" إنسان "

نزلت الصبح إنهارده على المدرسة اللى بنتخب فيها و رحت أدورعلى لجنتى فوسط اللجان
لاقيتها فاضيه و سهله و جميله لا حد قبلى او بعدى و قاعد فيها 3 مشرفيين ، تصنيفهم ست و رَجُلان
الست مش مُحجبه و اللى جنبها مٌلتحى و الثالث عادى مفيهوش حاجه تُذّكر فى الحسبان
معلش سامحونى لو حوصفهم رغم إن ده ضد دينى، و مبادئى و بتعتبره ظلم لأى إنسان ونوع المهان
بس أنا ليا غرض إنى اعرفكم إن الثلاثه شكلهم مختلف فى اللبس و الطريقه و مفيش حد شبه الثانِ
المهم اول ما دخلت قبلونى كلهم بإبتسامه لطيفه و الست قالت :- أنا شفتك قبل كده فين؟؟.. طب هو إنت ممثل او فنان!؟!
فردِيت عليها بإبتسامة ود و قلت :- لأ خالص انا بنى ادم عادى ساكن حتى هنا و... فقاطعنى الى جنبها و قال رقمك كام اياً كان؟؟
جاوبت بسرعه371، فراح قايل:- تعالى إمضى هنا يا..مصطفى!! ف لقيت الست قاطعتنا وقالت:- صح إنت شبه مصطفى شعبان!!
ضحكت و قلت:- يمكن بس أنا إسمى مصطفى حسن البنا ف مش هوه !! بس انا سمعت الوصف ده قبل كده فى بعض الاحيان..
فجأه لقيت الرجل الملتحى اللى جنبها بيبتسم و بتتهلل أساريره و بيقول :- حسن البنا !! يبقى أنت اكيد من الإخوان!!
ضحكت قوى لما سمعتوه وقلت:- لأ والله و لا ديه كمان!! رغم إنى مَكُنتش عايز ازعله بعد ما ضحك و انا حسه من الاول منى قرفان
فرد الرجل الثالث مقاطعاً:- إيزاى إخوان!! ديه فنان تبقى ارحم! إنتوا مش شايفين علبة السجاير فى إيده..قال إخوان قال!ده يبقى جنان
المهم إنتخبت وعليهم القيت السلام ، وبصيت فى الارض وانا خارج مانع نفسى اقول كلمتين فى قلبى و حيموتوا و يطلعوا للعنان!!
اصل محدش فينا له ذنب او إختار خلقته او مركزه او حتى اهله يبقى ليه بس دايماً نصدق نص الكوبايه الفاضى و نسيب الجزء المليان
ما هى ديه مشكلة مصر كلها و انا واحد منهم برضه ، ليه بنحُكم على بعض بالشكل او اللون او الأسم و سعات حتى بالعنوان!!
يا رب نفهم كلنا إنك مهما طلعت او نزلت كنت ايه ؟؟ او لفبن حتى وصلت!! ، عمرك ما تقدر تنكر خلق ربك اللى بعباده هو الرحمن
يعنى تفتكر اللى عاش محروم او مظلوم فى الدنيا ربك لما يحاسبه فى اخرته و يدخله جنته حيسبوا عايش زى مكان برضه فى حرمان
و البيه المحترم اللى بيتخانق مع خلق الله عشان محدش قاله قبل اسمه يا دكتور او يا استاذ تفتكر برضه حتتنده بيها لما يسألك الملاكان
بس إفتكروا دايماً إننا زينا زى أخوتنا فى الاخر، حندخل نفس القبر ومفيش اى فرق بيننا وفى هذه الدنيا اسماكم الله بكلمة ال إنسان!!
بجد عجبت لك يا زمان،،،