبعة كانت الثقافة وكانت الكتب وكانت القراءة وكانت المعلومات والإخبار اللي تحصل محصورة في النخبة القادرة على نقل الكلام البعض اللي تقدر تكتب لبعض المتبعة خلت الثقافة وخلت التنوير وخلت المعلومات والأخبار تصل الى اكبر عدد من الشعب
د/عمروعبد السميع : كل المطابع؟
م/ابراهيم المعلم : كل المطابع المحتوي مش مهم
د/عمروعبد السميع : حتي لونشرت مضمون متخلف ؟
م/ابراهيم المعلم : هنا بقي هتيجي القضية المطابع بعد المطابع يبقي في الصحافة وبعدين تطورت
د/عمروعبد السميع : أو تدهورت .
م/ابراهيم المعلم : أو تدهورت النقطة بقي الصراع الذي ما زال مستمر فولتارقال انا مستعد ادي عمري علشان تقول رايك لكن في نفس الوقت لما زعل وغضب من موقف مفتي الدولة العثمانية أو الدولة العثمانية اللي كان فيه جزء كبير من العالم مقتنع ان موقفة صح لان كان في مشكلة بين الدولة العثمانية وبين فرنسا لان على حسب وجهة نظر الدولة العثمانية ان فرنسا شجعت روسيا انها تخون اتفاق وتخليها تخش في حرب هولندا وتركيا حاربتهم ففي وجهة نظر مختلفة وهنا وهو نفسه فولتار كتب كتاب انتقد سيدنا محمد نقد لاذعا وعنيفا واتهمه تهم لا تقبل ورجع بعدين غير رايه وكتب ان هو سيدنا محمد رمزمكارم الأخلاق ورمز التنوير فالنقطة هل رأي واحد ولا كل الآراء ومين اللي يقول ان هذا الرأي رأي بناء ورأي مفيد والرأي الأخر رأي غير صحيح
د/عمروعبد السميع : ده عن التنظيرفي المطلق خلينا بقي في الواقع العملي الحالي ؟
م/ابراهيم المعلم : اتحاد الناشرين الدولي عندي مشكلة ان هو يؤمن بالحق في التعبيروحرية النشر
د/عمروعبد السميع : اتحاد الناشرين الدولي إنشاء سنة 1896 .
م/ابراهيم المعلم : والحق في التعبير ولكن عنده بقي هل في حدود دستور كل بلد ولا مطلق وحصلت مناقشة حامية وكنا احنا طرف وفي ناس ثانية طرف أخر لان في ناس تقول ايه في أوروبا يقولوا قد تكون الدساتير والقوانين في البلد ظالمة أوغيرمعبره عن رأي الناس لكن في نفس الوقت أنت عندك في فرنسا في القانون انك لو ناقشت هولوكست تتحبس
د/عمروعبد السميع : المحرقة؟
م/ابراهيم المعلم: المحرقة وده اللي حصل
د/عمروعبد السميع: اللي هو ضحايا النازي من اليهود المزعومين؟
م/ابراهيم المعلم: وده زي اللي حصل " لاروزي دو جارو" انك في القانون في حاجات
د/عمروعبد السميع : الفيلسوف الفرنسي " لاروزي دو جارو "
م/ابراهيم المعلم : في حاجات تحد الحرية فأنت تحترم قانونك في بلاد الدساتير تعبر عن رأيها وفي بلاد الدساتير لا زالت لا تعبر عن رأيها الحقيقي طيب نعدل الدساتيرفي حدود القانون ولا بالخروج عن القانون لابد انها اللي احنا وصلنا له لابد ان تكون في حدود القانون والا بتدعوا الى الفوضى لكن في حدود القوانين والدساتير في كل بلد لابد ان تكون الحرية مطلأ لان ما ينشرليس فقط رأي ماينشر فيه علم فيه أخبارفيه حقائق فيه مختلف العلوم في قانون في جغرافيا في تاريخ في طبيعة في كيمياء في كل الكلام ده وفي آراء الآراء نسبية ولابد إذا انا عاوزرأي يحترم احترم الرأي المخالف ليه وأكون حريص عليه
د/عمروعبد السميع : الحالة الراهنة في مصر يتقول ايه بقي ؟
م/ابراهيم المعلم : الحالة الراهنة في مصر
د/عمروعبد السميع : فوضي ولا رقابة ولا حرية ولا ايه الموضوع ؟
م/ابراهيم المعلم : احنا الوضع تحسن عن سنوات سابقة
د/عمروعبد السميع : يعني ايه الكلام ده ؟
م/ابراهيم المعلم : أقولك كان مصطفي أمين بيقول ايه مصطفي أمين كان بيقول لو واحد
د/عمروعبد السميع : يا أنت علشان تبلعني أي حاجة فتقولي انها تتحسن ؟
م/ابراهيم المعلم: انا شخصيا عاوز أكثروعاوزأكثرايه لو أنت واحد حاطت ايدك على بقى لمدة عشر,عشرين سنة ومش عارف يتكلم أول ما تشيل أديك من علي هيقول كلام موضوعي ولا يروح شتمك في الأول في مرحلة أنت دلوقتي انطلقت قنوات الحرية الرأي وحرية التعبير بما فيها ما تفعيله وما لا تقبله ولا تعتبرة أحيانا تجاوزات وخروج عن العرف وعن التقاليد ولكن انا رأي ان هذا مفيد ولكن لسه في البداية على بال ما يتظبط ويبقي مجتمع يقبل ويستطيع ان يزن ويستطيع ان يحكم والاهم من كده ان حرية الكلام وحرية الرأي هي ناقصة إذا لم يكن لها في الأخرفعل يعني انالما انتقد وزيرمعين هيئة معينة نادي معين أي نقد أقوله إذا كان هذا النقد مبني على أساس الرأي الصحيح لابد ان يؤدي الى شيء يؤدي الى محاسبة لابد ان يؤدي الى رأي لابد ان يؤدي الى رد لكن انا وأنت تقعد تقول آراء ونبذل جهد وفي الأخركآن لم تعمل شيء فحرية التعبيروالحق في التعبيروحرية التعبيرناقصة انها حتي الآن لم تصل الى درجة الفعل
د/عمروعبد السميع: بقول لا واحد يبقي في رقابة ولا مفيش أنت المخرج الكبيرالأستاذ خالد يوسف له رأي في الموضوع يقولك مش عاوزرقابة خالص انا ساعة اضبط نفسي منحاز الى هذا الرأي في رقابة ولا مفيش ؟
م/ابراهيم المعلم :انا منحاز لهذا الرأي
د/عمروعبد السميع: حتي الرقابة الدينية انا مش عاوزأي رقابة من أي نوع الا الأزهر المفروض عنده رقابة واحدة بس ان هو يراقب ان طباعة القران والمصحف صحيحة وغير مشوه بس كده ؟
م/ابراهيم المعلم: انما أنت متجبش انا مؤلف قصة تقولي رأي فيها وبعد كده الكنيسة لها رأي فيها
د/عمروعبد السميع : لما الأزهرلم يعترض على صقرالله الحسين سيري الله شهيدا للأستاذ عبد الرحمن الشرقاوي ودي تعد من روائع الادب المسرحي في تاريخ مصر
د/ابراهيم المعلم : بس احنا برضه بنخش في مغالطة الأزهر ليست له حق المصادرة الا في حالة واحدة بس في القران الكريم انما في ماعدا ذلك هو بيقول رأي ففي ناس بتحيل أعمال سواء دينية أوغير دينية لمجمع البحوث الإسلامية الغلط والخطاء على اللي سيحيل الرأي أنت لابد ان تحال لا للشئون الدينية للأزهرإنما في أدب في سياسة ولا بعد كده الأزهر هيبقي له رأي والكنيسة هتبقي لها رأي ووزارة الداخليه لها رأي ووزارة الخارجية لها رأي
د/عمروعبد السميع : ما هو ده اللي حاصل دلوقتي .
م/ابراهيم المعلم : لأ يبقي لها رأي ماشي بس ما يبقاش لها الرأي, الرأي ان ترد زي ما انا لي رأي بانتقد واختلف
د/عمروعبد السميع: وبنشوف بعض النصوص اللي بتنشرفي مجلات وزارة الثقافة مثلا وتقوم الدنيا وتقعد عليها أو السلاسل بتاعت وزارة الثقافة زي وليمة وأعشاب البحروزى الحاجات دي كلها وتقوم الدنيا وتقعد وتنظرالوزارة ان هي تسحب الأعداد أوتلغي المنشور
م/ابراهيم المعلم: ما هو هنا هتخش في مشكلة برضه العالم ناقشها وإحنا عندنا مشكلة ان احنا بيتهيئ لنا ان احنا منفتحين على العالم وان احنا بنعيش العصر في الواقع احنا مش منفتحين قوي على العالم ولا دريانين العالم فيه ايه ولا عيشين سنة 2010 احنا ساعات بنبقي عايشين سنة 2950 وساعات عايشين 2860 وساعات مش عارفين الدنيا فيها ايه في الاقتصاد وفي السياسة وفي كل حاجة العالم كله دائما علشان نغطي نفسنا بيقول ان الثقافة والرأي والإبداع هذا عمل مستقل مفيش حكومة ولا جهة إدارية في العالم تالف قصيدة شعرولا تالف روايه ولا تعمل فعل هي وظيفتها انها تعمل التشريعات والقوانين
د/عمروعبد السميع: والله احنا عندنا الحكومة بتالف شعردلوقتي يعني لما تشوف التصريحات الحكومية تلاقيها موزونة ومقفاه وزى الفل .
م/ابراهيم المعلم : وبعدين النقطة وزارة الثقافة أو أي وزارة أخري ميزانيتها من فين مني ومنك ومن كل واحد منكم دي من أموال دافعي الضرائب فهي إذا كانت الحكومة تمثل أموال دافعي الضرائب هل يصبح ان الحكومة بفلوسي انا تأخذ موقف ضد إرادتي وضد رغبتي أو ضد الاتجاه العام
د/عمروعبد السميع : وضد حقي في المعارفين .
م/ابراهيم المعلم:هي المفروض الحكومة تعطي هذا الحق للأدباء والمفكرين والناشرين هما يختلفوا في الرأي يخرجوا بره الإطار يحاولوا يجدد يختلفوا الرأي ينشروليمة اعشاب البحر خصوصا وليمة أعشاب البحرما هي كانت منشورة عدة مرات
د/عمروعبد السميع : للكاتب السوري حيدر حيدر ؟
م/ابراهيم المعلم : كويس هي قضية عملها الكاتب السوري وفي اختلاف طبعا على درجة كفاءته زي أي اختلاف على أي درجة طبعاإذا كان في ناس بيقولوا ان نجيب محفوظ ميستحقش جائزة نوبل رغم انه يستأهل ونصف اكبرمن جائزة نوبل لكن في اختلاف القصة بيتكلم على شباب عراقي هاجروا من الجزائروحصلت مشاكل للشعب الجزائري وفيها مشاكل سياسية على مشاكل جنسية على مشاكل قد تصل للبعض انها ضد ما نعتقدة هنا وما نحبة ان نتكلم به على العراق دي مش وظيفة حكومة تنشرها خصوصا انها منشورة وموجودة لان دي من فلوس دافعي الضرائب هل أصلا وزارة الثقافة الأمريكية أوالفرنسية أوالايطاليه أو اليابانية أوالكورية بتنشرولا هي بتشجع الناس أوانا عملت وظيفتي وسبت الناس تعمل وظيفتها مش هيبقي في مشكلة
د/عمروعبد السميع : يعني لو دي نشرها القطاع الخاص في تقديرك المجتمع هيقبلها ولا ما يقبلهاش فقط من وزارة الثقافة ؟
م/ابراهيم المعلم : ما هو ده اللي حصل ايه انها منشورة أصلا هو النقطة كمان ايه
د/عمروعبد السميع : بس هو مكنش دريان بها .
