قواعد الشوبنج الخمس والثلاثون للبنت المصرية

لأن البنت المصرية لديها أسلوب خاص جدا فى الشوبنج، فهذه 35 نصيحة للبنت وهي تنزل تعمل شوبنج.
1- الوقت الكويس للشوبنج يوم السبت «Saturday for shopping» معروفة يعني.
2- لو نازلة تشترى قمصان أو بلوزات أو باديهات لازم تكونى لابسة بنطلون مظبوط عليكي.
3- مفيش لبس ضيق حتخسيله اشتري مقاسك بس.
4- البرا الكويس بيخلي شكل اللبس كويس فى القياس.
5- متشتريش فستان لفرح منال اللي بعد ثلاثة شهور من بدري علشان حتتخني عليه.. الفستان حيرخص وترجعى تعيطي.. احتمال منال تفسخ الخطوبة أصلا.
6- علقي الهدوم واعدليها بعد ما تقيسي اللي شغالين في المحل مش شغلهم يلموا وراكي مش أمك هما.
7- بلاش بنطلون أبيض.
8- متنزليش تعملى شوبنج وانتي مودك وحش.. حتشوفي اللبس كله ضيق وغالي ومش حلو.
9- بلاش تعملي شوبنج وانتي معاكي شنطة كبيرة حتلخمك.
10- البسي حاجات سهلة القلع.
11- بالطو غالي وعليه القيمة ألطف من تلاتة شكلهم رخيص.
12- ال«blazer» الكلاسيك كحلى أو أسود قطعة أساسية لا يمكن الاستغناء عنها فى دولابك.
14- ال «sale» اللى بيتعمل فى أول السيزون بيبقى على بواقى السنة اللى قبلها.. وال«sale» بتاع آخر السيزون هو ده ال «sale».
15- سيبى نمرة تليفونك علشان ييعتولك لو فيه «sale».
16- البلوزات اللى بزراير والقمصان مقلمة سادة منقوشة مبتبطلش وتتلبس صيف وشتاء فوقها جاكيت بلوفر أي حاجة.
17- محلات ال cosmetics ال sale بتاعها بيبقى عظيم تابعى معاهم حتلاقي نفسك مشترية حاجات كتير بفلوس قليلة.
18- متشتريش حاجات من la senza بيخرف فى المقاسات.. فيكتوريا سيكريت غالى بس محترم.. الملابس الداخلية بتاعة H&m كويسة ومش غالية.
19- خلي دايما عندك لبس للشغل ولبس للخروج.
20- مفيش شوبنج وانتى بتاكلى آيس كريم أو ساندوتش شاورمة كده هبل يا حبيبتي ده يبقى اسمه بنتمشى.
21- الصحبة مهمة جدا يا تنزلى مع حد مريح ليكى يا تنزلى لوحدك.
22- متعمليش شوبنج مع ماما أبدا.
23- متعمليش شوبنج مع حد معاهوش فلوس.
24- متعمليش شوبنج مع حد plus size علشان ميبقاش فيه إحراج ليكم انتم الاتنين.
25- متنبهريش بالحاجات وهى متعلقة على الشماعة لازم تقيسيها.
26- متعمليش شوبنج وانتى شكلك مبهدل.. انتى مش نازلة سوق الخضار.
27- حتلاقى مقاس xxs فى وسط المقاسات.. امسكيه كده وتخيلى اللى لبساه «And you will thank God» على نعمة ال M وال L والله.
28- فى ال«sale» ابعدى عن «الويك إند» تماما لأنك عقبال ما توصلى علشان تعرفى تقيسى حاجة واحدة يومك حيضيع.
29- لو نازلة علشان تشترى حاجة معينة مش حتلاقيها خلى عندك مرونة ودوري على بدائل.
30- الشتاء مش كله لبسه غامق والصيف ممكن نلبس فيه أسود عادي.
31- نتحرر من فكرة الجزمة لون الشنطة لون المانيكير.. انتي ممكن تنسقي كذا لون مع بعض.
32- بصي على الزراير والسوست فى الهدوم قبل ما تحاسبي وتمشي من المحل.
33- خدي بالك أكتر من هدوم ال «sale» ساعات بيحطوا حاجات منقرة أو شايطة.
34- ارجعي اغسلي الهدوم متلبسيهاش علطول علشان أكيد حد كان قايسها.
35- اغسلي الحاجات الجديدة كل قطعة لوحدها علشان تشوفي اللى بيبهت، وإيه اللي بيكش.