عصام دويدار يكتب : على درب الخال.. جواب رقم "7"

العامل فى السد العالى
الى زوجتنا فاطمة أحمد عبد الغفار
الكاينه فى جبلاية الفار
............................................
وصلنا جوابك
وشفت الفرحة
بتتنطط فى وشوش عيالك
وكإنى يافطارى
معاكم فرحان علشانك
راح اقولك حاجة
داريتها عليكى بقالها سنين
من يوم ما قربت ألقاكم
حسيت بالعيد
صحيح يافطارى
سنين غايب والقلب وحيد
طب اقولك شى تانى
لولا الجوابات رايحة وجاية
كنت أبقى غريب
مقطوع من شجرة
بدون عياييل
وزوجه وفيه
أكتر من وصف
حبيب ل حبيب
الشوق والغربة وقطر العمر
وطعم الخوف اصعب وأمر
الايد مشتاقة لضمه وحضن
والعين يافطارى راغيه دموع
قد ايه موجوع
ياااااااه كنت تملى بقول جوايا
مفيش حاجة أصعب م الجوع
ولقيت الشوق يافطارى دموع
اسخن من نار قايدة أسبوع
حضرت أحوالى
وبنيت أوضتين
لعزيزة وعيد
ووضبت الاوضة اللى انا فيها
علشان انا وانتى نعيد ونزيد
ونعوض كل سنين الفرقة
بدون مواعيد
راح احط فى كل غرفة سرير
سرير لعزيزه وسرير للواد
وانا وانتى سرير
كان ودى افرشلك
قصر حرير
والفقر ضرير
وفرشت الارض على قدى
سجاد وحصير
وجبت كام كرسى وكنبه
وجوز بوابير
وحوالى 4 لمبات جاز
علشان الليل
راح اقيدهم لما النور يقطع
بكفايه ضليم
دلوقتى كافة شى جاهز
حتى المواعين
بس هاتى معاكى يافطارى
لبس العاييل
وان كان على الهدمه وياكى
هاتى لبس قليل
أنا ناوى أكسيكم على مزاجى
ما انا غبت كتير
حضرى حالك وقوليلى
امتى المواعيد
من اول تذكرة القطر
لحد أخر قيد
أنا هدلى من الفجريه
استناكم فى محطة أسوان
خلى بالك م العاييل
القطر متاهه ولامم ناس
من كل مكان
خليكى حافظه تدلى بس
بالعاييل فى محطة قطر أسوان
وان كان وياكى حاجه يابتى
حرصى عليها وسط الزحمه
الحاجه بتتبخر كيف الدخان
شيعيلى جواب
قبل ما تخطى عتابة الدار
تقفى على شباك الحجز
وتقولى عاوزه اروح اسوان
زوجك الاسطى حراجى
اسوان
الاسطى حراجى
السد العالى
عبد الرحمن الابنودى
بوتين: الاتفاق على إطلاق مفاوضات منطقة للتجارة الحرة مع مصر
بالفيديو.. على جمعة: صنع وبيع مكياج المرأة حلال.. وبيئة التمثيل تحتاج مزيدا من الالتزام
7 لاعبين "رجل جوه ورجل بره" فى الزمالك.. انتهاء إعارة ستانلى وموقفه غامض.. كهربا يكمل الاحتراف والعودة لميت عقبة.. البحث عن عروض لمايوكا.. جمال وفتحى والسعيد وجعفر فى منطقة الخطر والمصير المجهول
"دعارة فى حماية السلطات".. أمستردام تعيد إحياء حى "وولن" لتجارة جنس خالية من استغلال "تجار البشر".. قرض بنكى للتمويل وخطة رعاية صحية للعاهرات.. وجارديان: عمدة المدينة بذل جهود مكثفة لإعادة الحى للأضواء
صفحة الأهلى تحتفل بمباراة الستة بهاشتاج "ذكرى 6-1"
السيسي وعاهل الأردن يبحثان غدا تعزيز التعاون الثنائى وعملية السلام
لا توجد تعليقات على الخبر
لا يوجد المزيد من التعليقات.
اضف تعليق
الأسم
البريد الالكترونى
عنوان التعليق
التعليق
مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع