حديث المدينة

مفيد فوزى : ليس من المعقول ولامن المستساغ ان اجرى حوارمع وزير التعليم والرجل لم يمضى فى موقعة اكثرمن 8 اسابيع ولكن من المعقول بل ومن المستصاغ ان اناقش الرجل فيماهو اهم من المناهج والشهادات وهو التربية الضلع التوأم للتعليم هعيد العبارة ثانى التربية الضلع التوأم للتعليم من الطبيعى ان اعرف كيف يفكر الوزيرفى قضية التربية ان صح ان المنتج فى نهايه الامر فى المدرسة ولد متربى اكثرماهو متعلم لاول مرة اطرح قضية التربية فى حوار مستقل مع الوزيراحمد ذكى بدر وقد اعود اليه مرة اخرى ومعى مخالجى كمحاورللحساب فى ملف التعليم الذى صرنا فى نهايه الامر اقرب ما نكون الى فئران التجربة بصراحة شديدة قد اعود للمناقشة الوزيراحمد ذكى بدر فى حديث المدينة ومعكم مفيد فوزى
فاصل
مفيد فوزى : انا اعرف الاب ذكى بدر وقد حاورتة الله يرحمة قد حاورتة وكان الوزير الراحل يملك صراحة غير عادية قد تصل الى ان تكون صراحة غير امنة هل ورثت عنه فى جيناتك هذه الصراحة ؟
د/ احمد ذكى بدر: والله اتمنى ان اكون قد ورثت 1 من 1 مما كان يملكة سواءا من الصراحة او من غير صراحة اتمنى اذا ورثت 1 من 1 فاعتقد ان هذا كافى جدا لان اكون شخص متميز
مفيد فوزى : فى موقعك كوزير هل الصراحة المتناهية ضرورة؟
د/ احمد ذكى بدر: فى اى موقع الصراحة ضرورة جدا جدا جدا لانة لو مكنش صراحة يبقى الباقى ايه
مفيد فوزى : الدبلوماسية ؟
د/ احمد ذكى بدر: لأ الدبلوماسية ماتبقاش الدبلوماسية هى الصراحة ولكن بتغلف فى الاطار الدبلوماسى لكن عكس الصراحة غير مقبول
مفيد فوزى :هل انت احمد ذكى .....؟
د/ احمد ذكى بدر: انا احمد ذكى بدر
مفيد فوزى : بالدال؟
د/ احمد ذكى بدر: بالدال
مفيد فوزى : ليه الحس الشعبى قال على حضرتك كدا؟
د/ احمد ذكى بدر: انا احمد ذكى بدر ده اسمى واذا كان يقصد احمد ذكى بتر هو بتر كل فساد وكل بوظان وكل مالا يرضى الله ولا يرضى احد فانا احمد ذكى بتر
مفيد فوزى :لماذا ذاع عند الناس فكرة انك وزير الداخليه والتعليم ؟
د/ احمد ذكى بدر: يعنى زى ما حضرتك قلت كدا هما جايبين التاريخ وعاملين اسقاط من التاريخ من الماضى على الحاضر ده شئ يشرفنى ما يزعلنيش وبعدين ممكن يكون فى وسط ما نحن فية الان يعنى الداخليه تتميز بالحسم والحزم والصرامة وكل الحاجات الكويسة هذه هى مواصفات الداخليه فاذاكان يعنى يقصدوا مواصفات الداخليه عليا او على عملى فده شئ يسرنى ما يضايقنيش
مفيد فوزى :ما حجم المرونة فى شخصيتك ؟
د/ احمد ذكى بدر: 10%
مفيد فوزى : يعنى مرونة وصراحة وحزم؟
د/ احمد ذكى بدر: ايوا
مفيد فوزى : هذه التوليفة اقدر اسميها توليفة احمد ذ كى بدر؟
د/ احمد ذكى بدر: لأ دى مش توليفة احمد ذكى بدر مش خاصة يعنى ان المرونة مش معناها المواربة ولا المرونة معناها الهروب ولا المرونة معناها الرياء المرونة معناها اتخاذ قرار يناسب للظروف الوضع الحالى بما لا يخل بالاساسيات وبما لا يتعارض مع مبادئ وقوانين واساسيات
مفيد فوزى : انا على اى حال يهمنى الابحار الهادئ فى عقلك واعتقد انك النقاش اللى هيكون بينى وبينك هو قضايا معنوية بالغة الاهمية منها مثلا هل تعتقد ان الكتب المدرسية والمناهج نجحت فى تربية اولادنا وتهذيب سلوكياتهم ؟
د/ احمد ذكى بدر: لأ لا اعتقد
مفيد فوزى : لا تعتقد
د/ احمد ذكى بدر: لأ
مفيد فوزى : لان انا بسأل ايه بقى باسألك من موقع الراصد ؟
د/ احمد ذكى بدر: ايوا
مفيد فوزى : انت كنت ترصد من بعيد وجئت على هذه الوزارة ؟
د/ احمد ذكى بدر: اه انا طبعا انا ولى امر وعندى بنتين فى مراحل التعليم وواحدة يعنى خلصت التعليم
مفيد فوزى : معندكش ولاد؟
د/ احمد ذكى بدر: عندى بنتين والحمد لله
مفيد فوزى : اثنين بنات ؟
د/ احمد ذكى بدر: ايوا
مفيد فوزى : اه
د/ احمد ذكى بدر: ودول اول بنات فى العيلة يعنى انا مليش عمات بنات ومليش اخوات بنات فدول اول بنات فى العيلة وبعدين حضرتك تذكر كده من ضمن الافتراء كده زمان لما قالوا عمته وذكى بدر ابنها
مفيد فو ى : تمام صح
د/ احمد ذكى بدر: اتجوز بنت ذكى بدر وبتحكى هذه القصة طبعا
مفيد فوزى : فاكر يا افندم
