«متقوليش هاردلك».. عمرو أديب يوجه رسائل خاصة ل أحمد شوبير

وجه الإعلامي عمرو أديب، رسالة خاصة إلى أحمد شوبير، نجم النادي الأهلي الأسبق.
وقال عمرو أديب، في تصريحات تلفزيونية عبر فضائية «ام بي سي مصر»: «أول امبارح لقيت على الموبايل بتاعي رسالة من كابتن أحمد شوبير، عشان الناس مبتفهمش بس أحمد شوبير احنا أصحاب، فلقيته باعتلي رسالة بيقولي هاردلك يا عمرو انا مش عارف كام مرة هضطر ابعتلك هاردلك».
وأضاف: «طبعا أحمد، وبيهديني مش قاصد يحفل عليا ولا يزعجني أحمد طيب جميل يعني.. وبعدين لما تجيلك الحكاية من أحمد شوبير فانت جايلك من مصدر رسمي يعني أهلاوي».
وتابع: «أنا بس رسالة أحمد شوبير، دي فوقتني على حكاية مهمة هو المفروض ميقوليش أنا هاردلك، لأن تخيلوا الزمالك مالوش هاردلك، مفروض بيراميدز اللي يتقاله هاردلك»
وواصل: «يا أحمد إنت بتقولي أنا هاردلك على إيه، احنا ولا حاجة احنا معلمناش حاجة، الهاردلك دي تروح لبيراميدز ناس فرق نقتطين مستنين الحكم، هو ده الهاردلك، إنما نحن لم نفعل شئ نادي الزمالك، حتي يا أحمد هاردلك دي كتير يا أخي وكرم منك احنا معلمناش حاجة احنا بنتعثر».
وأتم: «ألف مبروك للأهلي ويا أحمد متقوليش هاردلك، انت حبيبي يا أحمد».