م/ابراهيم المعلم : علشان لما اتعملت بفلوس الناس أصحاب الفلوس اعترضوا لكن هي منشورة وموجودة
د/عمروعبد السميع:عندنا احنا تيارمن الوعي لدي دافعي الضرائب بيخليه يدافع عن مصالحة بالشكل اللي حضرتك بتتكلم فيه ده ؟
م/ابراهيم المعلم: اللي حصل اللي آثار مشكلة عدد من النواب في مجلس الشعب مش الناس الناس ما اثاروش مشكلة ما هي موجودة من قبل كده وموجودة في الأسواق وموجودة من 15 , 16 سنة وهي قصة قديمة وبعدين المشكلة اللي حصلت بعد كده ثلاث قصص نشرتها وزارة الثقافة ومنعتها وزارة الثقافة
د/عمروعبد السميع : ما هو نواب في مجلس الشعب اعترضو على انف وثلاثة عيون للأستاذ الكبيرإحسان عبد القدوس وكان القطاع الخاص هو اللي مطلعها في وقتها .
م/ابراهيم المعلم : كويس بس ايه اللي حصل تنها موجودة النقطة ان زاي ما من حقي ان انشر الرأي الشجاع من حقك تعترض ومن حقي ان يكون لي رأي مختلف لكن لابد في الأخر من وسيلة ان رأي الأغلبية هو اللي يسود ان المجتمع نفسه متنور بحيث يحمي حقه في الاختلاف والحق في الاعتقاد وحرية الفكر وحرية العقيدة ولا لأ احنا من البدايه
د/عمروعبد السميع : عايزك تجاوب على السؤال ده المجتمع فعلا مؤهل لهذا ؟
م/ابراهيم المعلم : آه لان أنت من بدايه القرن العشرين اما حصل مشكلة في كتاب طه حسين وحصلت مشكلة في مجلس النواب القاضي وقف جنبه والعقاد رغم ان هو مبيقدرش طه حسين وقف جنبه
د/عمروعبد السميع : كتاب الشعرالجاهلي الدكتورطه حسين عميد الأدب العربي ؟
م/ابراهيم المعلم : وسارت مناقشات وفي الأخركان الكتاب موجود انما لابد ان نؤمن ان من حقك ان يكون لك رأي مختلف وإيمان مختلف وعقيدة مختلفة وتستطيع ان تعبر عنها ومن حقي ان اعترض عليك وفي الأخر لابد يبقي في وسيلة ديمقراطية هنا يبقي في الأخر هتيجي تقول ايه ان الشعب كله لابد انه مستواه يرتفع كلما أردت كمية الآراء المختلفة والحقائق التي تعرض كلما ارتفع مستوي الشعب والديمقراطية تعود وتعلم وممارسة والديمقراطية تعالج أخطائها وتعالج نواقصها بالتطبيق وبالممارسة وبالديمقراطية وليس بالتأديب
د/عمروعبد السميع : نخش بقي في الموضوع بقي يا باش مهندس احنا داخلين على الدورة 42 لمعرض القاهرة الدولي للكتاب من زمان أيام ما كنا صغيرين وإحنا بنسمع مجموعة من المشاكل تثار موسميا مع إطلاق دورة جديدة لمعرض الكتاب يقول لك الجمارك الرقابة لسوء التنظيم التواجد الأمني الزائد عن اللزوم الزحام وتفضل عمليه إعادة أنتاج الملل وتجويد الملل تتكرر كل سنة بنفس القضايا دون ان نري تغيرا انا عايزك النهاردة ترسم خارطة طريق الخروج من هذه الأزمات ظ
م/ابراهيم المعلم : شوف معرض القاهرة ده معر بالغ الأهمية لان هو اكبر واهم حدث ثقافي عربي وإسلامي مش في مصرفي العالم بحكم انه في القاهرة والقاهرة هي العاصمة الثقافية الحقيقية للثقافة العربية وللثقافة الإسلامية القاهرة مدينة كبري وعدد سكان القاهرة عدد من اكبرأعداد السكان في العالم فكونك بتعمل هذا المعرض سنويا في القاهرة فأنت حققت له انه معرض لا ينافس ولا يضاري كما كأنه وموقع تاريخي وجغرافي بالإضافة من ميزاته ان الدولة حريص منذ سنوات طويلة على ان يفتتح المعرض بنفسه كل عام وده بيخلي في تغطية إعلامية رسمية ومستقلة برضه لا تنافس وابتدي عدد كبيرمن الدول العربية يقلدنا في هذا كل ده ميزات لمعرض القاهرة في نفس الوقت اكبرعدد من الزوارواكبرعدد من القراء والحدث الشعبي الوحيد اللي بيحب فيه في اليوم أكثر من مائة ألف مختلف أعمارهم مختلف تخصصاتهم مختلف طبقاتهم مختلف اهتماماتهم يعني أنت لما يبقي في ماتش كورة سعة الإستاد القصوى 97 ألف مش 100 ولا 120 ألف زي ما بيقولوا واللي بيروح فئات عمرية قادرة على الذهاب مبيروحش أطفال صغيرين ومبيروحش الشيوخ الكبار مش قادرين وبيروح الناس اللي بتحب الرياضة واللي بتحب الكورة لكن معرض القاهرة بيروح كل يوم مائة ألف ممكن يبقي واحد من سن أربع سنين عايز كتاب للأطفال وشيخ كبير عايز كتاب طبي أو عايز مرجع في كل أنواع العلوم والمعارف لكتاب الطفل لكتاب الطبيب للسياسة للتاريخ للكتب الأجنبية جميع الكتب وجميع الاهتمامات وجميع الاختصاصات موجودة
د/عمروعبد السميع : طيب ده في الكلام عن أهمية معرض الكتاب ولكن ايه بقي ؟
م/ابراهيم المعلم: لكن أنت عندك الكنزبين يديك والعالم يتطورويقفز وعندك معرض فرانك فورت قدامك ومعرض بلوفيا قدامك ومعرض أمريكا قدامك ومعرض الصين حتي اللي فيها نظام شيوعي قدامك وفي آليات حديثة لامتلاك المعارض لتنظيم المعارض للدعاية للمعارض لتقديم الخدمات لزوارالمعرض بطريقة اجتذاب المهتمين لأنك أنت في الأخرفي فرق بين السوق وفرق بين المعرض السوق هو سوق للبيع للناس الدول كلما زادت تقدمها ثقافيا ميبقاش أي معرض للبيع للناس لان المفروض في قراء والقراء يقراؤن طول العام مفيش قاري بيقراء أسبوع وبعدين يقعد باقية السنة قاعد ولما معناها يقراء طول العام يا اما بيقرأ في المكتبات اللي موجودة في كل إنحاء بلده يا أما الحجة برضه اللي بيقوك عليها برضه الكتاب غالي مش عايز يدفع ولا مليم يروح يستعير يطلع يدرس الكتاب في المكتبات العامة اللي منتشرة في كل بلده وفيها جميع الكتب الحديثة والقديمة جنبا الى جنب فهو طول العام عايز يقرأ دون ان يدفع مليم يروح مكتبة عامة يقراء يذاكر يستعير عايز يقتني الكتاب يروح المكتبات اللي منتشرة في بلده المفروض المعرض مواصفات اتحاد الناشرين الدولي علشان يكون المعرض معرض دولي اللي هو ايه مفيش رقابة ولا قبل ولابعد مفيش نمرة اثنين ان لابد ان يكون هناك يوم على الأقل هما يفضلوا ثلاثة أيام للمحترفين فقط يعني ايه المحترفين يعني الناشرين المؤلفين الفنانين وكلاء الأدب أمناء المكتبات أساتذة الجامعات يعني الناس اللي مهنة النشرومهنة الكتاب المعارفين ان المحترفين يلتقوا يجو يتبادلوا الخبرات يطلعوا على الجديد ويشتروا ويبيعوا حقوق الملكية الفكرية يشتروا ويبيعوا الكتب وينقلوها تعمل ثقافات شحن كتب نفقات طباعة نفقات تأليف مشترك تأليف مواسع مشترك كل الحاجات دي هي شغل المحترفين ليكون المعرض معرضا للكتاب
د/عمروعبد السميع : اما ال اللي عندنا ده ايه ظ
م/ابراهيم المعلم : علشان يكون دولي لابد ان يكون هناك عدد من الناشرين الأجانب مش الناشرين الإقليم يعني مش كده ولا لأ
د/عمروعبد السميع : ايوه مظبوط
م/ابراهيم المعلم : فانا لما يكون كل الناشرين مصريين يبقي المعرض مصري يبقي مل الناشرين عرب يبقي معرض عربي إنما لما يكون معرض دولي في بقي تصنيف إذا هو معرض دولي كبير يبقي عدد الناشرين حوالي 500 ناشرأجنبي إذا معرض متوسط يبقي حوالي 200 الى 250 ناشر أجنبي إذا معرض دولي صغير تبقي حوالي 100 ناشرأجنبي ده علشان يبقي معرض دولي
د/عمروعبد السميع : اناعايزاعرف بقي احنا فين من الكلام اللي حضرتك بتقوله ده ؟
م/ابراهيم المعلم : احنا سوق هام جدا للكتاب بتنظيم قديم غير عصري وغير جذاب وغير متطور والمفروض يتطورأحسن من كده سنة بعد سنة
د/عمروعبد السميع : يعني احنا معرض دولي ؟
م/ابراهيم المعلم : بس كل المعارض اللي في العالم العربي بتسمي نفسها معرض دولي
د/عمروعبد السميع : بقو ل احنا معرض دولي ولا لأ ؟
م/ابراهيم المعلم : إذا اشترك أكثر من 100 ناشر أجنبي يبقي دول
د/عمروعبد السميع : لازم يشترك عندنا 100 ناشر أجنبي ؟
م/ابراهيم المعلم : بنشترك سفارات ومراكز
د/عمروعبد السميع : ام ال مسمينه دولي ليه ؟
م/ابراهيم المعلم :علشان احنا كل المعارض العربية بما فيها معرض صنعاء بما فيها أي معرض في العالم العربي بيسموه معرض دولي زي كده كل مستشفي بيسموها
د/عمروعبد السميع : مجازا يعني ؟
م/ابراهيم المعلم : مستشفي التخصص الدولي بينما تروح اكبرمستشفيات في العالم يقولك عيادة كذا وأنت بتقول المستشفي الدولي التخصصي مش كده ولا ايه
د/عمروعبد السميع : يعني كأنه معرض وكأنه دولي ؟
م/ابراهيم المعلم : إنما أنت سوق مهم حتي سوق كانوا أنت حتي سوق لابد ان تحسن خدماته لابد انه القارئ اللي رايح يشتري من السوق أول ما يخش كده يبقي عارف خريطة المعرض يبقي عارف يحط عربيته فين أو أتوبيسه فين يبقي عارف أو اشتري في كتب يشلها أزاي يبقي عارف الكتاب ده يبقي موجود في أي أجنحة يبقي عارف ان هو لوعاوز يشرب ولا عاوز يأكل ولا عاوزيقعد يخش دورة المياه يخش فين يبقي عارف انه لما يخش يقعد يشم تراب كده ولا الناشرين اللي يروحوا من الصبح الى الساعة 10 ليلا يعاملوا معاملة إنسانية
د/عمروعبد السميع : أتكلمنا على انه كأنه معرض وكأنه دولي علشان يبقي معرض ويبقي دولي في اللحظة الراهنة نبتدي تعمل ايه
م/ابراهيم المعلم : في خطط تطوير حصلت انا بنفسي
د/عمروعبد السميع: ما حضرتك دائما بتبقي في لجان الإعداد لمعرض الكتاب وبعدين بعد كده تقعد تنتقد فيه .