د/ احمد ذكى بدر: يعنى ما نحن فية الان من هذه القصص استمرارفا انا يعنى كنت متابع بناتى طبعا من انا اللى بذاكر لهم عن قرب قوى ولكن موجود فى البيت وشايف المناهج وشايف ويمكن يعنى فى قصة يعنى حكتها انا كذا مرة حكايه الدين كانت بنتى فى ثانية ابتدائى لما كانوا بياخد ايه عبس وتولى عبس يعن كشر وكلمة عباس يعن كثير العبوس من المدرسين اللى شرحوا لنا الكلام ده فى اوائل السبعينات لاانساة ابدا ما انساش المدرس هو كان بيقولة يا عباس واحد زميلى اسمة عبس وانت عباس كثير العبوس والعبوس من التكشير فاعبس وتولى يعنى واحد كشر كده وتولى عنه يعنى مشى دى كان معناها فى الكتاب نأى بجانبة واعرض عنه اعرض عنه ونأى بجانبة شوف حضرتك تفسير لثانية ابتدائى يقولة عبس وتولى يعنى نأى بجانبة واعرض عنة او عرض عنه ونأى بجانبة دى طبعا يعنى مش ممكن حضرتك تعرف نأى بجانبة واعرض عنه يعنى ايه انت تعرفها جايز لكن ثانية ابتدائى تعرفها وهل هذا هو التفسير دا انا باشرح لطفل علشان اعرفة المعنى ومعناها ايه
مفيد فوزى :اذن انت اللى ازاك هو المضامين اللى فى هذا المحتوى ؟
د/ احمد ذكى بدر: الطريقة بقى
مفيد فوزى : الطريقة؟
د/ احمد ذكى بدر: وكما ما بعد ذلك بقى
مفيد فوزى : اتفضل
د/ احمد ذكى بدر: فا انا قلت لبنتى يعنى مامتها كانت بتذاكر لها فا انا قلت لها لأ متسمعيش الكلام عبس وتولى يعنى كشر ومشى اه ما هو ده كدا كانوا زمان يقولوا ايه تعالى لما نحفظ سورة الفيل ابو زلومة يربط فى زهنة كدا الفيل ابوزلومة ويبتدى يسمع بقى ليه الفيل قصة الفيل ليه اشمعنى الفيل علشان كبير وجسمة كبيرقوى كده وقوى وبتا ع فقلت لها كشر ومشى فا مامتها قالت لى بس بقى انت لا بتذاكر لها متجيش تبوظ لنا الدنيا لو ما كتبتش فى الاجابة فى الامتحان نأى بجانبة واعرض عنه هتأخذ صفر لانه بيحطوا الاجابة كدا ودى كدا ياخذ صفر وسبتهم بقى هما يعيشوا حياتهم فهذه هى القصة يعنى فا الطقل ده فى اساسيات لازم يدرسها وفى حاجات لازم يدرسها ولكن لازم اراعى سنه ولما الطفل يتطور مخ الطفل طبعا غيرالطفل بتاع السنين اللى فاتت لكن مش معنى كدا ان انا ادخلة على طول العلوم المعقدة جدا لازم يتعلم حاجات اساسيات بيتعلم بطريقة مختلفة بيهم اسرع ادراكة اوسع اقدر ادى له حاجات بصورة اوسع لكن مش معنى كدا ان انا انزل من الجامعة لتحت اكتشفنا كما ن واحنا بنشتغل فى الجامعة وبيتم دلوقتى بالتنسيق مع وزارة التعليم العالى للجامعات ان كثير مما يدرس فى المدارس بيدرس ثانى فى الجامعة طب هو مستوى جامعة والا مستوى مدرسة هل هواذا درسة فى المدرسة هل يدرسة ثانى فى الجامعة هو هو مفروض يتوسع طب هل الغلط انه فى الجامعة مش بيدرسوا بتوسع ولا نزل فى موضوع كبير عليه نزل فى المدارس كل ده لازم يتراجع ولازم يدرس ولازم يتشاف ولازم يتعمل فعلا احنا بنشوف برة لحد دلوقتى احنا كنا فى الجامعة مثلا مع سيادة وزير التعليم العالى فى زيارة لايطاليا واتعلمت فى فرنسا وشفت الناس بتدرس ازاى عندهم حاجات صحيح علشان كده انا لما باقول بقى الولاد بتوعنا والطلبة بتوعنا وخرجينا وطلبة الجامعة احسن من بتوع برة كثير بيضحكوا عليا ويقولوا يا سلام انت ايه الكلام الفارغ اللى انت بتقولة ده لأ هما فعلا احسن بس احسن ليه بقى لانهم اتمرمطوا اتعذبوا عارف بقى حضرتك لما تجيب واحد مرفة كدا قاعد وبتاع وحياتة كلها نعيم كده وهدوء وراحة بيطلع فى الاخر مش قادر على تحمل المشقة لكن لما تجيب واحد حياتة صعبة وعيشتة صعبة كده واتمرمت فى الدنيا بيطلع يلاقى حاجات صعبة كده دى بتفوت ما يحسش فا برة عندهم الطفل بيبتدوا معاه بالراحة بشوف ولاد زمالينا كان عندة 12 سنه و13 سنة ولسة بياخد حاجات مهياش متطورة ولسة بيخدوا دلوقتى فى دول دلوقتى انهاردة ابتدت لسة تدخل اللغات الاجنبية للطلبة بتوعها للطلبة فى المدارس وزعلانين وده جه يمكن نتيجة للاتحاد الاوروبى وانهم عايزين يتكلموا نفس اللغات لازم يتعلموا لغات اخرى انما بكدا بيوصل لحد يمكن ثانوى مدرس اى لغة غير اللغة وانا لما كنت بدرس برة فى فرنسا الاساتذة نفسهم كانوا شيفنيى انى انا حاجة كبيرة قوى