أوصاني بحذف أغانيه.. شحتة كاريكا يكشف اللحظات الأخيرة في حياة الراحل أحمد دقدق

تحدث المطرب الشعبي شحتة كاريكا عن زميله الراحل أحمد دقدق، الذي رحل عن عالمنا اليوم بعد صراع مع مرض سرطان المخ، كاشفًا أنه أوصاه بحذف أغانيه قبل وفاته.
وقال شحتة كاريكا خلال مداخلة هاتفية ببرنامج كلمة أخيرة على قناة ON مع الإعلامي أحمد سالم: "دقدق كان محترم جدًا وجميل وخير وغلبان وكان بيعمل خير كتير، بقاله سنة بالظبط مريض، وعمره 30 سنة، وكان من أحسن الناس اللي قابلتها في حياتي كان طيب وبيساعد الناس، وربنا أنعم عليه وخفف عليه في الدنيا علشان يلاقاه في الآخرة".
اقرأ أيضا | بعد وفاة مطرب شهير به.. ما هو سرطان المخ وما أعراضه؟
وكشف مفاجأة عن وصيته، مشيرًا إلى أنه أوصاه قبل وفاته بحذف أغانيه:"من فترة قال نفسي ابطل وأفتح أي مشروع، وقال لي لو مت امسحوا أغانيا بصراحة قال لي كده ودي أمانة قدام ربنا".
وتابع:"الحزن جوانا مش بالأغاني، والواحد في الدنيا بيفرح الناس وإحنا واقفين مع بلدنا وهو كان بيحب البلد، وعمرنا ما قلنا حاجة سيئة ولا أغاني سيئة، وأغانينا كلها فرح".
كما أكد شحتة كاريكا أنه أيضًا أوصى بحذف أغانيه بعد وفاته: "اللي ربنا كاتبه ليا هشوفه، والحياة مش مضمونة، ولما تموت هتموت لوحدك وهتحاسب لوحدك، وكل واحد ربنا أنعم عليه بالنجومية يحاسب عليها، وأنا قايلهم كل حاجة ليا تتسمح بعد وفاتي:".
من ناحيته، كشف خال أحمد دقدق، أن الراحل كان متزوجًا ولديه طفلين في عمر أربع سنوات وثلاث سنوات، وأوصى بحذف أغانيه وسيقوموا بتنفيذ وصيته.