ياورده الحب اللى فينا اطرحى بوسى خدودنا فرحينا وافرحى وان مرة جه إبليس يغازل سكتك اقفلى بابك فى وشه.. وف وشوشنا افتحى وعجبى الحب حاجه دايما بتيجى دايما بتيجى من غير سبب ويّا تشوف حاجات كتير ليها العجب تحب ناره تهوى مراره ويّا الحبيب يحلى التعب وعجبى لو فى يوم تقدر تقول كلمة بحبك متخبيهاش عمر اللى يكتمها فى قلبه لحظه حلوه فى عمره عاش قولها للدنيا بصوت عالى وجرئ كفايه انت تحسه.. حتى لو غيرك محسهاش وعجبى قالوا زمان الموج غريق رديت أنا قده واللى يخاف خليه بعيد خليه على قده بس الجميل لما برمشه رمانى طلبت أنا وده وعجبى الحب خمره بتسكرك تاخد قلوب تمشى فى سكه تلاقى قلبك بكلمه حلوه قوام يدوب وتلاقى قلبك يتخطف وكأنه لعبه فى إيد فتاة حلوة لعوب وعجبى بيوصفوك يا حب قالوا عليك عذاب قولت أجرب التقيت قلبى فى حبيبى داب وأما مرة عن عيونى حب عمرى غاب قولت اااااااااااااااااه وبايديه كتبت ليه مليون جواب وعجبى