باتكلم انجليزى كما ن فيبقى علشان يعملوا الابحاث دى وينشروها فا يبقى حاجة كويسة قوى فا اقول ان احنا ما نعلمش اولادنا لغات ولا بقول ان احنا نستسهل ومانعلمهمش حاجة ونسهل الدنيا لكن بقول فية قدرة فى المخ للعقل البشرى فى حدود السن وفى حدود النمو كده لابد ان تحترم ولابد ان احنا ندرس والطالب يدرس ايه وما يدرسش ايه ونقدر ان احنا ياخذ مادة واحدة عندى دلوقتى مشكلة كبيرة هقول لحضرتك ناس طلبات كثيرة جدا من اهالى واولياء امور وبيخلوهم المدارس الاجنبية شوف حضرتك بقى وصلنا الى ايه ده المدارس الاجنبية بيدروسوا اللغة الثانية او باللغة الاجنبية من قبل k g one قبل الحضانة وبعدين يجوا بقى دلوقتى يقول لى ابنى من الصعب جدا عليه انه يدرس بالعربى فا عايزينة يدرس بالانجليزى ويعفى من العربى ويعفى من الدين لانه ما بيعرفش يقرأ بالعربى ويجيب لك شهادة من الدكاترة ان المخ مش عارف صعب عليه ان هو يدرس بالعربى لان العربى فية لغة عامية وفى لغة فصحى فى الكتاب يجيب لك حاجات كدا علشان عايز يدرس حاجات كدا بالانجليزى او باى لغة اجنبية بس وماعرفش اللغة الثانية وبعدين لما قالوا لهم لأ لازم تدخل الجامعة علشان تدرس عربى وانجليزى فقال له طيب فى السنة الاولانية تنجح ب 25% فى العربى والسنه الثانية تنجح مش عارف ب 5/% يعنى فى العربى ينجح ب 25% يقول له خلاص خش على السنة اللى بعدها هل هذا معقول هل فى دولة فى العالم بتعمل كده فى دولة فى العالم بتعلم ولادها انت تعلم بلغة ثانية ولغتك انت بعد ما تكبر ويبقى عندة 16 - 17 سنة اقولك خذ عربى وانجح فية ب 25 % 255 نجح 25% ده نجح
مفيد فوزى : لأ طبعا
د/ احمد ذكى بدر: ده ساقط سقوط مزرى
مفيد فوزى : كل هذا انت راصدة فى رأسك ؟
د/ احمد ذكى بدر:كل ده معروف المشكلة الكبرى فى ايه كل ماتيجى بقى يعنى وكل الناس اللى قبلى كل الناس المخلصين كلهم انا منيش لوحدى يعنى اللى فتك واللى عايز يصلح كل الناس مخلصة وكل الناس عايزة تصلح وعايزة تعمل وعارفة الكلام ده وكل حاجة انما بيصطدم هنا بقى بحاجات بتبقى يمكن اقوى منه شوية
مفيد فوزى : زى ايه ؟
د/ احمد ذكى بدر:ان هو يجى بقى يصطدم باولياء امور الحق دا ولادنا فى المدارس كذا سنة فى المدارس وبتعلموا ومش عارف ايه و انت عايز يمنعهم من كذا ويدرس لهم كذا لأ انهاردة انت مدارسك بايظة ومدارسك وحشة ومش عارف ايه وعايزينى انا كمان اعلم ولادى فى مدرس كويسة عايز يلغيها ويرجعنى ثانى لمدرسة وحشة طب روح مدرسك الوحشة الاول يعنى فى ضغوط اجتماعية وفى ضغوط سياسية وفى ضغوط كثيرة ثانى الناس لما بتتكلم كثير وبتعمل كثير طيب اعمل راى عام
مفيد فوزى : بتأثر عليك ؟
د/ احمد ذكى بدر: لأما بيأثرش عليا انا ما بيأسرش عليا لكن بيأثر طبعا عموما بيأثر لكن انا يعنى الحمد لله
مفيد فوزى : حتى الان؟
د/ احمد ذكى بدر: لحد دلوقتى واتمنى ان انا استمر زى ما انا كده
مفيد فوزى :يعنى لو انا قلت المثلث والمدرسة والبيت والشارع دول اضلاع المثلث فى التربية حضرتك شايف اكثر حاجة له تأثير هو ايه ؟
د/ احمد ذكى بدر: كلهم
مفيد فوزى :فى درجة واحدة المدرسة البيت الشارع ؟
د/ احمد ذكى بدر: كلهم طبعا لان البيت ده فى من بدايه الواحد لما بيتولد يقعد له فترة طويلة فى البيت وبيتعلم من اهلة اللى فى البيت بعدين بيشوف الشارع بعد كدا بيشوف الناس فية بيعملوا ايه وبيتصرفوا ازاى وبيعملوا ايه فلازم الطفل لما بيلقط ما بيلقطش بالاوامر متقولش ماترميش دى متعملش دى مش عارف ده ما يثبتش فى ذهنه لكن اللى بيشوفة ادامة وانا باشوف والدى بيعمل كدا انا بنتى كانت تقولى وانا فى العربية انت عملت غلط دلوقتى ايه انت رميت ورقة وهى صغيرة بنتى تقولى انت رميت ورقة لو انا ما كنتش معلمها وقائل لها الورقة دى لازم تروح تترمى فى مكانها لو هى شايفة الناس ماشية طول النهار بترمى كدا فى الشارع بتتكلم وبتشتم وبتزعق ومش عارف ايه هيبقى ده ادمها ده الوضع الطبيعى والحياة العامة لازم تتعلمها ولازم تعمل زيها
مفيد فوزى : هل الاباء يحتاجون الى تربية ؟
د/ احمد ذكى بدر: ايوا طبعا
مفيد فوزى : بتقولها بثقة ؟