م/ابراهيم المعلم : انا كنت في لجنة من ثلاث سنوات
د/عمروعبد السميع : طيب ما تقول على فكرة أنت مسئول والله العظيم مسئول ؟
م/ابراهيم المعلم : انا مسئول طبعا وبحكم مسئوليتي انا لا أسكوت وبقول وبقول يتحسن بالطريقة دي وتطوره بالطريقة دي ولا أسكوت واعمل كل الطرق ما بين الدبلوماسية وما بين المواجهة
د/عمروعبد السميع : يعني ايه دبلوماسية ويعني ايه مواجهة؟
م/ابراهيم المعلم : يعني بتروح مثلا
د/عمروعبد السميع : بتروح لمين ؟
م/ابراهيم المعلم : لما أروح لوزيرالثقافة أجيب له رئيس معرض فرنك فورت ورئيس معرض فرنك فورت ده مش اهم معرض في العالم . العالم متفق انه معرض العالم للكتاب هو المعرض تتكلم تقول المعرض يبقي فرنك فورت كويس
د/عمروعبد السميع : كويس .
م/ابراهيم المعلم : رئيس معرض فرنك فورت لما العرب كان ضيف شرف سنة 2004 أو 2005 وعلمنا تنظيم كان رئيس معرض فرنك فورت رجل مثقف ويحب مصر جدا لان في ناس كثير في العالم بتحب مصر وتحب تاريخ مصر وتحب شعب مصر ودي من المميزات النسبية الهائلة انها تتوفر لمصرأكثرمن بلدان كتير في العالم
د/عمروعبد السميع : يعني عندنا جمهورحول العالم ؟
م/ابراهيم المعلم : طبعا عندك ناس بتحبك وتحب حاضرك وتحب ناسك وتحب شعبك هذا الرجل مثقف أهم معرض في العالم ومحب لمصر وجه وقال انا مستعد ان يشترك معرض فرنك فورت مع تنظيم معر القاهرة ويكون معرضا دوليا كبيرا ويكون معرض إفريقيا الأول بدون منافس لأنه يستحق ذلك
د/عمروعبد السميع : قلنا ايه ؟
م/ابراهيم المعلم : استني بقي
د/عمروعبد السميع : استني ؟
م/ابراهيم المعلم : انا مستعد معرض فرنك فورت يشترك معكم أو يكون مستشار لكم وإذا في مشكلة انا شخصيا مستعد مجانا أكون مستشاركم لان معرض القاهرة لابد ان يتطور هذا التطور كويس قلنا طبعا آه لكن في ناس ما هو أنت لما تيجي تقول ايه اللي بينظم معرض وزارة الثقافة ووزارة الثقافة تدي للهيئة العامة للكتاب الهيئة العامة للكتاب لما ظروف وملابسات ولها رؤية
د/عمروعبد السميع : ثانية واحدة بس يا باش مهندس يعني انا الحقيقة في حالة حوار على وجهة التحديد مبحبش التجهيل يعني لما تقولي في ناس لأ احنا مش بنتكلم على حالة نميمة مجتمعية يعني في ناس لأ سمي هذه الجهات قول لي مين في هيئة الكتاب يحث هذا الاختناق الذي لا يؤدي التطويرمؤسسة ثقافية هامة زي معرض القاهرة الدولي
م/ابراهيم المعلم : أنت عندك المشكلة اللي أنت حريص الهيئة العامة للكتاب وده ناشر حكومي أنشئ في الستينات بفكر مختلف عن الفكرالحالي بدليل أنت راجل كنت في لندن وكنت في أمريكا هل عمرك سمعت ان في حاجة اسمها الهيئة الفرنسية العامة للكتاب الهيئة الايطاليه العامة للكتاب مفيش حاجة اسمها كده الهيئة الكورية العامة للكتاب
د/عمروعبد السميع : طيب ايه اللي يحل محلها في وظائفها ؟
م/ابراهيم المعلم : ايه هي وظائفها ترجع تقول ايه وظائفها إذا كان لما أجيبك الهيئة العامة للكتاب أولا عليها ناس أفاضل وكل حاجة لكن المعرض لو حبيت على معرض فرنك فورت هو شركة مساهمة ما بين اتحاد الناشرين الألمان واتحاد موزعي الكتب الألمان وهي شركة مساهمة لا تبغي الربح إنما بتحصل أرباح الربح وظيفته حاجتين تطوير المعرض وتحسينه عام بعد عام وجزء منه لتشجيع الدول الصغيرة انها تشترك وتيجي تبيع لنا معندهاش إمكانيات
د/عمروعبد السميع : حلو جدا يعني أنت بتقو لنا ان احنا تحول مؤسسة معرض الكتاب الى شركة
م/ابراهيم المعلم : الى شركة أو الي هيئة ولكن لازم أنت في .....
د/عمروعبد السميع : طيب ما حنا نعتبر هيئة الكتاب دي وظيفتها
د/ابراهيم المعلم: لأ لان هيئة الكتاب دي ناشرناشرزي الناشرين الآخرين وفي مكبل بعدد من الموظفين لكن أنت دلوقتي المعارض دي فن إدارة المعرض فن تنظيم المعرض فن
د/عمروعبد السميع: كويس دلوقتي الاقتراح المحدد انها تحول لشركة أو هيئة وايه كمان ؟
م/ابراهيم المعلم : ومستقلة متبقاش بقي الهيئة أو هذه هيئة أو الشركة مكبلة بالبيروقراطية وبرغبة في السيطرة والخوف من الاستقلال وأنت دائما عندك هاجس انك لو سبت الحرية المطلأ لهذا المعرض والناشرين والأدباء يمكن يجي ناس يعلموا ندوات تعملك خطر أو تجيب ناس أنت مش عاوزهم يا سيدي الفاضل طبعا المفروض ده يحصل ولا متبقاش قضية فكر وإلا متبقاش ديمقراطية وإلا معناها اللي أنت ان موظفين الحكومة هم أصحاب الوطنية والمختلف عنهم في الفكر مش وطنيين أو انك بتقول ان موظفي الحكومة هم أصحاب الهيئة الصحيحة والحكم النهائي ونحن يتخلف معهم في الرأي أو في الشهرة أو في العلم هو اقل منهم
د/عمروعبد السميع : كل القضايا المشتركة ؟
م/ابراهيم المعلم : يا سيدي كمرحلة تقول البرنامج الثقافي ده كله تعمله وزارة الثقافة لكن البرنامج الاحترافي بتاع المعرض كمعرض
د/عمروعبد السميع : تعمله اتحاد الناشرين ؟
م/ابراهيم المعلم : يعمله اتحاد الناشرين بالاشتراك مع وزارة الثقافة لان ده في الأصل ان وزارة الثقافة هي اللي عملته محدش
د/عمروعبد السميع : ايه المشكلة إنكم تناقشو هذا الكلام وتوصلوا فيه الى شيء ؟
م/ابراهيم المعلم : يا عم ما نقاشناه مرة
د/عمروعبد السميع : وبعدين ؟
م/ابراهيم المعلم : أسالك سنة 2006
د/عمروعبد السميع : ما تسالنيش جاوبني .
م/ابراهيم المعلم : 2006
د/عمروعبد السميع : جاوبني انا أسالك وحضرتك تجاوب .
م/ابراهيم المعلم : لا انا أسالك انا
د/عمروعبد السميع : لأ متسالنيش هو انا ناشر ؟
م/ابراهيم المعلم : لا أنت مسئول
د/عمروعبد السميع : ولا مسئول ؟
م/ابراهيم المعلم : أقولك ليه التلفزيون المصري نشر سنة 2006 ان يقدم مشروع تطوير وتصميم المعرض القادم واتنشر والبرنامج والصور والتصميمات كلها عرضت طيب متنفذتش ليه ليه بقي الإعلام اللي في 2006 شاف الكلام ده أتقدم وأتقدم للسيد رئيس الجمهورية ونال الإعجاب وبعد كده متعملش منه حاجة ليه
د/عمروعبد السميع : طيب اليه للمراجعة والمحاصرة لهذا الموضوع ؟
م/ابراهيم المعلم : اليد العليا السابقة مجتمعتش من 3 سنوات وعدت اتحاد الناشرين ليس له مصلحة ولا رغبة ان يدخل في صراع اقتصادي ولا في معركة مع وزارة الثقافة ولا مع الهيئة العامة للكتاب ولا مع شيء مصلحة اتحاد الناشرين ان المعرض يتطور ويتجمل لأنه أهم حدث ثقافي سنوي ومن ضمن وظائف هذا المعرض إني انا علشان اصدر ثقافتي أجيب الناشرين اللي من اندونيسيا وماليزيا ونيجيريا اعزم هؤلاء الناس اللي اقدر ادعوهم لهنا يشوفوا كتبي ويشوفوا إبداعي ويشوفوا مؤلفاتي وكتبي وثقافتي توصل لهم
د/عمروعبد السميع : وتطورت العلاقات ظ
م/ابراهيم المعلم : مش كده ولا لأ في الأخر مش عارف والمفروض لما تيجي بيانات تقدم للشعب المصري لابد ان تكون صحيحة لما اجي في سنة من السنين أقول ان عدد الدول 97 دولة
د/عمروعبد السميع : شوف الجماعة بتاعت الكنترول روم الإخراج بيقول لك اهدأ شوية يا أستاذ ابراهيم .
م/ابراهيم المعلم : أنت تسال أسئلة ساخنة ان أهم الأشياء المعرض القاهرة معرض كبير ومعرض هام ولا يحتاج الى تجميل لما يكون عدد الدول المشتركة 30 كويس قوي مينفعش أقول 97 كده بضحك الناس عليه وبخدع نفسي لما يكون
د/عمروعبد السميع : اضحك الناس عليه دي نقطة مهمة جدا الحقيقة أواضحك علي الناس كمان لأنه في الحقيقة جميع القضايا ذات الصلة بموضوع النشرأو بمعرض الكتاب انا يلاحظ ان الأرقام اللي بتذكر فيها مش مريحاني مش اقبلها بسهولة ليه لان ملاقيش رقم واحد تكرر في خطاب جهتين بنفس الطريقة دائما في اختلافات على سبيل المثال مثلا يقولك ان قراءة الكتاب تراجعت في مصر وبنسبة كذا انا معنديش ثقة في هذا الرقم .
م/ابراهيم المعلم : ولا انا
د/عمروعبد السميع : أو يقولك أولويات القراءة اللي الناس تراجعت من القراءة الدينية وكثرت القراءة السياسية أو العكس بالعكس برضه معنديش ثقة في هذه الأرقام بيجيبوا الأرقام دي منين ؟
م/ابراهيم المعلم : انا لما توصل ان أنت السنة اللي فاتت دارالكتب بتقول ان الكتب التي صدرت في مصر حوالي 22 إلف عنوان بينما جهاز التعبئة والإحصاء يقول حوالي 4000 انا بقي أقول أين اللي صح دار الكتاب ولا الجهاز التعبئة والإحصاء واللي اثنين محترمين .
