عبد الرحيم المرشدى يكتب: سينا يا حب لا ينتهى

يا أرض الفيروز ياسينا
على شط قنالك رسيت مراسينا
كل حبة رمل من رمالك..
فيها الحب والأمل يواسينا
يا سينا
أسعد أيامى لما تكونى فرحانة
ما فى أذى يحصل لك يا مرجانة
دا مصير كل عدوينك...
دايما خزى وذل وطرد ومهانة
يا سينا
دم أولادك على جبينك سالْ
كان عطر وحب وامتثالْ
ولا عمرنا نبخل عليكى..
يا أم العيون مليانة خيالْ
يا سينا
لو العمر كله قلت فيك يا سينا
ما كفّى اللى فى قلبى يا زينة
دا اسمك فى القرآن ذُكر...
وحلف باسمك رب العالمينا
يا سينا
المسيح لما آوى ليكى
حطتيه فى نن عنيكى
وعمرك ما بخلت ..
كيف ما خافش أنا عليكى
يا سينا
كل اللى بيعملوه الخونة قذى
حقد وحسد يتمنوا لنا الأذى
بكرة تشوفى بعينيكى..
إنهم رايحين فى داهية هكذا
يا سينا
حبك فى القلب دايما موجود
ما له نهاية ولا تحده حدود
اوعى تفتكرى انك بعيد عنا..
انت بس تشاورى تلاقينا أُسُود
يا سينا