رشا نبيل تنفعل على وكيل نقابة الصيادلة: "مش هتعرف تستفزني"

دخل الدكتور مصطفى الوكيل، وكيل نقابة الصيادلة، في مشادة كلامية مع الإعلامية رشا نبيل خلال برنامجها "كلام تاني"، المذاع على فضائية "دريم 2"، اليوم الجمعة.
وقال الوكيل: إن "إضراب الصيادلة لم يكن مطروحا ولكن أوجاع الناس كانت سببا للقيام بذلك بسبب الاعتراض على رفع نسبة الأدوية"، لترد عليه رشا نبيل: "أنتم كل مرة تعملوا المسلسل ده؟!"، فعقب وكيل نقابة الصيادلة: "بلاش الأسلوب ده وتزيني ناس على حسابنا"، لتنفعل الإعلامية رشا نبيل: "فيه إيه يادكتور مصطفى، إحنا هنلمع الوزير يعني؟ خلاص ياسيدي أنا منحازة للوزير ولو عاوز تعمل حاجة معينة وتظهرنا بشكل معين أنت حر، هو أنا شغالة صيدلية بعد الظهر ولا إيه"، ليرد عليها الدكتور مصطفى الوكيل: "أنتِ بتسمعي وزير الصحة بهدوء وبتتكلمي معايا بعصبية ليه وأنتِ مش عاوزة تسمعيني؟".
واستطرد أن نقابة الصيادلة ليست في حاجة لحشد الأعضاء وأي عدد ستنعقد به الجمعية العمومية، لتعقب رشا نبيل: "يعني أنت مردتش على سؤالي وأنا على فكرة أعطيتك فرصة تتكلم أكتر من وزير وأنت مش هتعرف تستفزني يا دكتور مصطفى"، لتنهي المكالمة قائلة: "شكرا يا دكتور مصطفى".