د/ احمد ذكى بدر: اه طبعا دا انا كان بيجيلى فى الجامعة وقبل يعنى ما امسك جامعة عين شمس فى اماكن اخرى بيجيلى اولياء امور تخيل بقى حضرتك يعنى بيجيلى اولياء امور يقول لى والنبى هات ابنى لو سمحت ادى له كلميتين كده فى جنابة لحسن تعبنى قوى عيزين انا اجيب ابنة ازعق له والا مش عارف اعمل له ايه علشان هو مش قادر عليه وبعد ما يمشى يقول لى يا يسلام دا انت الولد انا مبسوط منك والولد خايف منك يا سلام الله يخليك خلى بالك دا انا باتكلم على مستوى الجامعة يعنى واحد بعد 15 سنة يعنى خلاص ما يترباش حتى انا فى الجامعة ايه شعار كان بيزعل بعض الناس احنا فى الجامعة اللى متربى بنعلمة احنا ما بنربش دلوقتى احنا اللى متربى بنعلمة مش هجيبة فى الجامعة لسة هربية واعلمة الاخلاق والسلوك والحاجات دى اللى متربى بنعلمة اللى مش متربى بقى بنستبعدة يعنى الجامعة بتسمح بذلك
مفيد فوزى : واضح ان المنبع عندك فى التربية البيت نمرة واحد؟
د/ احمد ذكى بدر: البيت والشارع والمدرسة المدرسة بردوا مهمة جدا بقى ليه لان المدرسة البيت والشارع بيعلموا التلقائية
مفيد فوزى : البيت والشارع ؟
د/ احمد ذكى بدر:اه الواحد بيشوف فى البيت بيعملوا ايه طبعا فى البيت المفروض بردوا الام والاب اعمل كذا ماتعملش كذا لكن فى الشارع اللى بيشوفة بيرسخ فى ذهنة وبيتعلمة
مفيد فوزى : انت شاعر انه لاتزال البيت سلطة عقابية للاولاد فى مصر لايزال سلطة عقابية مثلما تعلمنا نحن ؟
د/ احمد ذكى بدر:لأهو البيت مش سلطة عقابية البيت فية ثواب عندما يعمل حاجة كويسة بادى له قواعدة باعلمة بادى له قدوة مش بقولة اعمل كذا واعمل كذا بادى لة قدوة واذا اخطأ لازم باقومة باقومة ازاى دى مش معناها ان انا
مفيد فوزى :هل من المفترض انا باكلمك الان وانت ترصد لانك انت شفت كثير وبالتالى داخل على وزارة من الاخطر الوزارات فى هذه البلد وهى فى نهايه الامر لان الامن القومى الحقيقى بتاع البلد التعليم ولكن انا لما اخترت هذا الجانب من التربية هعيد جملتك اللى انت قلت فيها جملة هامة جدا وانت مسئول لى جامعة عين شمس بتقول انا اللى مش متربى مش هربية هنا يعنى خلاص سن 18 - 19 يعنى اتربى وخلصت يعنى منظومة التربية انا مثلا اذا اذنت لى الولد بيروح لغايه الجامعة ويوصل عندك هو يعانى من التسطيح فى المعلومات هل المدرسة قادرة ان تزرع حب الحرف والكلمة والمكتبة بتقوم بدورها فى حياة المدرسة المصرية الحكومية ؟
د/ احمد ذكى بدر: المفروض
مفيد فوزى :المفروض لكن الواقع ؟
د/ احمد ذكى بدر: طبعا الواقع لأ فى نسب تتفاوت احنا لازم علشان نحسن ونطور لازم نقر بالوضع الحالى لازم اقول انا عندى غلط واحد اثنين ثلاثة اربعة علشان اصلحة لو انا قلت اه بتعمل وبتصلح عظيمة جدا وكويسة جدا
مفيد فوزى : لا انا مش طالب ده والا اه يعنى ارجوك الا يبدأ عهدك كوزير بمثل هذا الشئ حضرتك بتقول لا المدرسة لسة ما وصلتش ان تزرع بدليل التسطيح يعنى انا حضرتك شايف التسطيح ده جاى منين ؟
د/ احمد ذكى بدر: جاى من حاجات كثيرة جدا جاى من البيت زى ما اولياء امور كثيرة جدا بيعتبروا ان هو دورة يوفر لابنة كل اللى هو عايزة وكل واحد على فكرة بمستواه مش بس الغنى هو الفقير كما ن بيتهاون بيعتبر ده اشمعنا هو ما هو شايف اولاد الناس كلها وشايف الولاد برة بيعملوا ايه فا سيبلة وانا مش قادر اجيب له لأ يجى طالب يعنى عندة مفاهيم وتلميذ صغيرعندة مفاهيم وعنده حاجات مش متقبل بقى نعلمة حاجات صح وبعدين المدرسة امكانياتها حصل طبعا تطور كبير جدا فى الفترة اللى فاتت دى ولكن امكانياتها مهياش كاملة وبعدين احنا كتربوين اه طبعا بنتعرض بردوا لضغوط طالب باختبرة وان تعلم باقول له انت اجتزت هذه المرحلة سيبنا بقى من نجحت وسقط والكلام ده اجتزت هذه المرحلة امتى يجتاز المرحلة لما يعديها لما يكتسب اللى احنا عيزينة يكتسب اللى احنا عايزينة يكتسبة منها انما بقى لما اجى اقول له ايه ياعم انت لأ متخفش انت كلة هينجح ولازم كلة ينجح وكلة مش عارف هيعدى والامتحان فوق مستوى الطالب المتوسط باتكلم على الناحية الاخلاقية بقى
مفيد فوزى : دى تهمنى .
