الشهادة‏..‏ شر لابد منه

الأسطي بلية‏:‏ عاوز أوصل للعالمية زي زويل

دقدقة وفك وربط‏..‏ لحام ورفع مواتير وظبط مكانه‏..‏ في عزبة خير صباحا علي تختة المدرسة‏,‏ ومساء تحت السيارات في ورشة الميكانيكا اسمه صباحا عبد الرحمن مصطفي ومساء الأسطي بلية‏..
‏ يحب برشلونة وميسي ويقول انه أحرف من أبو تريكة‏..‏ يفتخر بأصدقائه ويدندن وهو يعمل تحت جسد السيارة الفولاذي‏..‏ المهنة بناضل تلميذ في مدرسة شعبية‏,‏ المدرسة فاتحة علي الشارع والشارع فاتح في قلبي‏..‏
عمره مساكن شعبية‏..‏ مستقبله في ورشته الفنية‏,‏ والشهادة بالنسبة له شر لابد منه
عبد الرحمن مصطفي‏15‏ سنة وتقدر تقوللي دلوقتي ياسطي بلية‏..‏ هكذا اجابني مبتسما قبل أن يخرج من قلب السيارة لينادي علي القهوجي صائحا شوف يا سيد الاستاذ يشرب إيه وعاد بنظره إلي ومازالت ابتسامته علي وجهه اه احنا نعرف في الأصول ولازم نقوم بالواجب‏.‏
رشفة من الشاي المغلي الذي طلبه الاسطي بلية ثم تمعن في هذا الوجه المبتسم والجسد الذي يظهر عمره الصغير جعلته يبادر بالاجابة دون أن أسأله طبعا انت هاتقولي الدراسة ومبتروحشي ليه يا حبيبي ومستقبلك‏..‏ انا بروح المدرسة متخافش لكن باشتغل مع والدي بعد الضهر علشان اتعلم صنعة واهو لو العلام مانفعشي نعلق الشهادة علي الحائط ونرزق برضه علي رأي والدتي‏.‏
واستطرد بقولك ايه يا ريس‏..‏ ما يغركشي الشحم والزيت اللي علي هدومي ده أنا نزيه وروش‏..‏ وأحرف من أبو تريكة في الكورة وكمان نفسي ألعب في برشلونة وأوصل العالمية زي أحمد زويل كده ولما أرجع من بره أعمل مدرسة كورة فيها ملعب نجيلة بعزبة خير تبقي كبيرة وأجيب ملابس كورة للعيال الصغيرين‏..‏ يعني بالضبط زي المدرسة اللي عملها أحمد زويل‏.‏
سألته عن سبب معرفته بأكاديمية أحمد زويل فأجاب وهو يهز رأسه ويعقد حاجبيه علي طريقة أبو العربي‏..‏ يا أستاذ مانا قلتلك ما يغركشي الشحم أنا بروح المدرسة وبقرأ الجرنان لأبويا كل يوم الصبح‏..‏ وبعدين أكاديمية من مدرسة مافرقتشي
بادرته السؤال وليه عايز ترجع عزبة خير الله لما توصل للعالمية يا بلية؟ فأجاب يعني يبقي عيب أوي أسيب العزبة بايظة كده‏..‏ أنا مولود هنا والناس اللي مربياني ليها حق عليا‏,‏ هارجع وأجيب لأخويا توك توك وأودي أبويا وأمي الحج‏,‏ واصلح البيوت اللي في الشارع كلها‏..‏ بس ها خللي المدرسة من الساعة‏12‏ الظهر علشان العيال يروحوا وهما فايقين وهاخللي كل مدرسة فيها تعليم صنعة اللي يطلع نجار واللي يطلع نقاش واللي يطلع ميكانيكي علشان يبقي معاهم صنعة زيي‏.‏
ما بتتكسفش من إنك ميكانيكي لما بتروح المدرسة يا بلية؟‏!‏
ضحك وأجاب‏..‏ لأ طبعا‏,‏ الحال من بعضه يا برنس‏,‏ لأ ده أنا أحسن واحد في الفصل لأني الوحيد اللي بيقدر يلعب في السايبر يوم الجمعة لأني باشتغل وبدفع من عرق جبيني‏.‏


إضافة تعليق

البيانات مطلوبة

اسمك
*


بريد الالكترونى *
البريد الالكتروني غير صحيح

عنوان التعليق *


تعليق
*