د/عمروعبد السميع : معندكش بموقعك في اتحادات الناشرين المصرية والعربية والدوليه أي بيان يقولنا ؟
م/ابراهيم المعلم : عندي بموقعي اقدراعمل تقدير واقدر ان هو في حدود 20 ألف
د/عمروعبد السميع : يعني هو اقرب لتقدير دارالكتب ؟
م/ابراهيم المعلم : ليه ده يشمل ايه الكتب المدرسية والكتب الجامعية وإعادة الطباعة والكتب الحكومية والكتب الثقافية وده اللي يتبع في العالم كله إنما هو حوالي 20 ألف إما إحصائيات ان القراءة زادت ولا القراءة تراجعت ده كله أحاسيس ومشاعر وجمل ها مبتدأ وخبروسعات سجع وليس لها أي علاقة لحد قاس ولا حد أحصي ولا حد قال
د/عمروعبد السميع : طيب أزاي تطور صناعة النشر في مصر إذا كان مفيش قاعدة معلومات ؟
م/ابراهيم المعلم : ماهو بالظبط لابد ما هو في فرق بقي اتحاد الناشرين عنده عدد من المعلومات لكن ده هذا هو شغل وزارة الثقافة ووزارة الإعلام
د/عمروعبد السميع : إذا وزارة الثقافة ووزارة الإعلام معملتش ده يا باش مهندس إذا معملوش هذا الكلام انتوا كاتحاد ناشرين ايه المشكلة إنكم تجيبوا شركة دوليه م الشركات المتخصصة في الاستطلاعات وتديكم بيانات رقمية واضحة تبنوا عليها خطتكم للنشر ؟
م/ابراهيم المعلم : لا مش بس اتحاد الناشرين وعدد من الناشرين احنا دلوقتي اتحاد الناشرين يتعاون مع مركز تحديث الصناعة وتعمل دراسة متكاملة للقراءة في مصر
د/عمروعبد السميع : يعني جهة حكومية ؟
م/ابراهيم المعلم : آه جهة حكومية طبعا وبنعمل هذه الدراسة والمفروض النتائج هتيجي قريب لكن كل ناشر جاد يعمل هودراساته
د/عمروعبد السميع : انتوا فاكرين مركز تحديث الصناعة ده اللي جالكم فيه حلمي ابو العيش هنا في حالة حوار كان مع المهندس رشيد كمل يا باش مهندس
م/ابراهيم المعلم : فبتتعمل حاليا دراسة دراسة بطرق علمية حديثة ودراسة موضوعية نرجوا ان نصل الى حقائق لكن أمتي ازعم إنني في السنتين الثلاثة اللي فاتت في نوع من بدايه زيادة في الإقبال على القراءة من أجيال جديدة من الشباب الجميل المشجع اللي يبعث على الأمل ويقراء في حاجات أكثر من حاجات يقراء في الأدب ويقراء في التاريخ والسياسة ويزور المكتبات ويعملوا مقابلات مع بعض ويعملوا ندوات ولقاءات مع القراء ويعملوا مواقع على الانترنت يتبادلوا التعليق على الكتب ففي بدايه نهضة ورواج وفيه تفجر موهبي عند كتاب الروايه في مصر مما يبعث على السعادة والأمل ومش صحيح ان زامن كان أكثر محدش عارف زمان علشان محدش قاس ده زمان لما كانوا يقولوا القراءة كانت كويسة كان يطبع في مصر كلها بما فيها الكتب المدرسية 600 , 700 كتاب دلوقتي 20 إلف
د/عمروعبد السميع : ما يبعث عن الأمل الحقيقة يدفعنا ان احنا نتكلم عن انه أخيرا بقلنا اتصال ببعض القضايا ذات الاهتمام الكوني في موضوع الثقافة وموضوع الكتاب على وجه التحديد حضرتك أترشحت علشان تبقي نائب رئيس الاتحاد الدولي للناشرين في أكتوبر سنة 2008 وتوليت هذا المنصب بداء من 2009 ومن ساعتها بقينا نسمع بحضور أكثر إلحاحا في وسائط الإعلام والجرائد وهنا وهنا كلام عن قضايا زي حقوق الملكية الفكرية أونتكلم عن الكتاب الالكتروني مثلا متحكي لنا شوية في القضايا دي
م/ابراهيم المعلم : آه أولا ان احنا ابتدي يبقي لينا تواجد دولي بيزيد فعلا ولو لم يكن لينا تواجد دولي مكنش حصل ان احنا خدنا جائزة معرض بولونيا لكتب الأطفال 3سنوات 3 مرت ناشرين من مصر ومؤلفين وكتاب مصريين خدوا هذه الجائزة مرتين الجائزة الأولي مرتين وشهادات تقدير ولولا هذا التقدم والمشاركة اللي حصلت واللي ابتدي الناشرين المصريين والعرب مش بس يبدعوا في ما ينشروه من كتب الأطفال دول يجيبوا أهم واحدث وأجمل وارقي كتب الأطفال في العالم كله ويشتروا حقوقها في شرعية كاملة وينقلوها الى العربية وتوجد في المكتبات في مصر ده خلي معرض بولونيا يستضيف رسوم الفنانين العرب وكتب الأطفال علشان يبقي ضيف شرف سنة 2002 كان نجاح باهر وده خلي بعد كده معرض فرنك فورت للكتاب سنة انا نسيت 2004 أو 2005
د/عمروعبد السميع : 2005 ؟
م/ابراهيم المعلم : يستضيف الثقافة العربية يكون ضيف شرف معرض فرنك فورت اللي هو أهم معرض في العالم المضحك هنا ايه ان فرنك فورت حتي الآن يقولوا انجح مشاركة ضيف شرف في تاريخ ضيوف الشرف هي المشاركة العربية اكبر مشاركة
د/عمروعبد السميع : المضحك مش ده المضحك انك ساعتها طلعت عملت تصريح قلت لنا فيه ان ده نقطة انطلاق وليست نقطة وصول احنا من ساعتها لا شفنا لا نقطة انطلاق ولا نقطة وصول ولا شفنا تأثير من أي نوع ؟
م/ابراهيم المعلم: أقول لك انا هي كانت نقطة انطلاق وأنا قلت لازم تعتبران دي مش نقطة وصول دي بدايه وعلشان عملنا البداية والناس عرفتنا والناس احتفت بينا لابد إنني أكمل انا مش رايح أبيع مثلا حبة شيكولاته ولا حبة ترمس ثلاثة أيام بعتهم ورجعت لأ انا رايح أقول لهم انا ثقافتي اهه وأنا فكري اهو وأنا أدبي اهو وأنا مؤلفاتي اهو اهتموا بيه واعرفوني لازم اكمل الناشرين الحكومات العربية عملت المشكلة دي وراحت وبالعفية جابت الفلوس ورجعت مبوسطة ونسيت الموضوع
د/عمروعبد السميع : اتصورا؟
م/ابراهيم المعلم : ونسينا الموضوع لكن في عدد من الناشرين والمؤلفين مش كبير لكن جادين
د/عمروعبد السميع : لا به جدوي ولا به نتيجة ؟
م/ابراهيم المعلم : بنتيجة ان أنت بقيت ضيف شرف معرض لندن للكتاب وبعدها بثلاث سنوات ان أنت لما بقيت ضيف شرف معرض لندن للكتاب كان من نجوم المعرض ككل الأستاذ بهاء طاهر الأستاذ علاء الأسواني خال الخميسي اللي كان أول كتاب له دول كانوا نجوم مش بس المشاركة العربية المصرية لكن كانوا نجوم للمعرض ككل بدليل ان أنت بعد هذا وبعد وصولك وتعرفك للناس ابتدي يبقي في تزايد في ترجمات الأدب العربي الى اللغات الأخرى عنا كان قبل كده في اثنين بس وصولوا تقريبا 40 لغة هما الأستاذ نجيب محفوظ والأستاذ محمد حسانين هيكل دلوقتي علاء الأسواني وبهاء طاهر وجمال الغيطاني انا مش عاوز انس وصول تقريبا الى أكثر من 20 لغة كتبهم تدرس ناس خالد الخميسي أول كتاب له ترجم الى عشر لغات دكتورة رضوا عاشور كتبها تترجم الى لغات منير البرغوتي كتبه تترجم وابتدت الترجمات متباقش الدور المخصصة لتشجيع أدب إفريقيا وكذا ابتدي الناشر الأجنبي يكون اكبرناشرين العالم في أمريكا في بريطانيا وفي ايطاليا وفرنسا وفي ألمانيا يهتموا بالأدب العربي ويترجموه
د/عمروعبد السميع: بسرعة شديدة جدا كلمني في التقدم اللي احرزناه ان كنا قد أحرزنا تقدم في موضوع الحقوق الفكرية والكتاب الالكتروني بسرعة شديدة ؟"
م/ابراهيم المعلم: الحقوق الفكرية عملنا تقدم كبير جدا ولكنة غير كافي احنا اتحاد الناشرين العرب شوف أنت قلت اتحاد الناشرين الدولي أنشئ 1896 أول جمعية عمومية اتحاد الناشرين العرب أنشئ وفي سبل الفعال لأول مرة في سبتمبر 1995 يعني بعدهم ب 95 سنة أول مرة يبقي لينا حضور في اتحاد الناشرين الدولي سنة 2000 يعني بعد 104 سنة
د/عمروعبد السميع : المواصلات بقي
م/ابراهيم المعلم : المواصلات من أهم أسباب إنشاء اتحاد الناشرين العرب ان وصلت القرصنة والاعتداء على حقوق الملكية الفكرية لدرجة انها تكاد تقضي على حركة التأليف وازدهارها وحركة النشر
د/عمروعبد السميع : اشرح للأولاد بس حقوق الملكية الفكرية بسرعة شديدة ؟
م/ابراهيم المعلم : علشان تفهموا أنتي مثلا أو واحدة منكم مثلا بتالف كتاب أو بتعمل كتاب في التاريخ أو بتعمل روايه بتقعد علشان تعمل كتاب في التاريخ أو الجغرافيا أو في الطبيعة تشتري مراجع وعاوزة تدرسي وعاوزة تتفرغي ساعات سنة وساعات عشر سنين بعد ما تفرغتي كل هذه المدة مش لازم يبقي في الحق المادي اللي يخليكي تعيشي عيشة كريمة تعرفي تأكلي وتشربي تدفعي إيجاروتربي ولادك ولا تعملي كل الكلام ده فلوسك تروح إذا عملتي دي مرة مش هتقدري تعملي دي ثاني في نفس الوقت إذا عملتي هذا الجهد وعملت هذا الكتاب مش تحب تحسي ان أنت نجحت وان كتاب ده وصل مصر وراح في المغرب وراح السعودية ولا تحب واحد يروح سارق كتابك ده أنت متعرفش أي حاجة خد فلوسك وخد العائد الأدبي وإذا حصل فممكن ان كل ما تقعد تكتب وتقعد تعمل مش هتاخذ فلوس مش هتضطر تشتغل حاجة ثانية علشان تعيش كمان إذا انا عندي ولاد كل واحد يفكر في أولادة عاوز ولادة يبقي عندهم شيء يورثوه مبلغ شقة عربية حتة ارض أي حاجة إذا اشتغلت في الفكروالثقافة والإبداع وكان ده ملوش عائد طيب ما انا أخاف على أولادي متشتغلش فيه أحسن متخترعش أحسن
د/عمروعبد السميع : مرة يا باش مهندس حضرتك قلت لي حاجة مهمة قوي في الإطار ده قلت لي كمان يؤدي حصول الكتاب أو المؤلف على حقوق ملكية الفكرية للنص الإبداعي الى تحريرعلاقته بالدولة ؟
م/ابراهيم المعلم : ما انا لسه أقولك آه يتفتح مجالات
د/عمروعبد السميع : وحشة ؟
م/ابراهيم المعلم : قبل ما أرد أقول حاجة سهلة الناس احنا بنتقدم أزاي ان حد يخترع أدوية تعالج الإمراض مش كده ولا لأ دي ملكية فكرية ان حد يكتشف مكن يعمل صناعات دي ملكية فكرية ان حد يعمل نظم أدرايه تحسن الأداء ان حد يبتكر نظم في التعليم أحسن تعليمكم إنكم تقدروا بسهولة ويسر وبطرق جميلة تتعلموا وتعرفوا تشتغلوا كل دي ملكية فكرية من الملكية الفكرية هي إضافة البشر للحياة وللموارد وهي اللي يتعمل التقدم الدول اللي تحترم الملكية الفكرية وتدي المبدع والمؤلف والباحث والمبتكر والمخترع حق حمايه وحقة المادي والأدبي دون احتكار تعرف تتقدم وهو ده يقدر يعيش ويقدر يفكر ويقدر يكتب
د/عمروعبد السميع : مستقلا عن الحكومة ظ
م/ابراهيم المعلم : مستقلا لان هو ......
