"خليك بالبيت" شعار إضراب 6 أبريل

أعلنت مجموعة من القوى السياسية شملت (حزب العمل المصرى- حركة كفاية - الإخوان المسلمين - حزب الكرامة - حزب الوسط - حركة موظفى الضرائب العقارية - عمال غزل المحلة - حركة إداريى وعمال القطاع التعليمى - نقابة المحامين - حركة أستاذه الجامعات) عن تنظيم إضراب عام يشمل أنحاء مصر بالكامل، وذلك يوم 6 أبريل تحت شعار "خليك قاعد فى البيت أو شاركنا الإضراب فى الميادين العامة".
خاطب منظمو الإضراب المواطنين بلغة عامية، لأول مرة فى بيان يعتبر رسمياً، حتى يجذبوهم للحملة، فمثلا جاءت الدعوة إلى الإضراب شاملة شعارات وعبارات مثل: "أوعى تنزل لكن شاركنا، ماتروحشى الشغل، ماتروحشى الجامعة، ماتروحشى المدرسة، ماتفتحشى المحل".
ولخص الإضراب المطالب العامة للشعب والذين يرغبون فى تنفيذها بأسلوب سلمى وحضارى مثل: "عايزين مرتبات تعيشنا، عايزين نشتغل، عايزين تعليم لأولادنا، عايزين مواصلات آدمية، عايزين مستشفيات تعالجنا، عايزين قضاء منصف، عايزين أمن وأمان، عايزين حرية وكرامة، عايزين شقق للعرسان".
كما لخص الداعون للإضراب ما يرفضونه قائلين: "مش عايزين رفع أسعار، مش عايزين محسوبية، مش عايزين ظباط بلطجية ولا تعذيب فى الأقسام".
وحمل البيان فى ختامه رجاء وطلباً بنشر الدعوة كالآتى: "قول لأصاحبك مايروحوش الشغل همه كمان وخليهم يدخلوا الإضراب، أبعت رسايل لخمسة من أصحابك، ولو كل واحد بعت لخمسة فى ظرف يومين البلد كلها حتعرف، بالموبايل، بالأرضي، بالإيميلات، أو حتى رسايل عالشات فى قنوات التليفزيون
أنسخوا رسالتنا وأبعتوها تعليق على كل المقالات إلى بتقروها.. بيكوا وبينا البلد دى حتتغير إن شاء الله.