"بدر" بائع الورد فى السويس: "الستات هيا اللى بتطلب والراجل بيحاسب بس"

"خلصت الدراسة ونزلت على الشغل ولأزم أساعد والدى وهقعد فى البيت أعمل ايه" كلمات اكد من خلالها بدر طفل بالسويس 12 عام أنه بالرغم من أنه يدرس ويعمل فى بيع الورد بكورنيش السويس، ولكنه سعيد أنه يقوم بمساعدة أسرته.
ويعتمد بدر خلال بيعة للورد بكورنيش السويس على خفة دمه والحديث بود وبابتسامة لا تفارقه مع رواد الكافتريات لكى يبيع الورد.
وقال بدر، "أنا من سكان منطقة حى الكويت فى السويس ووالدى يعمل فى بيع الأسماك على باب الله ولا يمتلك محل تجارى ولدى عدد من الأشقاء من بينهم فتيات، وكان نفسى اروح نادى والعب بس ربنا عاوز كده ومينفعش نقول غير الحمد لله على كل حال".
وأضاف بدر: "أنا ببيع الورد عشان اساعد اسرتى ومش عيب أنى أشتغل مع الدراسة لأنى مقتنع أن الجلوس فى المنزل مش هيفيدنى بحاجة".
وأكد بدر:" زباينى من السيدات والرجال وفى الغالب الرجالة هيا اللى بتحاسب والسيدات هى اللى بتطلب من الرجل شراء الورد، و90% من الرجال اللذين يشترون الورد مش متجوزين ومن النادر لما اشوف راجل وست متجوزين يشتروا الورد".
موضوعات متعلقة..
- بالصور..بائع زهور ببنى سويف:"الورد قل لارتفاع سعره والإقبال ضعيف"