د/عمروعبد السميع : مستقلا زي الشاعر بتاع السلطان زمان يعني يتحرر من سلطة السلطان ويفكرعلى كيف كيفة .
م/ابراهيم المعلم : لان في الأخرالشعبي القارئ أو الباحث أو الجمهور بيدفع بإعجاب ورضا كل ما يمكن من المزيد
د/عمروعبد السميع : وماذا عن الكتاب الالكتروني ؟
م/ابراهيم المعلم : لكن انا لما كنت شاعر زمان اعمل قصيدة علشان اعرف أعيش أروح للخليفة وقولة قصيدة فيديني ثرة ولومدنيش ثرة اشتمه فيرجع يدي ثرة اسكت
د/عمروعبد السميع : يعني يطلع الشاعرالعربي يقوله وانتم أندر العالمين ينافق نفاق فظيع علشان ياخذ شوية فلوس
م/ابراهيم المعلم: انما كل قصيدة حلوة وبديعة يقولها بيجيلوا عائد يعيشة مش هيضطر يقول كده مظبوط ولا لأ انا بقي في البلاد في العصر الحديث إذا اقدرمن كتبي أعيش حياة كريمة يبقي انا اقدر أتحري وأقول الحقيقة وأقول ما أؤمن به واخدم شعبي واشتغل لكن إذا مفيش ملكية فكرية يبقي انا في الأخر ارجع للخليفة الجديد وأقوله أديني ثرة أوخليني اعرف أعيش أويديني جائزة أويديني تفرغ أويديني وظيفة
د/عمروعبد السميع : بسرعة شديدة ايضا ماذا أنجزنا في إطار الكتاب الالكتروني ؟
م/ابراهيم المعلم : الكتاب الالكتروني في ده بابا جديد يتفتح في العالم ولذلك التجارب ولكنها تبشر في حاجة اسمها كنجل وحاجة اسمها سوني اللي هو كتاب يتحط عليه 100 بكرة يبقي 1000 كتاب ودي طريقة ميسرة وكمان تلغي الرقابة لان أنت لما تقعد مع واحد معاه الجهاز ده اللي عليه 100 كتاب ولا 1000 كتاب تعمل ايه أنت مش شايف حاجة يخش ويطلع ويحمل زي ما أنت عاوز ما حنا في عصر الفضائيات عصر الاختراعات الرقابة تتفرض سواء عاوز رقابة أو مش عاوز مش كده ولا أنت دلوقتي يتعمل رقابة بتضحك على نفسك من الأخر يعني النقطة ان دي هتبقي وسيلة ميسرة للاطلاع لكنها لسه مبقتش الناس اللي متعودة تقرءا الكتاب وتقلب الصفحات لسه يتحب الكتاب ومتحبش ده الناس اللي عاوزة تحترم حقوق الملكية علشان تعرف تعيش مش عارفة الحقوق دي تأخذ أزاي تأخذها منها أزاي لكن في تفكير وفي تطوير فرنسا وزير الثقافة طلب 740 مليون يورو يعني 1100 مليون دولار علشان يحط كنوز الكتب الفرنسية على النت ويعملها رقمية وصرفت له فورا وبعدين الحكومة لما حطت دي معناها ايه انها احترمت حقوق المؤلف وحقوق الناشر بالعكس وشجعتهم على الازدهار وهتهعمل طريقة لان طريقة التحاسب لسه تحتاج هنا بقي الحكومة تخش وتدفع وتدعم وتبادر وتشجع علشان المستقبل احنا عندنا هذا المشروع لابد احنا في مصر عندنا كنوز حديثة وكنوز قديمة كنوز فكرية لان مصر ثقافيا ليست دوله عظمي لكنها تستطيع ان تكون دولة عظمي في ثقافتها عندها ميزة نسبية تستطيع ان تنافس أي بلد الثقافة والكنوز الفكرية والأدبية اللي عندنا تستطيع ان تنافس الشرق والغرب وتأثيرنا في العالم العربي كله والعالم الإسلامي كله محدش يقدر يكسبنا احنا بس نعر ف قيمة نفسنا الحقيقة ونحافظ على كنوزنا وعلى إبداعنا وعلى استقلالنا وعلى تنوعنا الفكري من غير ما يكون همنا نسيطر ولا نعزل ولا نفرق ولا نحابي ناس ونعمل ناس
د/عمروعبد السميع : وضمن ما قال مصر ثقافيا ليست دولة عظمي ولكنها تستطيع ان تكون دولة عظمي ونتواصل بعد الفاصل .
فاصل
د/عمروعبد السميع : عدنا لنواصل التقليب في ملف الانتماء مع المهندس ابراهيم المعلم مهندس ابراهيم أنت الحقيقة انشات جريدتك الشروق في فبراير 2009 يعني احنا موشكين على عيد ميلادها الأول في الحقيقة كل سنة وأنت طيب لكن ده موضوع أخر اللي انا عاوز أسئل عليه هل الصحف ما زالت أوعية حقيقية للثقافة زي ما كنا نعرفها زمان ولا بقت أوعية لقلة الأدب والشرشحة
م/ابراهيم المعلم : لأ لا زالت أوعية للثقافة والتنوير
د/عمروعبد السميع : شاورلي وريني ؟
م/ابراهيم المعلم : والحقيقة وأنا شخصيا عملت معني رمزي إني انا المبني اللي فيه الجريدة عملت قاعدته ودورة الأرضي والأول مكتبة علشان أقول الثقافة هي الأساس رمزية
د/عمروعبد السميع : بس دي حالة ؟
م/ابراهيم المعلم : انا أديك مثال تاني اللي احنا عملناه ان احنا بنقول لكل الصحفيين عندنا أولا نجوم كبار برئاسة الأستاذ سلامة في المهنة والأخلاق
د/عمروعبد السميع : الأستاذ سلامة احمد سلامة
م/ابراهيم المعلم : سلامة احمد سلامة وعندنا شباب متميز جديد خراج منفتح على العالم بنقول لهم أهم حاجة الدقة أهم حاجة المصداقية أهم حاجة الإنسانية أهم حاجة ان الناس تعرف ما في بلده وفي خارج بلده ووطنه العربي كله وعملنا نموذج لاحترام الملكية الفكرية ومعارفين أهمية ما يحدث في العالم ان احنا عملنا اتفاقيات بيسموها شراء حقوق ان أهم الجرائد العالمية في أمريكا وفي بريطانيا زي نيويورك تايمزوفايننشال تايمز وعملنا مع كتاب كبارلان احنا في عندنا مشكلة بانكفائنا على نفسنا خلنا منعرفش العالم في الاقتصاد وبيبتكر في ايه تيجي لأساتذة الاقتصاد وعلماء الاقتصاد والناس اللي تكتب
د/عمروعبد السميع : بقينا مهتمين بوقفة احتجاجيه بميت وقف حلوة ومعرفش ايه أكثر مما يجري في الدنيا كلها ؟
م/ابراهيم المعلم : الاقتصاد وبيطورحتي تقول ايه أصل البنك الدولي عاوز ده البنك الدولي نفسه غير فكرة وبقي في ناس كتاب كبار جدا يكتبوا ويكتبوا فكر اقتصادي جديد احنا بننقله وفي ناس كثير حتي في الإقليم كلمونا سعداء ان احنا أدينا لهم الفكرة ويعرفوا كيف يفكر العالم في الاقتصاد في السياسة العالم كل شيء يأخذ بتفكير يبحث لدرجة دلوقتي في مطالبة ان يبقي في الجامعات يدرسوا التطرف والأصوليه الإسلامية علشان يعرفوا يتعاملوا معهم مش تخبي راسك وتقول انا عندي مشكلة
د/عمروعبد السميع : ما زال سؤالي حاضر الصحف أوعية للثقافة ولا أوعية لقلة الأدب ؟
م/ابراهيم المعلم : بعضها أوعية للثقافة وبعضها أوعية للحقيقة وبعضها مع بالغ الأسف يعني ساعات احنا مرة أقول لكم حاجة تعتبر وكأنها فضيحة لقينا احد الجرائد الأجنبية اللي احنا متفقين معها منشور مقاله عنها في احد الجرائد الأخرى بالمخالفة للاتفاق فكلمناهم فقالوا لنا هذه المقاله عمرها ما نشرت عندنا ده تأليف الموضوع محصلش يعني تيجي جريدة تضحك على الناس وتقول لهم جريدة كذا العالمية قالت كذا وكذا وهي ولا قالت كذا ولا ماذا ولا الكلام ده موجود أصلا
د/عمروعبد السميع : جريدة مصرية ؟
م/ابراهيم المعلم : آه
د/عمروعبد السميع : نشات عن جريدة أجنبية أشياء الجريدة مقلتهاش ؟
م/ابراهيم المعلم : آه لما تيجي جريدة تقول ان جريدة مش عارف ايه قالت ان أهم أدباء العالم هما كذا وكذا ونجيب محفوظ ده وتطلع هي بتقول ايه الأدباء اللي ماتوا في العشر سنين اللي فاتت هما فلان وفلان وترتيبهم بالحروف الأبجدية كذا دي مشكلة لكن انا مشكلة هنا على القارئ القارئ اللي يكتشف ان الجريدة لا تحترمه ولا تعتبر القارئ هو سيد الجريدة ولابد ان تحترمه وتعطيه الحقيقة وتحترم حقه في معارفين كل شيء بالدقة وبالكامل القارئ لابد ان يتخذ الموقف
د/عمروعبد السميع : هل الحالة الراهنة في مصر تطبيق للمقولة اللي حضرتك ذكرتها عن الأستاذ الكبير مصطفي أمين حكايه الرجل اللي محطوط أيد على أول تتشال يبتدي يشتم ويعمل ؟
م/ابراهيم المعلم : أظن لا زال جزء كده
د/عمروعبد السميع : جزء اد ايه ؟
م/ابراهيم المعلم : جزء لا باس به بس في جزء تاني عاوز يرجع الأيد
د/عمروعبد السميع : أزاي بقي ؟
م/ابراهيم المعلم : في مصيبة في جزء تاني غير قادر على المنافسة غير قادر على ان يكون القارئ هو هدفة وهو سيده فيدل يعمل جهد وينافس ويبقي حريص على الجديد يقولك أحط أيدي واكتم فمه التاني وأعوق شغله كويس بالإضافة الى ان في حاجات موجودة في مصر مش موجودة في العالم بطلت لما تيجي تقولي صحيفة مستقلة وصحيفة خاصة وصحيفة قومية يعني الصحافة صحافة الصحافة مهنه أساسها الاستقلال والاحتراف ولا ليه يعني ايه صحيفة قومية يعني صحيفة حكومية إذا كانت صحيفة حكومية يبقي مين اللي يمولها
د/عمروعبد السميع : بقول واحد
م/ابراهيم المعلم : فلوسي وفلوسك وفلوسه
د/عمروعبد السميع : بقول واحد حضورالمهنية اد ايه في الحالة الصحفية دلوقتي في كل نوع من الأنواع اللي أنت ذكرتها دي حتي وإحنا بنطلق الأنواع دي مجازا
م/ابراهيم المعلم : بين 40 و 55% أشمعنا مش 55 وليه مش 56 وليه مش 60 ؟
م/ابراهيم المعلم : ده تقريبي .