د/ احمد ذكى بدر: الناحية الاخلاقية والمعاملة المدرس بردوا اصبح مشغول مشغول بقى برزقة ومشغول برة بالدروس مشغول بانه مش متخصص كمان فى مدرسين كثير مش متخصصين احنا جبنا الاستاذ مفيد يقول لى ال 1/ 15 دول قريبى عايزين نشوف لهم حاجة كدا بالتدريس بالحصة حاجة كده يكلوا عيش فا اعينهم له
مفيد فوزى : باسم العشم ؟
د/ احمد ذكى بدر: باسم العشم وباسم الاحراج وباسم الاحراج وباسم كل حاجة
مفيد فوزى : تمام .
د/ احمد ذكى بدر: اعينهم له بياخذ 100نية ميعملش حاجة خالص فا يجى يقولى ايه بقى معقول انت بتدينى 100جنيه حد يشتغل ب 100جية حرام عليكوا طب يا عم انت وبعدين هو مش مؤهل لان هو يدرس وفى حاجات تخصصات لا تصلح خالص للتدريس
مفيد فوزى : ده موجود بالفعل بالفعل ؟
د/ احمد ذكى بدر:طبعا اه موجود
مفيد فوزى :بالفعل
د/ احمد ذكى بدر:اه كل الحاجات اللى حضرتك واحنا دلوقتى بنعرف الناس دلوقتى اللى بتقف وتشتكى وترفع يفت والكلام ده ماهى دى ايه دى حقيقة هذه حقيقة
مفيد فوزى : ليه تدهورت العلاقة بين البيت والمدرسة ده سؤال مهم الا اذا كان اب مهتم بابنة لكن اعتقد اذا اذنت لى انه فى المدرسة الخاصة لا تزال العلاقة بين البيت والمدرسة كاملة ؟
د/ احمد ذكى بدر: لا بردوا مش كده انا طلبت من مسئولى التعليم كلهم يشجعوا مجلس الامناء ويتحاوروا معاهم كده انه يعود العلاقة بين اولياء الامور والبيت وبين المدرسة
مفيد فوزى :اللى هى مجالس الاباء؟
د/احمد ذكى بدر: المجالس دى بتدير المدرسة بتدعمها وتجيب حاجات انما انا عايز بقى انا كا اب لي ابن او بنت فى المدرسة اروح المدرسة اسال ابنى عامل ايه
مفيد فوز ى : اه
د/ احمد ذكى بدر: انا على فكرة انا اتربيت فى مدارس حكومية ووالدى رغم مشاغلة الكبيرة جدا الله يرحمة كان بيجى كل ما يستطيع كان بيجى المدرسة يقابل الاساتذة ويروح عامل ايه يسأل عامل ايه يقولة لا انهاردة المدرس يقول له لأ انهاردة كان عامل غلط ما جوبش كويس او ما كنش كويس واحد تانى ما انساش انا وانا فى ابتدائى لما الابلة قالت له ده مش عارف عمل ايه كدا ويجى بقى البيت انت عملت كده ليه وممكن اتعاقب ماهو لو عامل حاجة غلط ممكن اتعاقب لو عامل حاجة بقى لأ انا مظلوم فيها وانا فى حصل كذا كذا كذا
مفيد فوزى : كنت بتتعاقب ازاى ؟
د/ احمد ذكى بدر:اتعاقب ما اخرجش باتعاقب يعنى مرة كنت انا واخويا رحنا نزلنانلعب كرة وبعدين اتاخرنا كان عندنا ميعاد وبعدين اتاخرنا وكنا بنجهز بقى زمان كان فية بيسموها دورى كدا فى الشارع
مفيد فوزى : فى الحتة ؟
د/ احمد ذكى بدر: اه فى الحتة اه الكلام ده فى المانيا فى محافظة المانيا قال خلاص انتوا اتاخرتوا واللى انتوا متفقين عليه ده وده مش هتنزلوة متروحوش
مفيد فوز ى : اتضربت؟
د/ احمد ذكى بدر: اتضربت اه بس الضر ب ضرب مش ضرب يموت
مفيد فوزى :اه
د/ احمد ذكى بدر: ضرب بالركبة فى البطن يعمل اه طبعا انضربت
مفيد فوزى :انا اتعلمت الضرب يعنى من الضرب وجدول الضرب فى ان واحد فى المدرسة معرفش يعنى منطقة ايه لما الضرب لازم سيدة فاضلة عرفت ان انا هشوف حضرتك فا من الطريف انها قالت لى ان كان لابد من الرجوع الى الضرب فى المدارس فيجب ان يكون تحت المراقبة حتى لا يعطى المعلم الحق فى استغلال هذه الفرصة للضغط على الطلبة وتخويفهم فاذا كان من حق المعلم ان يضرب من اجل التربية فيجب ان يكون كذلك وليس لاى هدف اخر لان الضغط على الطالب ربما لدخول المدرس الدرس يعنى بوجه خاص لارهاب الطلاب وبطلعوا فيما بعد ناس معقدين ضعفاء الضرب فى منهجك الفكرى ايه؟
د/ احمد ذكى بدر: هقولك حاجة الضرب ده قصة اخرى تأليف واخراج وتلحين بعض الصحفيين اللى ربنا يسامحهم اللى عايزين يخربوا الدنيا ربنا يسامحهم
مفيد فوزى : يعنى انت ما حدث من هذا خالص؟
د/ احمد ذكى بدر: هذا لم يحدث انا كنت باتكلم فى الموضوع ده هحكى لحضرتك الواقعة بالضبط كان الكلام ده فى لجنة التعليم فى مجلس الشورى وقلت ايه كدا بالضبط يعنى قلت انه انا المدرس كان بيضربنى ويقولى ماجاوبتش المسالة تعالى ليك عشر ضربات واجى اخذ خمسة واقول له ايدى وجعتنى يقولى طيب نكملهم بكرة واكون سعيد ومبسوط وكل حاجة طبعا هو مش هيكمل الضرب يعنى هوبس الفكرة ايه ان انت عقاب الغلطة دى عشر ضربات كدا
مفيد فوزى : اه اه اه
د/ احمد ذكى بدر: ده انا قلتة اه وحكيتة وشعرت بفكر هؤلاء المدرسين كنت ومازلت مش كنت بحبهم جدا وظللت اتصل بيهم الى ان توفاهم الله كنت بقابلهم واكلمهم ويكلمونى وبعضهم لسة عايش لحد انهاردة وباتصل بيهم وفى واحد منهم لسة عايش يعنى وكلمتة اخر مرة من كذا شهر كدا واللى كانوا فى المانيا حتى كنت بروح ازورهم واشوفهم وبحبهم واجلهم واقدرهم جدا جدا جدا دى انا حكيت الواقعة دى لكن انا فى ايه بقى انا قلت الضرب دة الضرب التلغى وملغى فى قانون الطفل وفى حقوق الانسان الكلام ده لا تقر ولا توافق ابدا على واحنامش موافقين على الضرب ومش عايزين ضرب ولا نبيح الضرب والضرب ممنوع لكن قلت ايه انتهى ضرب الطلبة لكن بدأ ضرب الاساتذة هو ده اللى انا قلتة
مفيد فوزى :اه انتهى ضرب الطلبة لكن ابتدى ضرب الاساتذة .
