شحتة كاريكا يكشف مفاجأة عن الراحل أحمد دقدق: أوصى بحذف أغانيه

تحدث المطرب الشعبي شحتة كاريكا عن زميله الراحل أحمد دقدق، الذي رحل عن عالمنا اليوم بعد صراع مع مرض سرطان المخ، كاشفًا أنه أوصاه بحذف أغانيه قبل وفاته.
وقال شحتة كاريكا خلال مداخلة هاتفية ببرنامج "كلمة أخيرة" على قناة ON مع الإعلامي أحمد سالم:
"دقدق كان محترمًا جدًا وجميلًا وخيرًا وغلبان، وكان يعمل خيرًا كثيرًا. بقاله سنة بالظبط مريض، وكان عمره 30 سنة، وكان من أحسن الناس اللي قابلتها في حياتي، طيب وبيساعد الناس. ربنا أنعم عليه وخفف عليه في الدنيا علشان يلاقيه في الآخرة".
وصية دقدق
وكشف شحتة عن وصية دقدق، مشيرًا إلى أنه أوصاه قبل وفاته بحذف أغانيه: "من فترة قال نفسي أبطل وأفتح أي مشروع، وقال لي: لو مت امسحوا أغاني بصراحة. قال لي كده ودي أمانة قدام ربنا".
وأضاف: "الحزن جوانا مش بالأغاني، والواحد في الدنيا بيفرح الناس وإحنا واقفين مع بلدنا. هو كان بيحب البلد، وعمرنا ما قلنا حاجة سيئة ولا أغاني سيئة، وأغانينا كلها فرح".
وأكد شحتة كاريكا أن الراحل أوصى بحذف أغانيه بعد الوفاة، قائلًا: "اللي ربنا كاتبه ليا هشوفه، والحياة مش مضمونة، ولما تموت هتموت لوحدك وهتحاسب لوحدك، وكل واحد ربنا أنعم عليه بالنجومية يحاسب عليها. وأنا قايلهم كل حاجة ليا تتسمح بعد وفاتي".
من ناحيته، كشف خال أحمد دقدق أن الراحل كان متزوجًا ولديه طفلان بعمر أربع سنوات وثلاث سنوات، وأوصى بحذف أغانيه، وسيقومون بتنفيذ وصيته.