د/عمرو عبد السميع : الحوار وسيلتكم للاندماج في الجماعة الوطنية الحوار هو وسيلتكم للاشتباك مع قضايا الوطن الحالة وادي ضيفنا فاسالوة وحاوروه وناقشوه
محمود على عضو أمانة شباب الحزب الو طني وطالب بكليه تربية جامعة الأزهر: طبعا عارفين ان الصحف والمجلات والكتب اللي تنشر في دار الكتب وبيطلعوا بدور هام في الثقافة العربية ما هي المرحلة الجديدة أو الخطة المتبعة في تطوير الصحف العربية وجعلها سيادة بين الدول العربية والدول الأوروبية
د/عمروعبد السميع : يعني أنت عاوز دعم انتشار الثقافة العربية في المجال بتعنا يعني ولا برة ؟
محمود : لأ أول حاجة تنتشر بين الدول العربية أول حاجة وبعد كده تنتشرفي الدول الأجنبية
د/عمروعبد السميع : طيب زميلتك ؟
نور حسين بكالوريوس سياحة وفنادق :انا بسمع ان الدور الثقافي لمصرانتهي هل هو انتهي فعلا ؟
د/عمروعبد السميع : تمام زميلك والله سؤال مهم .
محمد عادل عضو أمانة الشباب بالحزب الوطني كليه تربية جامعة الأزهر: ما مدي تأثير الصحافة على المجتمع المصري والرأي العام فيه ده أول جزء ثاني جزء كيف يكون لدور النشر تأثير على الثقافة العربية ؟
د/عمروعبد السميع : تمام زميلك
محمد عبد التواب محامي لجنة تنمية شباب المحامين بالنقابة العامة : أول حاجة حضرتك أتكلم عنها رقابة الأزهر على الناشرين يعني معني حضرتك ان ننحي الأزهر جانبا بحيث ما يباقش ملتزم دينيا كإسلام لكن يجب ان يكون هناك في لجنة لمراقبة الناشرين لعدم تعرضهم للديانات سواء من خلال القصص الدينية أو التحدث عن الرسول والأنبياء ده أول جزئية في السؤال ؟
د/عمروعبد السميع : يعني أنت من مؤيدي فكرة وجود رقابة ؟
محمد : فكرة وجود رقابة خاصة بالديانات علشان ميجيش النهاردة منسبش الموضوع عرضة لحد يتكلم فيه
د/عمروعبد السميع : لكن أنت مش شايف ان ده يتقاطع مع فكرة الدعوة للحرية ورفع سقوف حرية التعبير ؟
محمد : تمام مفيش مشاكل يبقي في حرية التعبير
د/عمروعبد السميع : وأنا يعمل إبداع لما تحط لي سقوف واطئة للحرية ؟
محمد : إذا تعرض للدين لازم يكون في رقابة الدين بالذات لان أي حد لازم يبقي في نزعة دينية جوانا فلازم يبقي في رقابة إذا تعلق للدين بحيث ما يعملش فتنة
د/عمروعبد السميع : تمام زميلتك .
رباح عبد المنعم أمينة فتيات في الحزب الوطني بالمنصورة واشتغل محاسبة: عاوزة أسئل حضرتك حاجتين بالنسبة للصحافة دلوقتي الصحافة البيضاء وهو فيه صحافة بيضاء وصحافة سوداء دي حاجة
د/عمروعبد السميع : إذا كان في سحابة بيضاء وسحابة سوداء .
رباح : دي حاجة الحاجة التانية هي دلوقتي الصحافة بقت باب رزق لكل الناس يعني أي حد يشتغل صحفي يعني اقصد بمعني تاني كل الصحفيين الموجودين دلوقتي خريجي إعلام ده بالنسبة للجزء بالصحافة
د/عمروعبد السميع : أنتي شايفة ان المعيار اللي يحكم به على قدرة الصحفي كونه خريج إعلام ولا لأ ؟
رباح : ما هو برضه لما يكون هو خريج إعلام يكون عنده على الأقل خلفية أو خبرة في مجال التخصص
د/عمروعبد السميع : طيب أستاذ احمد بهاء الدين كان خريج كليه الحقوق الأستاذ إحسان عبد القدوس لم يكن خريج كليه الأعلام الأستاذ مصطفي أمين لم يكن خريج كليه الأعلام الأستاذ محمد حسنين هيكل لم يكن خريج لكية الأعلام الأستاذ أنيس منصور لم يكن خريج كليه الأعلام ؟
رباح : لكن أي حد دلوقتي يشتغل صحفي أي حد أيا كان
د/عمروعبد السميع : ده موضوع تاني اللي أنتي بتقوليه ده غير ما خلص اليه ؟
رباح : ده بالنسبة لجزء الصحافة انا عاوزة أتكلم على معرض الكتاب ليه مانبعتش خبرة أجانب خبرة أجانب من برة ينظموا لنا المعرض أو نبعت ناس من هنا يكونوا متدربين يرجعوا يكونوا مدربين وفي كلتا الحالتين
د/عمروعبد السميع : أنتي سمعتي الباش مهندس قالوا على حاكية معرض فرنك فورت المشاركة وإنهم كمان ينادوا في وادي محدش قال لهم انتوا بتقولوا ايه؟
رباح : لا ما احنا برضه تعرض ما نملش بقي مرة واثنين وثلاثة ده بالنسبة لحاجة
د/عمروعبد السميع : الراجل ده ما بيملش من ساعة ما عرفته من ربع قرن وهو بيقول نفس الكلام .
رباح : لأ ما هو برضه لازم
د/عمروعبد السميع : الجرائد اللي معاك دي فيها ايه يا باش مهندس ؟
د/ابراهيم المعلم : فيها مثلا
د/عمروعبد السميع : كان بيوريني حاجة أثناء الفاصل .
رباح : أصل مش معقول ان حضرتك
د/عمروعبد السميع : ايه فيها ايه إقرأ لنا ؟
د/ابراهيم المعلم : فيها مثلا بيقول اكبر تجمع للناشرين في العالم وادو نسبة أيام دكتور محمود محي الدين وبيقول ان عدد الناشرين 1177 و15 مليون كتاب وكله مش مظبوط أيام كمال حسن على بيقول 49 دولة 30 مليون كتاب و 1200 ناشرمش مظبوط ده احنا دلوقتي لما قلنا الحقيقة بنقول 31 دولة و800ناشر آه أعجوبة من الأعاجيب بيقول ايه هنا 2150 ناشر من أي دولة و 45 مليون كتاب و 750 مبدع
د/عمروعبد السميع : وفي واحدة تانية بتاعت شركة خاصة إنشاء شركة خاصة ؟
م/ابراهيم المعلم : وشركة خاصة و 2006 معرض جديد كل الكلام ده
رباح : طيب ماشي لما هو موجود وكل ده كان يبقي في تنظيم لكن دلوقتي مفيش تنظيم
م/ابراهيم المعلم : لفة في تنظيم في معرض جيد لكن ممكن يكون أحسن مش انه مفيش في معرض وفي جهد
رباح : انا عارفين ان في معرض انا بقول احنا ليه اد ده بديل طيب نبعت مجموعة يكونوا منظمين ويكونوا متدربين
د/عمروعبد السميع : طيب يالا زميلتك .
رشا محمود عبد الرحمن *كليه الأعلام جامعة القاهرة : يا دكتور هو في مصر خطة صحفية ثلاث منظومات منظومة حزبية ومنظومة حكومية ومنظومة خاصة ودول اللي يسيطرون على السوق الصحفي في مصر طيب المنظومة القومية دي بتتبع طبعا الدولة والصحفيين فيها تقريبا كل وجهات نظرهم تعبير عن سياسة الدولة وسياسة الحزب الحاكم حتي لو في صحفي ممكن تطرق وأتكلم شوية لكن بيلف حولين برضه التعبير عن الدولة وسياستها وسياسة البلد الخاصة دي ممكن تميل لبعض الموضوعات المثيرة بحيث انها تبيع اللي هي زيادة عدد المبيعات الخاصة الحزبية طبعا تعبر عن أفكار الحزب اللي هي الحزب اللي تتبعه وتعبر عن أفكاره وتبرر للحزب بتعها طيب هل الصحفي قادر على التعبير عن وجهة نظرة وآراءه بشكل سليم وبشكل يمكن يوصل للقارئ فعلا في ظل كل الضغوط اللي يتعرض لها مثلا ان هو مثلا ان هو تابع لصحافة قومية أو خاصة أو صحيفة حزبية
د/عمروعبد السميع : ايوه بس انا عاوز أناقشك في اللي أنت بتقوليه في نقطة واحدة النقطة اللي بتقولي انها تلجأ للإثارة علشان تعرف تبيع يعني لو نشرت معلومات هامة ودقيقة هتقدر تبيع ولا لأ
رشا: الصحف هي تقدر تبيع لو ركزت على الحاجات اللي ممكن الناس اهتمامات القراء عادتة تبقي مركزة على الحاجات اللي تسبب الصداع والقلق واللي هي مثلا الحاجات اللي هي مثلا فضائح الوزراء أو مثلا الدولة حصل حاجة مثلا ايوه يا دكتور لو حصل حاجة مثيرة وزير مثلا اختلس زي قضية وزير الإسكان السابق مثلا تلاقي الصحف الخاصة مغطياها
د/عمروعبد السميع : تقولي متهم متقوليش اختلس تقولي متهم .
رشا : ايوه متهم في قضية
د/عمروعبد السميع : مش أنتي بتاعة إعلام تبقي أخلاقيات الأعلام تقول كده .
رشا : خلاص يا دكتور ماشي حاضر بس فالصحف أوالإعلامي مفيش فرصة له ان هو يعبر عن وجهات نظرة هو مضغوط وسياسة القوة اللي هي تحكمة انا سمعت كلام كثيرعن الصحافة وكلمة جرحتني جدا الصحافة دلوقتي بقت سبوبة يعني ايه الصحافة بقت سبوبة يعني اناعلشان اكل عيش خلاص ملعون ابو جهة نظري ومش عاوز أقول وجهة نظري خلاص ولا ايه
د/عمروعبد السميع : طيب خلاص أحسن أنتي سخنتي يالا زميلك .
احمد القصاص حزب الوفد وإعمال حرة : حضرتك شايف الدولة فين من الثقافة هل هي مع الثقافة المطلق ولا ضد الثقافة المطلق مع الثقافة المشروط مع الثقافة اللي متعملهاش مشاكل معر رفع مستوي الوعي الاجتماعي اللي ده ممكن في ظل تركيبة النظام اللي موجود دلوقتي
د/عمروعبد السميع : طيب قول لنا أنت رأيك يا قصاص قول لنا هل ده في ظل النظام الموجود دلوقتي ؟
احمد : الكلام هيذاع ولا
د/عمروعبد السميع : يذاع أقول .
احمد : انا رأي ان الدولة بتتعامل مع الثقافة من منطلق إذا كان الموضوع مش مسبب لي أو مش بيلعب في المفاصل بتاعة النظام هي لو يتعارض مع الدين وفي أدلة وأنا عن ودي وجهة نظر مش بلزم بها حد يعني ممكن يكون جزء منها صح وممكن يكون كلها غلط وممكن يكون بعضها صح وبعضها غلط انا رأي ان الدول تتعامل بانتقائية يعني على سبيل المثال كاتب رائع وهو يكتب لجرنال الشروق وهو الكاتب أصلان حد كثير جدا دول وليس مؤسسات نشر احتفت به فين هو من منظومة الأعلام اللي محسوب على الحكومة عذرا يعني مثلا التليفزيون محسوب على الحكومة كمنظومة إعلام هو فين ممكن حضرتك تقولي إحصائية ظهر كام مرة مثلا وغيرة ده من وجهة نظري بس انا كنت عاوز أحيل السؤال لمن هو أكثر
د/عمروعبد السميع : انا عاوز بس اعرف وجهة نظرك ؟
احمد : انا قولتها تمام
د/عمروعبد السميع : زميلتك
شيماء إيهاب بكالوريوس تجارة : ايه الدوراللي بتقوم به اتحادات الناشرين المصرية والعربية والدوليه ؟
د/عمروعبد السميع : تمام زميلك
هشام أصلان بكتب في صفحة الثقافة في جريدة الشروق : وعاوز أسأل من الصلاحية مدي الصلاحية اللي موجودة عند اتحاد المصري للناشرين في الحد من سهولة النشر اللي هي تسببت في تراجع مستوي الأعمال اللي بيتقدم وساعدت أكثر في انتشار انتهاك حقوق الملكية الفكرية الحاجة الثانية اللي عاوز أسئل عليها ايه يعني ان احنا في كتاب مصريين بيخدوا جوائز دوليه كثير جدا جدا بكميات رهيبة وهما لحد دلوقتي مخدوش ولا جائزة من جوائز الدولة المصرية بغض النظر ان الجوائز دي ؟
د/عمروعبد السميع : أنت رأيك ايه ما دام أنت محرر ثقافي متخصص أنت رأيك ايه في نظام منح الجوائز في مصر ؟
هشام : والله هي مسالة دي محيرة بجد يعني
د/عمروعبد السميع : لأ غير الحيرة لازم يبقي عندك يقين ؟
هشام : لأنه احنا أنت دلوقتي بتتكلم في منظومة انه الحكومة والقريب من الوزارة بياخد وفي المقابل بتلاقي أسماء محترمة برضه خدت الجوائز دي مش عارفين
د/عمروعبد السميع : يمكن ده غطاء لده ؟
هشام : مش عارف
د/عمروعبد السميع : طيب زميلك .