د/ احمد ذكى بدر: احنا ضرب الطلبة لا نقرة ولا هيرجع لن يعود ومش هيحصل والكلام ده كلة ده كلام
مفيد فوزى : بدا ضرب الاساتذة من الطلبة
د/ احمد ذكى بدر: اه انتحضرتك ما بتسمعش كل يوم طالب بيضرب استاذاهل الطالب جم تعدوا على المدرسة وضربوا الاستاذ
مفيد فوزى : لو مدرس عاقب تلميذ؟
د/ احمد ذكى بدر: عاقب او ما عقبش او سقط ازى بتاع الكرة الارضية تلف بتاع فؤاد المهندس ده يروح يضرب ده انتهى خلاص مش موجود وما احناش عايزينة لكن بدا بقى عصر ضرب الاساتذة
مفيد فوزى :كترجدا
د/ احمد ذكى بدر: ده ممنوع خالص اكثر من ضرب التلامذة ممنوع يعنى ضرب التلامذة ممنوع ولكن يعنى اذا كان فى واحد بيعاقب كدا وبتاع لكن بابوة او بحب فى انه يعلم التلميذ او حاجة لكن ان انت طالب ان انت ابنك او بنتك عمرها ضربتك تستجرى تضربتك تستجرى تشتمك تستجرى تروح تجيب حد يضربك مهما عملت لها مش ممكن فا انا قلت كده انه حتى لو غلط من الاستاذ نفترض ان فى خطأ من الاستاذ ضد التلميذ ممنوع اللى يرد عليه احنا نحاسبة فى مدرسة وفى ادارة وفى وزارة وفى قانون وفى محكمة فى شرطة وفى نيابة وكل حاجة بعض الناس راحوا قالوا دا عايز يرجع الضرب وقرر عودة الضرب اقرر عودة الضرب ازاى القوانين تمنع قانون الطفل وقانون حقوق الانسان التفوق فيما تحبة كان ابويا الله يرحمة كان يقولى دائما كدا اولا يقول لى لو انت تعبان متذاكرش مش قاعد وفاتح الكتاب تعبان ما تذاكرش انزل اللعب انزل مش عارف ايه وبعدين اختار الحاجة اللى انت تتفوق فيها ولما رحت انا كنت باحب الهندس وكان عندنا المسطرة والاله الحاسبة والحاجات دى ابتدى يجيب لى الحاجات دى واحدة واحدة كدا من وانا فى اعدادى هقول حضرتك التشجيع العقاب والثواب وانافى اولى اعدادى او وانا فى ثانية اعدادى يمكن جاب لى ساعة علشان يديها لى هدية لما اخذ الاعدادية فلما يكون موجود فى البيت كدا نقعد هنا ونتقابل كدا ونتلم ويقولى اتفرج على الساعة الجديدة
مفيد فوزى :حافز؟
د/ احمد ذكى بدر:اه تحفيز لسة الساعة دى هخذها لم انجح واجيب مجموع فى الاعدادية ده لسة مختهاش انما علشا ن ايه يعنى الساعة موجودة وفى علبتها كدا وهو شريها من برة وجيبها علشان يعنى ايه دى اللى انا عايز اشد حيلى
مفيد فوزى : بيسموها فى اللغة ان هو بيقدم لك رائحة الشواء .
