لا يا معالى الرئيس

فرقت مع سيادتك
لو كنت شاورتنى أنا كنت نبهتك
وقولتلك القانون مفيش مزايدة عليه
وأنا حبيبك وطبعا أحب مصلحتك
...
وكنت أقولك سيادتك قدوة قدامى
وحضرتك فى البلد صاحب مقام سامى
لازم تكون زينا محافظ على القوانين
وياريت سيادتك تفكر حبة فى كلامى
...
مش عايز أشوف الخصوم ماسكين عليك واحدة
وأتمنى أشوف حضرتك تحكم كمان مدة
وأشوف فى عهدك مكانة وقيمة للقوانين
ومشفش (عتريس) دخل (بفؤادة) فى العدة
...
وياريت كمان حضرتك تتوصى بالدستور
واللى كمان يكتبه قاضى ويكون مشهور
ومش ضرورى يكون على لحيته صقرين
ولا ضرورى يكون إخوانى عايش الدور
وياريت سيادتك كمان متملش للإخوان
وأشوف فى قلبك لنا وللمسيحى مكان
وكمان تقرب لنا عن اللى كان قبلك
وبلاش تكون الملك وابنك يكون سلطان
...
على أى حال أشكرك على قرار معاليك
سلمت للمحكمة ورضيت بحكمها فيك
أثبت أنك عظيم بعظمة القوانين