إياكي تبكي

يا أماي

صرخة صوتك ياأماي أصعب من حافة السكين اللي نحروا بيه رقبتي وهم فاكرني هطاطي ليهم والين
في اللحظة دي لو تعرفي يا اماي أنا كنت إزاي وفين
كنت متشال علي جناح الملايكة ومرمي في حضن الحنين
إياكي يا اماي تفتكري إني كنت زعلان أو حزين
ولاكنت يا اماي مرتجف أو ركبي من الخوف مخلعين
أنا كنت ساعتها يا اماي أقوي من شايل السكين
كنت شايف إزاي جواهم من الخوف مرعوبين
صوت البحر كان ورانا يا اماي كترتيل المسبحيين
شفنا بقلوبنا يا اماي جمال بكانا الي ليه رايحين
ساعتها ماحسيناش بشيء اللي واحنا في السما طايرين
من فوق شوفنا دمانا بتغسل مية البحر من الشين
اللي عملوه لما مشوا ورا إبليس وصاروا ليه تابعين
شفنا يا امأاي جواهم خرب بترقص فيها الشياطين
شوفنا خزيهم وعارهم ووشوشهم ملطخة بالطين
وصوت من السما بينده ويقول الويل الويل للظالمين
لو كنتي عايزه تبكي يا اماي ابكي علي الهالكين
اللي بعيون روحنا شفناهم علي وين رايحين
اخرتهم يا اماي في جهنم تفلق القلب نصين
جففي دموعي يا اماي واتحزمي بعاقبة الصابرين
وما تفكري في شيء غير اللي وعدنا به رب العالمين
انتي عارفاه صح يا اماي لكن دموع الفراق بتزغلل العين
ارتاحي يا اماي وهدي القلب إحنا سبقنا وغيرنا في الطريق جايين
هو فيه غير ده يا اماي طريق الكل فيه سايرين
لاجل مايوصلوا ديارهم وهناك يلتقوا بالمحبين
ليه بقي تحزني يا اماي وتحزني معاكتي الباقيين
الحزن ماهواش لينا يا اماي وانت ست العارفين
سامعك بتقولي اياك عايزني افرح بعيد عنك يانن العين
والناس تقول اياك اتخبلت في عقلها وصارت من المجانين
لأ يا اماي عايزك تفرحي وتكحلي بالصبر رموش العين
إنتي كنتي تطولي يا اماي إبنك يصبح مع الشهدا والقديسين
صدقيني يا اماي نسيم البحر كان ريحة بخور شوربة أبونا ميخائيل
أصبري يا اماي واتمسكي بالوعد حتي نلتقي في يوم الدين