عصام دويدار يكتب : على درب الخال جواب رقم (6)

بعد الخال
.......................................
من فاطمة أحمد عبد الغفار
الكاينة فى جبلاية الفار
الى زوجنا الغالى
الاسطى حراجى القط
العامل فى السد العالى
........................................
أنا وعيالك عندينا عيد
نفسى تشوف عزيزة وعيد
الفرحه بتخرج منيهم
وطول الليل نازلين طنطيط
وأنا يا حراجى اتلخبط حالى
ولا عارفه إيه اللى جرالى
كان ودى أرقع زغروده
وولدك عيد كان بيقرالى
دموعى نزلت م الفرحة
هو أنا يعنى مش حقى أفرح
كَنى عروسة لابسة الطرحة
طب واللهِ يا حراجى صحيح
حاسه روحى مسابقه الريح
كَن جوابك كان تصريح
لقلبى يتنطط ويصيح
يا أبو القط الشوق غلاب
شىء ولا يوصفه ألف جواب
مهما أنا قولت فى الجوابات
وصف الشوق بقلم كداب
روحت على أم على أبو عباس
أقوليلها تسأله وخلاص
كيف الواحد يقدر يوصل
على أسوان
فجأة لقيتها بتبكى دموع
قولت أستفهم أيه الموضوع
قالت على سافر على مصر
ولاقيتنى ببكى وياها
مخرجتش غير بعد العصر
دورت الحسبة فى راسى
وقولت .............................
أسوان محتاجة ايه غير
قطر.................................
فاكر أول جواب منيك
لما دموعى بلت شباك القطر
إياك فاكر إنى نسيت
دا أنا حافظه الجوابات بالسطر
إبعت قول راح تستنه
فى أى محطه ...................
وأنا جاهزه .................
واقفين بس على قفل
الشنطه ..........................
وناويه أدبحلك كام فروج
على كام بطه ................
وراح أسويلك كام فطيراية
وراح أجيب زلعة مِش معايا
والاجرة خليها وياك
خيرك مالى علينا الدار
وفرها لمصاريفنا هناك
بيقولوا غالية كتير أسوان
.......................................
أبعت رد عليا قوام
أنا من فرحتى خايفة أنام
أصحى يقولوا دا كان أحلام
وكل كلامك جوه جوابك
زيادة شوق خلقت أوهام
............................................
زوجتك فاطمه
........................................
الابنودى
الخال
حراجى
الصعيد
تطبيق "اليوم السابع" الجديد للموبايل.. كل ما تحلم به ..أندرويد و IOS
الزمالك والإسماعيلى "حبايب" فى قمة "ولاد العم"
رعب إخوانى بعد انتقاد ولى ولى العهد السعودى لإعلام الجماعة.. ردود قياداتها المرتبكة تكشف حالة القلق.. يعترفون بقوة العلاقات بين القاهرة والرياض.. وخبراء: تشكل ضغطا جديدا على التنظيم وتحبط محاولاته الخبيثة
"النجوم على أنستجرام".. أحلام "عايزة الدهب".. ناهد السباعى تكشف نهاية "هبة رجل الغراب".. "look" حماقى يحصد الإشادات.. درة كلاسيكية ومذهلة.. وكريم فهمى يبعث رسالة للنجمة يسرا
مكرم محمد أحمد: صفوت الشريف كان من أنشط وزراء الإعلام وأكثرهم إنجازًا
مصادر: فايز السراج غادر أبو ظبي صباح اليوم بعد انتهاء مباحثاته مع حفتر
لا توجد تعليقات على الخبر
لا يوجد المزيد من التعليقات.
اضف تعليق
الأسم
البريد الالكترونى
عنوان التعليق
التعليق
مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع