حسين لبيب : مش هنسيب حق الزمالك وبنحل القضايا من غير سحر ولاشعوذة واحنا بتوع افعال مش كلام وفى انتظار فلوس كهربا

مصطفى جويلي واعداد احمد عادل الشريف
تحدث حسين لبيب، رئيس اللجنة المعينة التى تدير نادى الزمالك ، عن جماهير القلعة البيضاء التى وصفها بالذكية وقال ان جمهور الزمالك، عاطفي وزكي مشيرا الى انه يلتف وراء المسؤولين عن النادى عندما يشعر انهم يعملون من اجل صالح الكيان الابيض بعيدا عن المصالح الشخصية .
وقال لبيب ، الذى حل ضيفا على قناة اون تايم سبورت مع ابراهيم عبد الجواد، : الزمالك اكبر قلعة رياضية في مصر مش ورانا حاجة ان الجمهور ينبسط وعندنا عشم ان يوفقنا الله .واكد رئيس اللجنة المعينة التى تدير نادى الزمالك، نتعامل على ان امام تحديات وليست مشاكل هدفنا مواجهتها من خلال خطط قصيرة و متوسطة وطويلة المدي .
وتحدث لبيب ، عن حقيقة الخلافات مع إتحاد الكرة ، أحمد مجاهد لم يتأخر بطلب تجاة نادي الزمالك ودي حقيقة مش هقدر انكرها، لما الزمالك اضغط اتبعتلنا من اتحاد الكرة وأحنا كلمنى كارتيرون المدير الفني، هو طلب نوافق على المباريات ومفيش أي اعتراض على ضغط المباريات وهو كان له وجهه نظر في مواصلة طريق الانتصارات وضغط الاهلي، علاقتنا كويسة باتحاد الكرة، ومش هنتنازل عن حق نادي الزمالك أحنا بتوع أفعال مش كلام مابحبش اتكلم كتير.
وقال رئيس اللجنة المعينة ، الجهاز الفني هو رقم واحد، أنا كمجلس إدارة أحاسب المدير الفني بنهاية الموسم سواء بتجديد الثقة أو رحيله، لذلك كارتيرون وافق على لعب مباراة الجونة بالدوري، فهو يتحمل المسئولية ونحترم قراره.
بنحاول نطبق الافكار، لمساعدة الزمالك ، واستغلال موارده مثل فكرة دعم الزمالك عن طريق حساب بنكي، بدل من التذاكر لأن المباريات بدون جماهير، فبدل التذكرة اللي ب50جنيه فكرنا نفتح حساب دعم للزمالك ، وأخدنا موافقة من الجهة الإدارية والقانونية لأننا نادي حكومي، ومش هتكلم في أرقام دخلت الحساب، بس اللي اقدر اقوله أن الفكرة ناجحة جداً ومش لازم المبلغ يكون كبير، الاهم كمية الناس اللي اتفعلت مع الفكرة، وفخورين بالفكرة عكس التريقة اللي حصلت من بعض الأشخاص.
التوقيت اللي اللجنة دخلت فيه الزمالك ، توقيت لذيذ جداً، حيث بنهاية موسم العاب الصالات يتم تشكيل جهاز فني جديد، فكنا لازم ناخد قرارات سريعة ونتفاعل مع الأمور.
الملف المالي المسئول عنه محمد الاتربي وهاني برزي وعمرو أدهم، وعملوا مجهود خرافي بكل إمامة وبيحبوا الزمالك بجد، وأحنا كلنا بنخدم الزمالك، والكيان الأبيض رقم واحد.
في خطة طويلة الأجل وهما أمرين نادي الزمالك فى السادس من أكتوبر و شركة الكرة، نتكلم عن فرع السادس من أكتوبر، مجلس المستشار مرتضى منصور دفع المستحقات بالكامل، لكن كان يجب بناء نسبة معينه لذلك تم سحب الأرض، وحاليا في تواصل مع الجهات المسئولة لحل الأمر وبإذن الله الموضوع في طريقة للحل، مصادرنا مش اشتراكات النادي فقط في افكار تانية كتير مش هنتكلم فيها دلوقتي.
ثاني أمر شركة الكرة، بدأنا بالفعل في بداية الفكرة دي، وبنحاول نتكلم في التسويق لأن نادي الزمالك مش واخد حقه خالص في التسويق، وقبل بداية الموسم في أخبار كويسة جدا بخصوص التسويق.
وكشف حسين لبيب ، عندنا 16 أو 18 قضية المسئول عنها عمرو أدهم والمحامي نصر عزام، القضايا كتير جداً، لكن مفيش حكم نهائي بنحاول نتواصل مع جميع الأطراف لحل القضايا بشكل ودي وبالفعل الحمدلله تم حل قضايا كتير جدا بشكل ودي من غير سحر ولاشعوذة وملتزمين بكلامنا مع الناس.
كان في وعد من نادي الزمالك لباتيشكو المدير الفني السابق للزمالك، بدفع مبلغ 450 ألف دولار، لكن بعد رحيله الزمالك ملتزمش بالوعد باتشيكو قرر يرفع قضية ضد الزمالك، الاهم حاليا بنتواصل معاه لحل الأمر بشكل ودي وكل واحد ياخد حقه.
قضية محمود عبد المنعم كهربا لاعب الأهلي، في أخر جلسة تم سماع أقوال اللاعب بحضور محامي نادي الزمالك المصري والآخر أجنبي، والجلسة المقبلة سيكون الحكم النهائي.
الزمالك طلب زيادة المبلغ والعقوبة على كهربا، لكن اللاعب في أخر جلسة طلب الغاء العقوبة من الأساس، وننتظر قرار المحكمة النهائي.