مرسي سامح طالب* بكليه الأعلام جامعة القاهرة : انا كان عندي تعليق بس تعليقين أول حاجة عن الرقابة كنا أتكلمنا في بدايه الحلأ عن الرقابة الرقابة دائما في مصر بتحسسنا أي حاجة تطلع فيها ضلال عمر ما كان الضلال بيجي من لحظة أو كلمة أو من مقال أو من حتي من فيلم دائما تحس ان احنا لو شفنا الحاجة دي احنا كذا خلينا لأ الضلال هو عبارة عن أسلوب حياة مش سننفع الرقابة ممكن الرقابة لو هيعلقوا على حاجة بين المؤلف وبينها هي شخصيا يضبطوا الحاجة دي وبعد كده يعرفوا المنتج بشكل طبيعي بحيث الناس تبدأ بقي تقرءا وتعرف ايه الصح من الغلط ثاني حاجة عن الانتماء الانتماء في وجهة نظري هو ان أوظف احتياجات الإنسان واجعلها من أولويات الحاجة اللي انا انتمي لها ليه لو انا عاوز انظم حاجة ليه مثلا انا كطالب ليه متجيش الجامعة وحضرتك تشوف أزاي بنظم الحفلات والندوات وحضرتك تأخذنا نبتدي تدربنا على حاجات فننظم مثلا المعارض والكتاب وحاجات دي ان خير وسيلة الإصلاح ان انا اعلم الناس أزاي يفكروا بأسلوب فإصلاح اللي أعملة يجي منهم على طول بس
د/عمروعبد السميع : تمام زميلتك
عزة حسين* صحفية في القسم الثقافي في جريدة الشروق : يمكن علشان انا وهشام زملاء تشغلنا نفس القضايا هو انا بسال على سوء سمعة الجوائز العربية بشكل عام مش بس الجوائز المصرية الرسمية طيب إذا كانت الجوائز الرسمية تمنح للمقربين من الدولة ليه بقي الجوائز الأهليه كمان في مصر والوطن العربي دائما قبل إعلانها تبقي مصحوبة بجدل مش طبيعي خصوصا السنة دي النقطة الثانية احنا طول الوقت تطالب بالحرية وتطالب برفع القيود على مسالة النشر لكن مؤخرا فعلا زادت دور النشر وبقي في دور نشر صغيرة شايفة المسالة الاستثمار ده كويس ازدادت بشكل هائل وبقت كل يوم يطلع كيف كثير لطلبة أحيانا في ثانوي ده خلي في منتجات ثقافية دون المستوي وللأسف يتم تصديرها على انها هي دي الحالة الثقافية ان كل محتوي يوضع بين ضفتي كتاب المحتوي ده يبقي محتوي ثقافي هل نطالب بوضع ضوابط على ده ولا تسيب الحرية للقارئ وهو يفرز ثالث حاجة دور اتحاد الناشرين في مساندة الكتاب اللي تتعرض أعمالهم للمصادرة والرقابة والمطاردات القبليه والبعدية
د/عمروعبد السميع : انا عاوز اثبت على هذا الحوارمتضمنا الى الشباب من أبنائي وأحبائي عاوزاثبت سؤال في الحقيقة عن مستقبل تطويرالكتاب المدرسي لان ده هى القضايا المزمنة التي لم تصل فيها ايضا الى حلول واضحة على الأقل ليه انا أتفضل يا باش مهندس
م/ابراهيم المعلم : لما نتكلم على الثقافة نتكلم على النشر نتكلم عن الكتاب المدرسي احنا عندنا حسب كلام وزارة التربية والتعليم حوالي من 18 : 20 مليون طالب ده في المدارس وحوالي من 3 : 4 مليون طالب في الجامعة كل دول يقرءوا الكتاب المدرسي كل طفل يأخذ في السنة 5 , 6 , 7 على حسب المواد الطفل وهو صغير أول ما يخش المدرسة الكتاب اللي بيشوفه في الأول ده بياثر عليه تأثير بالغ العمق والخطورة اما ان يكون الكتاب جميلا وميسرا ومشوقا عرضا وأسلوبا ومحتوي ورسما وإخراجا فالطفل يبقي سعيد وهو يقرءا يحب القراءة يحب يتعلم يحب المدرسة ويشارك في حبه أستاذة ولو كان أستاذة برضه مثل درجة الكتاب وليس أدل على ذلك ان معرض بولونيا لكتاب الطفل يعني من اكبر واهم الأجنحة اللي تتوسع سنة بعد سنة فيه جناح الكتاب المدرسي ولما تخش جناح الكتب المدرسية تذهل من جمال وجاذبية وروعة كتاب الطفل لدرجة ان الطفل سعيد ان نفسه يشوف الكتاب وهو بيقرءا الكتاب يبقي أهم حاجة انه يستمتع انه بيلعب انه بحس بالجمال يحس بالتفكير يحس بالحرية بيحس ببناء الشخصية يحس بقدرته على انه يفكر ويبني شخصيته وانه يقول وانه يتذوق مش بيحس انه مفروض عليه شيء يحفظه وبصحة ويعاقب علشانه إذا كان الكتاب المدرسي كتابا ناجحا وزى المعايير الدوليه في كل شيء يبقي في الرياضيات والعلوم والتاريخ وخصوصا تعليم اللغة العربية هتخلي يطلع جيل بيحب القراءة متعلم أحسن طول عمره يقدر يقرأ وتكسبه كقارئ إنما إذا طلع جيل بيكره القراءة طيب أزاي هذا الجيل يبقي قادر على المنافسة في سوق دلوقتي السوق العالمي منافسة ومفتوح على الكل والقوة هل العلم القوة هى المعارفين والاستمرار ان يبقي في تعليم في تجديد مستمر إذا طفل مصري دخل مدرسة مصرية وشاف الكتاب الحكومي وقريبة أو جارة شاف الكتاب اللي في المدرسة الأجنبية اللي في مصر كأنك بتقول للطفل اللي دخل المدرسة الأجنبية عنده كتاب أجمل منك وألطف منك وأسهل منك
د/عمروعبد السميع : بحثت الكلام ده مع وزارة التربية والتعليم ؟
م/ابراهيم المعلم : وزارة التربية والتعليم تبحث هذا الموضوع وتقتله بحثا منذ سنوات ولكن لا تتحرك بالسرعة
د/عمروعبد السميع : ليه هل نحن محتلون بالعفاريت الخفية كل حاجة متتحركش ؟
م/ابراهيم المعلم : بتتحرك وبشويش يعني العالم ايه أقولك ايه أنت مثلا الرياضة والعلوم الرياضيات والعلوم الطبيعية والكيمياء والإحياء هل دي تختلف إذا أنت كنت مصري ولا صيني ولا غاني ولا أفغانستاني ولا دي علم واحد إذا العالم كله عمال يقفز ويناقش ويتعاون
د/عمروعبد السميع : محدش هيستننا يا باش مهندس .
م/ابراهيم المعلم: ليه انا إنني مصيرعلى نفس الطريقة اللي بقالي 50 سنة إذا انا لما أجي في المسابقات دي في مسابقات تحصل في العالم لمقاييس استيعاب الطالب احنا ملناش ترتيب تقريبا
د/عمروعبد السميع : معلش يا باش مهندس الله يخليك عاوز أسئل سؤال مباشر هنا وبطريقتي التآمرية انا مش قادر افهم الموضوع بالطريقة اللي حضرتك بتطرحها دي هل هناك مصالح تؤدي الى عدم تحركنا بالسرعة الواجبة ؟
م/ابراهيم المعلم : طيب انا احكي لك حكايه وأنت قولي احنا زمان بنقول العالم كله يعمل مسابقات والمسابقات الناشرين يحشدوا أحسن طاقات الأمة في القدرة على التأليف والرسم والإخراج وأخصائي التربية والتعليم بحيث أنت يا وزارة تختار الكتب اللي صالحة للتدريس سواء اخترت كتاب واحد أو زي العالم ما بيعمل يختار 5,6 كتب كلها صالحة فأنت لما تيجي تعمل مسابقة تعمل مده التأليف والإخراج والرسم وفقا للمعايير القومية اللي أنت حطتها اقل في الزمن من المستوي العالمي هنا ميبقاش في شبة ان في واحد ثاني صحبك عارف من قبلها ب 6 شهور وابتدي يألف ولا لأ
د/عمروعبد السميع : مش في شبه ده في قرينة كده .
