الحب هو دافع المرأة لفقدان ذكائها !

المَرأَة تَفقِد جزء مِن ذَكائهَا بِمُجرد ارتِباطهَا بِالرَجُل...مقولة
تعرف المرأة بأنها شديدة الذكاء، وخصوصا فيما يتعلق بالرجل، فهي تمتلك حاسة تمكنها من معرفة ما بداخل الرجل بمجرد ملاحظة متعمقة في تصرفاته.
و تتعرض المرأة للعديد من التجارب المؤلمة و تنخدع في الكثير من الرجال، و يتعجب الكثيرون من هذا الأمر فكيف تنخدع رغم كل هذا الذكاء؟!.
و ربما يرجع ذلك لرغبتها في أن تحافظ علي حياة عاطفية وقت أطول، فتتخلى عن ذكائها، أو بشكل آخر تتناسى استخدامه، و تحاول التماس الأعذار رغم كل ما يظهر منه أو كل ما تتيقنه في داخلها.
و السؤال هنا، هل المرأة تفقد جزء من ذكائها بعد الحب، أم أنها تتعمد إخفاء ما تشعر به أو يبدو لها لإشباع احتياجاتها في الحب و التقدير؟
و تمكنت بوابة أخبار اليوم من رصد بعض الآراء حول هذا الموضوع، فكانت الردود كالتالي :
قالت "سارة" غلط طبعا، دي البنت بتطلع ذكائها عليه، يعنى مثلا بتفكر ازاي تكسبه وتكسب أهله بالذكاء ازاى تخليه يعملها اللي هى عاوزاه بالذكاء ازاى تبقى هي كل حياته برضه بالذكاء فلو فقدت ذكائها هتضيع وسط ذكاء اللى حواليه.
و أجابت "آلاء" حقيقة، لأنها بتسلم ولما بتحب مش بتعرف تتعامل بتبقى غبية في التعامل.
و علقت "نهلة" المرأة مش بتفقد جزء من ذكائها، هي بس بتتعامل بعاطفتها أكتر بعد الحب عشان بتحب الشخص اللي قدامها بس طبعاً الواحدة المفروض تاخد بالها ممكن حاجات تستحملها دلوقتي، لكن بعد الجواز مش هتستحمل وفي أمور كتير هتقبلها، يعني هي مش بتفقد ذكائها ولا حاجة هي بتبقى عاطفية أكتر بس لازم بردو تكون المرأة حذرة في الموضوع ده.
و شارك "مروان" مين قال كده، هي ما شاء الله محافظة أوي على دماغها وتحس إن عندها قرون استشعار و بتحس بأي حاجة، يعني اللي فيكر يخبي عليها ولا يعمل أي حاجة يبقى عبيط لو صدق إنها ممكن تبقى مش فاهمة، و بحترم جدا البنات اللي بتخبي إنها فاهمة عشان المركب تعدي، لكن ساعات بتفضل ساكتة ومرة واحدة تدي الضربة التمام.