د/ احمد ذكى بدر: ايوا عشان يجرى ريقى
مفيد فوزى : بمناسبة الجملة بتاعتة لما بيقولك تفوق فيما تحبة
د/ احمد ذكى بدر: اه
مفيد فوزى : سألتة مرة فى احد الحوارات التليفزيونية قلت له يا افندم على فكرة انا من الناس المعجبين بالفنانة الكبيرة العربية فيروز بيعجبنى صوت فيروزما اعرفش وجهة نظرك ايه قال لى انا بقى بتعجبنى الملاحم الامنية قلت له يا افندم انا باتكلم فى حاجة وحضرتك بتتكلم فى حاجة قال يا اخى انا بتعجبنى يعنى هههه يعنى لم يسقط سهوا منى هذه كنت عايز اقولك دون حساسية وبدافع المواطنة حينما ترى اطفال بنات صغيرين فى عمر الست سنين وسبع سنين و8 سنين محجبات الا تشعر ان هذا فية وأدا للطفولة علما اننى لا اصادر على الاطلاق هذا الحق ولست ضده ولكن بتسائل احيانا مدرسة بكاملها هل ده تعليمات من الوزير ؟
د/ احمد ذكى بدر: لألأ انا هقول لحضرتك حاجة علشان تعرف انها بدون اى حساسية انا معنديش حساسية خالص انا والدتى محجبة وزوجتى محجبة وبنتى الكبيرة محجبة بنتى الصغيرة مش محجبة انا لما رحت المدرسة فى يوم السبت اللى فات زرت مدرسة فى المينى بيت بنات اد كدا ملفوفة ملفوفة مش محجبة ملفوفة ملفوفة قلت لها انت سقعانة قوى كدا
مفيد فوزى : ايوا
د/ احمد ذكى بدر: فطبعا مردوش ده انا يعنى انا مش عايز اتكلم بقى فى الدين بلاش الشيخ دا نصب نفسة شيخ وعمل كذا كذا لالا اعتقد انى انا افهم فى دينى كويس على قدر ما ربنا يسر لى يعنى هذا ليس مطلوب ليس مطلوب وده مش صح لانه ربنا قال فى القران والدين ان الاطفال الصغيرين دول اللذين لم يبلغوا الحلم دول دول يدخلوا على اهلهم فى البيت وهما نايمين دون استئذان وفى حاجات بقى اخرى كثير بيتكلم فيها رجال الدين لكن دى الخطورة مش فى ان انا بلف وكدا الخطورة ان انا بلفة وكدا تمهيدا لان انا هعقدة بقى بعد كدا وابتدى انقبة وابتدى ادى له افكار سامة وعلى فكرة معظم هذة الحاجات يعنى كلها مظهرية لا تنم يعنى عن عقيدة والناس,
رجال الدين تكلموا فى ده كثير جدا وقالوا النقاب انا طبعا مع الحشمة يعنى يقولك انت ليه مش عارف تشيل المنقبات ومش عارف ايه واللى لابسين خليع لأ لا كده ولا كده الخلاعة لأ مرفوضة
مفيد فوزى :ارفع صباعى يا افندم هل المدرسة المصرية الان تخصب العلاقة بالسماحة ولا لا زال التلامذة الاقباط يخرجوا فى حصة الدين الاسلامى حضرتك كوزير تعلم هذا جيدا
د/ احمد ذكى بدر: اه لأ هما مش بيخرجوا علشان يستبعدوا
مفيد فوزى :هما ما بيستبعدوش هما بيخرجوا .
د/ احمد ذكى بدر: لأ لأ هو فى دين مسيحى وفى دين اسلامى
مفيد فوزى : اه بيخرجوا يروحوا حصة الدين المسيحى
د/ احمد ذكى بدر: المسلمين بياخذوا الدين الاسلامى والمسيحيين وبياخذوا الدين المسيحى والوزارة عندها كتب للدين الاسلامى والدين المسيحى واحنا بنعمل بقى حاجة جديدة دلوقتى ان احنا كتب الدين الاسلامى بنأخذا كلها على بعضها ونبعثها للنا س شيخ الازهر والمفتى علشان يقول لنا رايه وينقيها اذا كان فيها حاجة خليعة كتب الدين المسيحى بردوا نبعثها للبابا ونبعثها
مفيد فوزى : تربية السماحة يعنى ؟
د/ احمد ذكى بدر: علشا ن يقول لى يرجعها لى ويبقى هو مسئول عنها ما يسبهاش لان الحقيقة فى حاجات كثيرة جدا لاسباب كثيرة فى حاجات يعنى فى كتاب عن سماحة الاسلام حاجات غريبة جدا ونا س بعتت اشتكت وقالت ازاى ده سماحة الاسلام يعنى احنا مش عايزين نسيب احنا بنروح نجيب واحد نقول له خذ الف الكتاب ده واخذه منه اطبعة وابيعة مش ببيعة soryبنوزعه على الطلبة لازم نشوف ايه لان انت افكارك انا ما اعرفش انت افكارك ايه انا مش عايزك تغير دينك انا مش هأملى عليك واحد بيألف كتاب الدين مش هأملى عليك ان انت تقدم تألف لى او تحط لى فى الدين ما ليس فى الدين علشان ترضينى او ترضى الاستاذ مفيد او ترضى مش عارف مين لكن لابد ان هناك مش هنقول فى اسرائيليات فى حاجات بتتدس على الدين الاسلامى فى حاجات بتندس بغرض وفى حاجات بتندس بحسن نية على فكرة الكلام ده مش بس موجود فى مناهج الدين الكلام ده للاسف موجود فى المناهج الاخرى واحد لسة فى قطاع البترول من يومين ثلاثة كنت قاعد معاه بيقول لى انا باذاكر لحفيدى مش عارف فى ثانية اعدادى اوثالثة اعدادى لقيت بيقولة حقل كذا للبترول اكبر حقول البترول فى مصر ده السنة دى هو الراجل المهندس الكبير ده فى قطاع البترول بيقولى الحقل ده قفل فى مصر قفل خلاص بقالة 20 سنة او 25 سنة يعنى قفل نضب
مفيد فوزى : اه نضب اه اه