م/ابراهيم المعلم : كويس لما تيجي تقول الكتب اللي هتبقي فوق 90% يبقي كلها نجحت واللي خد 90% زي اللي خد 99% وأنت اللي تدي النمر على فكرة يعني اللي خد 90% زي ال 99% واحد مع انه مش واحد . واحد واخد 90 وواحد 99% يبقي واحد بأي مقاييس حته الطفل ده أحسن من ده تيجي تقول انا أفاضل بينهما أزاي بحقوق الملكية الفكرية اللي ياخد اقل يكسب يعني ايه يعني اللي يقول انا عاوز صفر يكسب معني كده ايه تقول للناشرين تعالوا يا ناشرين حطوا ملايين الجنيهات وجيبوا أحسن العقول خليها تالف وتجيب أحسن مناهج في العالم وخليها تطور وإذا كسبت هديك صفر يبقي ده معناه ايه اللي بيقول انا عاوز صفر وكل سنة اخد صفر مش كده يا اما له مصلحة أخري وسهل قوي انك تعرفها يا اما أنت تضحك على نفسك وتضحك على الناس يا اما أنت قاصد انك تقفل المنافسة وتطرد الاستثمار البشري والعلمي في هذا المجال وتخليه على الناس اللي هما قاصرين يعملوا الشغل بقلهم 50سنة ووصل التعليم للمستوي اللي موجود دلوقتي أنت التعليم مشكلة مصر الأولي هي التعليم هي انه يخرج متعلم قادر على العمل قادر على التجويد قادر على العمل بالمقاييس الدوليه في كل المجالات
د/عمروعبد السميع : دي إجابة مرضية بالنسبة لي في الموضوع ده رد بقي على أسئلة الشباب ؟
م/ابراهيم المعلم : نرد بقي على أسئلة الشباب الدولة والثقافة كلمة الدولة الدولة دي كلنا الدولة دي انا وأنت والمعارض والمؤيد والحكومة والمحامي والمهندس والفلاح دي الدولة الدولة المصرية والشعب المصري يدرك ويجل الثقافة والتعليم وهو اشك عندي ظن ان الشعب المصري يهتم بقيمة التعليم وأهمية التعليم أكثر من الحكومة وأولوية في حياته وفي دخلة أكثر من الحكومة وأولوية وده تاريخيا في مصر طول عمرنا الكتابة والقراءة والتعليم من أيام الفراعنة لها قيمة كبيرة بدليل ان الفرعون يقول ان الوحيد اللي يقدر يقعد في حجرة الفرعون هو أمين مكتبة العاصمة وكان أمين المكتبة إجلالا للكتب والقراءة يبقي قاضي ويبقي مستشار وفي من وصايا الملوك الفراعنة انه يقول له يا ابني لكي تكون ناجحا وحاكما وفرعونا يجب ان تحب القراءة أكثر من حبك ليه مفيش أب يقول لابنه كده فإحنا عندنا هذا الحب القديم الجهاز الإداري في الحكومة والوزراء موقفهم مختلفة في ناس عاوزة الثقافة تتقدم وعاوزة التعليم يتقدم وعارف علشان الثقافة والتعليم تتقدم لابد ان يوفر له الحمايه والاستقلال والرعايه وفي ناس حسه ان هذا يمثل خطر لابد انك تسيطر عليه ولابد انك تحجمه وتدخله مكان ويبقي في صالح والناس الثانية تتخد لهم إجراءات أخري فالموقف في كل خيوط الطيف السؤال الثاني كان هل انتهي الدور الثقافي لمصر الدور الثقافي في مصر يرتفع وينخفض وفقا لحركة الازدهار وحركة الديمقراطية ومستوي التعليم ر يمكن ان ينتهي الدور الثقافي في مصر لان مصر بلد لها دور ثقافي خالد منذ عصور الفراعنة حتي الآن وسيبقي هذا الدور أحيانا يبقي في حالة ازدهار وانتعاش ونبني منارة للعالم العبي والإسلامي زي ما يكون عندك أم كلثوم وعبد الوهاب وعباس العقاد واحمد شوقي وحافظ /ابراهيم ودكتور مصطفي مشرفة ويوسف وهبي وكل الرموز دي يبقي العالم العربي كله والعالم الإسلامي كله ينظر لهم ويتعلم على أيدهم ويبقي في ازدهار هائل أنما مش دائما يبقي كده زي ما مثلا انجلترا في وقت من الأوقات كان في شكسبير مش كل سنة ولا كل عقد يبقي في شكسبير أخر أنما دائما على مر التاريخ يبقي عندك أدباء ومفكرين
د/عمروعبد السميع : وإذا معندناش ده يبقي عندنا دورأخران احنا ننشر للآخرين ونتكلم عن ثقافة الآخرين ويبقي منارة للمنطقة اللي احنا عايشين فيها ؟
م/ابراهيم المعلم : وهو دوردائما مصرهي منارة ونقطة جذب لكل العالم العربي والعالم الإسلامي يبحس ان دي عاصمته لما تعزل نفسك كأنك بتكره روحك ولما تيجي تقول في حد سال أزاي يتسيد هو ده طريق الهبوط طريق الهبوط تقول انا عاوز ابقي سيد أنما طريق الصعود انك تخص لإبداعك وتحب محيطك في بلدك ومحيطك في أمتك ومحيطك في الإنسانية كلها ومتحسش انك منعزل ولا أنت أحسن ولا ان أنت عاوز تتسيد والسؤال الصحافة في مصر بتأثر وتأثر في النخبة أكثر ما تأثر في جموع الشعب ان انا أظن ان عدد من يقرءون الصحف في مصر ككل اقل من 10% من تعداد الشعب المصري ودي نسبة قليلة جدا جدا والنسبة التبعية في العالم بعد ما قلت دور الصحافة الورقية لا تقل عن 20% فإحنا لسه في عندنا ولكن الأعلام التليفزيوني اثر ورغم ذلك الحقيقة الشعب المصري له خصائص يعني احنا حصلت حاجة معرفش هيعمل الكلام اللي انا قلته هيقلوه ولا لأ حصلت دعايه رهيبة على حكايه الطعم بتاع أنفلونزا الخنازير وجه 8 مليون طعم بانجاز وعمالين نهيص وجبنا 8 مليون وفي الأخر من قبل ان يطعم رغم كل الدعايه ورغم التلفزيونات اقل من 1% معني ذلك ان 99% مش متاثروش بكل الدعايه من ناحية التأثير تأثروا تأثير عكسي وخافوا فدي معناها برضه ان أنت عندك شعب قادر ان يأخذ قرره دورالنشروالرقابة يا جماعة الرقابة بالغة الخطورة لان أنت ده هو مين اللي يراقب اللي يراقب في الأخر دي لجان ديمقراطية وموظفين أنت لما تيجي تراقب نجيب محفوظ مين اللي يراقب نجيب محفوظ مين الموظف الصغير واحد نجيب محفوظ في اعتبروه من أعظم أدباء العالم انا لما كنت في معرض فرنك فورت رؤساء مجالس دور كبري دور النشر قالوا لي احنا مش بس نقرءا نجيب محفوظ ونستمتع بأدبه احنا نتعلم من إنسانيته لما يكون واحد بهذه القامة هيجيب شباب صغير يحكم عليه ان الكلام ده تطرف أو صحيح لما يتكلم عن الدين فيبقي أزاي أنت المفروض الرقابة في أضيق الحدود وهي
د/عمروعبد السميع : هو أتكلم على الرقابة الدينية في الحقيقة .
م/ابراهيم المعلم : ما هو الرقابة الدينية اسالك سؤال لو قلت الكتاب ده ممنوع تنشر أكثر وهيجي على اليوتيوب وعلى الانترنت الرقابة هي ارتفاع المستوي لتبادل الآراء والرد على الفكر بالفكر وعلى الرأي بالرأي الفكر الذي تحاول تسيطر عليه وتحاول انك تحجمة ينتشر أكثر الصحافة البيضاء والسوداء و الحمراء والصفراء ما هو ده برضه كلام نسبي وكل واحد يقول اللي عاوزة في صحافة مهنية صحافة مستقلة صحافة لما مصداقية وصحافة ليس لها
د/عمروعبد السميع : تمام
م/ابراهيم المعلم : طبعا بالغ الخطورة ان احنا نحول الصحفيين الى موظفين بشروط تخرج الصحافة في العالم كله ونجوم الصحافة في العالم كله معظمهم ونجومهم مش خريجي كليه إعلام الصحافة ده رأي حر وموهبة ودأب وعمل وتجديد وثقافة ووطنية يعني الصحفي الناجح والمؤثر والي يحظي على احترام القارئ هو صاحب موقف صاحب استقلال يحترم القارئ ويجتهد في سبيل القارئ ويجدد نفسه وعنده موهبة ده اللي القارئ يحترمه وياخذ مكأنه وعلى مدي التاريخ وفي مصر
د/عمروعبد السميع : الكلام عن الجوائز لأنه ذكر غير مرة الحقيقة
م/ابراهيم المعلم : كل الكتاب الكباروأنت ضربت مثلا بعلاء الأسواني وحمدي الجائزة الحقيقية
د/عمروعبد السميع : هشام بو عزة
م/ابراهيم المعلم : وهشام الجائزة الحقيقية هي جائزة القرار وطول ما الجوائز في البلاد العربية يسيطر نظم حكم أو موظفي حكومة لا يمكن هتكون موضوعية ولا لها مصداقية ولا لها احترام احنا وصل ان في الدول العربية أعضاء الحكومة يدوا جوائز لروحهم بيوصل ان اللجان اللي تدي الجوائز للحكومة منهم 90% موظفين في الحكومة وفي الأخر احنا مستقلين الجوائز وطبعا هنا في سياسة وشلليه وأنا علشان أدي جائزة لفلان لازم أغطيها إني أدي جائزة لواحد كويس مش يبقي كله غلط ولكن في الأخر التاريخ يقول ايه دلوقتي حد منكم يعرف هو احمد شوقي حد أد له لقب أمير الشعراء الحكومة حد منكم يعرف مين رئيس الوزراء أيام احمد شوقي مين كان في وزير ثقافة ولا مفيش وزير ثقافة خد جائزة حكومة ولا دولة لكن هو بالنسبة لنا أمير الشعراء حافظ /ابراهيم شاعر النيل ومكأنه موجود أم كلثوم كانت تغني أم كلثوم انها خدت جائزة هي خدت لكن هي أم كلثوم أم كلثوم كانت تغني الشعب العربي كله يقعد يوم الخميس يسمع مظبوط ولا لأ العقاد كان ضد الحكومة لكن العقاد هو العقاد نجيب محفوظ احنا بنقول نجيب محفوظ خد جائزة نوبل العالم لكن هو اكبر من جائزة نوبل
د/عمروعبد السميع : عاوزك تجاوب على اللي قاله القصاص حزب الوفد ؟
م/ابراهيم المعلم : القصاص أتكلم كلام صحيح وقال ان الحكايه ملخبطة وفي أجهزة خد بالك أنت لما تيجي تقول الدولة هو قصده الحكومة الحكومة فيها موظفين الموظف ده اللي مجاش عن طريق انتخابات حرة ولا ديمقراطية ولا عنده رؤية واسعة ما هو يحترم وظيفته ويشتغل البتاع اللي شغالة وبالمفهوم بتاعه فإذا كان مفهومة حر ومتقدم يبقي كويس وإذا كان مفهومة ملخبط وحاسس أهم حاجة الوظيفة يبقي عاوز زية كده كاتب موظف وشاعر موظف وروائي موظف وصحفي موظف وبرضه كان زمان احد كبار أساتذتنا في الصحافة بس زمان دلوقتي مبقاش فيه يتكلم على الصحافة اليسارية واليمينية كان بيقول دي عمله زي حاجة في رجل الحاكم إذا جت في رجله الشمال تبقي يسارية إذا جت في رجلة اليمين يبقي يمينية لكن احنا الحمد لله دلوقتي الواقع مبقاش كده الوضع لا شك ان في تقدم وفي صحافة مستقلة وفي صحفيين موهوبين على خلق وعلى مواقف وعلى شجاعة والناس تقدرهم وتحترمهم وتقرأ لهم الصحافة ورقية وتقرأ لهم في لانت ويناقشوا عليه
د/عمروعبد السميع : ايه شغلة اتحاد الناشرين اللي سألتك عليها بنتي ؟
م/ابراهيم المعلم : اتحادات الناشرين لها وظيفتين رئيسيتين نمرة واحد حرية النشر والحق في التعبير وحرية النشر لا تشمل فقط حرية النشر في البلد حرية ولكن تشمل حرية انتقال الفكر والمعلومات تصديرا واستيرادا وتشمل أهم من ذلك سلامة اللي عبر عن فكرة سوء كان مؤلف أو ناشر والدفاع عنه وهنا يتعاون اتحاد الناشرين
د/عمروعبد السميع : يعني يعرف يروح البيت ؟
م/ابراهيم المعلم : وهنا يتعاون اتحاد الناشرين واتحاد الكتاب وأنا رغم إني انا أبان إني انا لكن الحقيقة هل انتم سمعتم ان في واحد ألف كتاب في مصر في السنوات الأخيرة وتعرض للسجن ولا للاضطهاد ولا للحبس ولا للمصادرة مقدرش أقول الا ان هذا لم يحدث وأي حاجة تروح المحكمة والحكم والقضاء عادل جدا ومشفناش حد حكم وطلع على أي كتاب ولا على أي مؤلف
د/عمروعبد السميع : باش مهندس ابراهيم يعني ايه كلمة وطن ؟
م/ابراهيم المعلم : الوطن هوعائلتك الكبيرة والتي تحبها وتنتمي إليها وهي تحنوا عليك وتحرص على كرامتك وعلى حياتك وعلى مستقبلك
د/عمروعبد السميع : الوطن هو عائلتك الكبيرة والتي تحبها وتنتمي إليها والنقاش مستمر وحالة الحوار قائمة وعلى لقاء ان شاء الله