رحلة داخل دماغ راجل وست !!

هو.. امتى بقي اتجوز بقى ؟؟ تعبان وحيحان وصيصان وحموت تبقى ليا واحدة ست مراتي بتاعتي.. ملكي انا بس.. يا لهوي دا انا حدغدغ الدوووونيااا... اه ياني يا اما.. الكمبيرتر اشتكى وخايف يروح يعملي محضر تحرش ولو اتعرض على الطبيب الشرعي هروح في حديد
هي.. امتى ييجي الفارس بقى على حوسانه الأبيض.. ويجري يجري يجري.. وهوب يخطفني ونروح لبعيد لبعيد لبعييييد.. ونعيش احلى قُصّة واخلص بقى من ام البيت اللي عايشة فيه ده مع ابويا اللي عامل فيها حارس مجرة درب التبانة وامي اللي اكيد شارياني من سوق الجواري في العتبة...
بعد فترة مش كبيرة:
هو... الله يحرقني.. ربنا ياخدني.. اشوفني متغطي بورق جرايد على كورنيش ساحل روض الفرج.. كان مالي بس ومال الجواز.. ده انا لو بطبع فلوس مش هلاحق.. ده غير الهم والغم إذا... لابد من الانتحار.. انا أساسا ما اتحسبش على الرجالة... على الإطلاق.. بلا وكسة
هي... ناولوني الجااااز... ناولوني الكبريييت... طب ولاااعة يا غجررر... سم الفراااان فييين... الله يسامحك يا ابا على موافقتك ورميتك ليا... الله يسامحك يا اما مش كنتي تنصحيني بدل ما تسبيني اتنيل.. رميتوني مع الدبة القطبية دي اللي لا بتعوم ولا بتسقف وطول النهار عاوزة تاكل... لا طلع فارس ولا طلع نافع أساسا.. ده لو قعد على الحصان حيسفلته... يا تاخدني يا تاخده يا رااااااااااب.