القارئ عاطف البرديسى يكتب: الله يرحمك يا اما

حاسس إنى أنا اللى مت
مش انتي
وانه قلبى أنا اللى فى التربة
دفناه
الحياة من بعدك
صعبة فى بعدك
من وقت ماسبتى الدنيا الفانية
ورحتى عند ربك
وشفتك يا اماه
وهما بيدخلوكي
قبرك
وانا اتمنيت لو كنت
مت قبلك
ومنتظر اليوم يا اما
اللى ينتهى فيه
الاجل واقابلك
آه من فراقك ياما
ومرارة الأيام
فى بعادك
كل ليلة بدعى لك قبل م انام
وبجيب سيرتك
يمكن اشوفك ف الاحلام
حزنك ياما
مش 3 ايام
حزنك معايا سنين طويلة
حزنك فى القلب
مش هيروح يا اصيلة
يعنى خلاص
ماعاد لى ام اسافر والتقى بيها
ماعاد لى أم اكلمها واتصل بيها
يا مايا
انتى كيان حبه بيجرى فى دمي
وجودك كان سند برمى عليه همي
ااااه يا ما
ياللى فى الغيبوبة كنتي
وكانت النظرة الاخيرة
كأنها حفلة وداع
والدموع فى عيون حبايبك
زى السيل تنزل غزيرة
كنتى زى القمر جميلة
كان نفسى يا امايا اعالجك
لكن ما باليد حيلة
كان صعبان على ياما المك
وعارفك صابرة طول عمرك
سامحينى ياما
غصب غنى مش بايدى
كنت جنبك
حاسس بألمك
بينهش فى جسدك يوجعك
وانا مش قادر انفعك
بس قلبى كان بيتقطع وهو بيسمعك
سامحينى ياما غصب عنى مش بايدي
انى مقدرتش من الموت امنعك
غصب عنى وبإديا أدفنك وأودعك
لكن ده قضاء ربك
يعنى محدش يقدر يرجعك
النهاردة بس يا مايا عرفت فضلك
والدنيا بقت فاضية
وراح صوت الضحكة من بعدك
ياريت يامايا تسامحينى من قلبك
الوداع يامايا
الى اللقاء.. لما يحين الاجل
واقابلك
عاطف البرديسى
الله يرحمك يا اما
الام
الفراق