مؤسس رصد الإخوانية: أمين عام "الجماعة" باع "التنظيم"

شن عمرو فراج مؤسس شبكة رصد الإخوانية والهارب خارج البلاد، هجوما شرسا على تصريحات محمود حسين الأمين العام للجماعة، والتي أثارت أزمة داخلية بالجماعة.
وقال فراج في بيانا له على موقع التواصل الاجتماعي "الفيس بوك"، "طيب يعني الواحد يضحك ولا يعيط ولا يعمل إيه على الناس دي، يعني دلوقتي صحابنا اللي في السجون دي مفروض تطلع ازاي بالكلام اللي سمعناه من شوية ده، الراجل ده يا إخوانا أحد 3 أشخاص بيديروا أكبر جماعة معارضة للنظام في مصر".
وأضاف "أحد 3 أشخاص مفترض أن من مسؤولياتهم الرئيسية إدارة موارد الجماعة المالية والبشرية وعلاقاتها وهيكلها لتعديل الوضع الحالي وإخراج 40 ألف معتقل قبل ما يموتوا، مفروض الراجل ده هو اللي يوجهنا ويحركنا بصفته الإدارية دي، طيب الأداء ابن..... ده اللي شفناه من شوية تفتكروا ينفع يكون سبب في أي حل هايحصل!!".
و تابع "ما اظنش هاعرف أشوف صحابي اللي في السجن خلال الشهور الجاية للأسف... ما بقاش فيه أمل أنه يفرج عنهم إلا بارادة ربنا فقط.. مافيش أي سبب بشري تاني ممكن يكون له تأثير في خروجهم... بسبب سوء إدارة الراجل ده، ربنا ينتقم من كل مسؤول متهاون بيحاول فقط ينتصر لنفسه ولرأيه، أهم حاجة عند الراجل ده هو التنظيم.. أهم من أفراد هذا التنظيم وأهم من البلد والدم والوقت المهدر والفلوس اللي بتضيع والأمراض اللي بتجيلنا كلنا بسبب الوضع ده... بقاء التنظيم أهم من بقائه هو نفسه... عبد التنظيم"