د/احمد ذكى بدر: اه مبقاش اللى كتب اللى بيألف الكلام ده واحد معلوماتة من 0 3 سنة وعمال يجيب من كتاب لكتاب لكتاب واحنا عمالين بقى نشتغل
مفيد فوزى : وبتنطبع
د/ احمد ذكى بدر: وبنتطبع وبيندفع فيها فلوس واخطرمن ان بيندفع فيها فلوس بعلم بيها الطلبة دول بعلمهم ملعومات غلطيعنى ده لما بيجى يتعلم ويدخل الامتحان وينجح وبعدين يطلع حضرتك بقى تقول له ايه اكبرحقول البترول فى مصريقولك حقل مش عارف ايه وهو اللى قفل وده تلاقية مثل جايب 100% حضرتك تقول له ايه ده تقول له مين اللى علمك والا مين امتحنك والا انت امتحنوك ازاى والا النتيجة طلعت ازاى والا تقولة هل ممكن تقوله ورينى الكتاب اللى انت بتدرس فية انت هتتهم بقى الامتحان هل الطالب ده لو عندة معلومة ودى حصلت لو الطالب ده عندة معلومة ان اكبر حقول البترول فى مصر هو حقل كذا مثلا عارفة لاى سبب والدة بيشتغل فى البترول قرا فى كتاب قرا فى جرنال وينتج كذا ومش عارف ايه وجه كتب فى الامتحان اكبر حقول البترول كذا وبتقول كذا يحصل ايه هياخذ صفر لانه مكتبش زى اللى فى الكتاب انا فى امتحان الاعدادية اللى فات ده انا ساعدت جدا بنتى كانت بتمتحن فى الاعدادية ساعدت جدا اولا كلمتنى مرة وقال لى فى غلطة فى الامتحان فا انا قلت لها طيب مسألتش طبعا لان المفروض لما تجينى حاجة من بيتى اعرف منها معلومة لما قلت بنتى بتشتكى لى وبنتى صغيرة يعنى فى الاعدادية ممكن تكون عايزة تقولى الامتحان كان صعب ونشيل السؤال ده والحاجات اللى احنا كنا متعودين عليها دى لحد ما تيجى بقى الشكاوى من حتت ثانية كثيرة تبتدى بقى الحاجات الثانية اللى ذات العلاقة الشخصية دى نبتدى نخدة فا فى سؤال ويمكن اتكتب فى الجرائد وعملوا فية تحقيق واخذوا فية جزة اللى عملوة وبتاع بيعملوا الحاجة ليه بتمتحن امتحان العربى العلوم يعنى بالعربى والعلوم بالانجليزى وبيدى للطالب اللى بيدرس بالانجليزى بيدى له نسخة بالعربى ونسخة بالانجليزى وكانة متوقع ان الطالب الاول اللى فى اولى اعدادى او فى ثانية اعدادى بيمسك النسختين الاول ويقرا العربى ويقرا الانجليزى ويترجمة ويقول لأ ده فى غلطة ويعمل دراسة مقارنة ما بين العربى وما بين الانجليزى قبل ما يبتدى يمتحن تكون السنة فاتت انا بادرس بالانجليزى تيجى الامتحان بالانجليزى انا بادرس بالعربى تجيب الامتحان بالعربى عشان فى فى غلطة اشوفها هو انا لما بيجلى امتحان باخذ الكتاب الاول اقراة والا الامتحان من الاول اقراة انا باخذة اشيلة بياخذة يشيلة ويبتدى يحل فى الانجليزى
مفيد فوز ى : صح صح
د/ احمد ذكى بدر: فانت بتتحمل مسئوليه الامتحان اللى بتحطة مش الطالب الترجمة اهى قعدوا شافوا لما روحوا البيت حلوا صح لما روحوا البيت والدة واحدة يعنى تلميذة قرأت العربى وقرأت الانجليزى بقى الله دا السؤال ده غير السؤال ده وده فية رسمة كهربية لمفتاح الكهربة وده المفتاح مقفول
مفيد فوزى : فى خطأ؟
د/ احمد ذكى بدر: اه فى خطأ فى فرق بين العربى وبين الانجليزى
مفيد فوزى : اه
د/ احمد ذكى بدر: طبعا الاجابة نموذج الاجابة للاسف واحد فا اللى حالل هنا وحالل هنا هيتحاسب على نموذج الاجابة فانا سالتهم قالوا لى طبعا كل ده كان بالتليفون كدا اصل مش فارقة ده هيطبق قانون مش عارف ايه وده فانا قلت على ما اروح واشوف يعنى كده فا قلت للى كلمنى فالبنات بقى الصغيرين قالوا لى لأ طبعا غلط الكلام ده لو المفتاح مفتوح مفيش كهربة هتمشى ما انت حضرتك لو مفتاح النور مقفول
مفيد فوزى : مفيش حاجة ؟
د/ احمد ذكى بدر: مفيش كهرباء
مفيد فوزى :طبعا طبعا تقول بقى النور كثير والا منور والا مش منور والا عامل ايه المفتاح مقفول الكهربة مقطوعه فهما الولاد مخهم متفتح جدا انما احنا بقى اللى بنحط الاسئلة واللى بنحط الكلام ده السؤال ده على القانون الفلانى اقسم كذا على كذا واضرب فى خمسة واقسم على 16 هتطلع النتيجة سواء ده مقفول مفتوح مش مهم الولاد بيفكروا بيشوفوا وبقول لحضرتك دلوقتى الولاد فكرهم كبير ومخهم متفتح وبيدخلوا على الانترنت وبيدخلوا على فاهميهم كويس قوى بيبصوا الاول للرسمة ويشوفها الاول ايه دى ايه مش لقى رسمة يقوم يطلق القانون ويقسم ويضرب وبتاع لأ طبعا عملنا تحقيق واللى عمل كده اخد جزا وبعد كده قلنا امتحان الانجليزى
ده انجليزى امتحان العربى ده عربى مفيش حاجة اسمها الدين يسر عشان لما يعمل يشوفها بالعربى يشوفها بالعربى ايه هو انا باعمل نضارة افرمت التليمذ اللى داخل يمتحن هيعمل دراسة والكلام ده لسه