نفسي أقول كل الكلام

نفسى أقول كل الكلام
فى كلمة واحدة
نفسى احبك بس حب
واحدة واحدة
نفسى اضمك جوة حضني
مرة واحدة
هى مرة بس طولها
بالعمر اللى عدا
هو حضن بيدفى
الكون بشدة
هو اللى قالوا علية زمان
هو اللى فى المعجم
معنى الحنان
هو اللى يترجم
حب بجنان
هو اللى يتضحى عشانه
هو اللى يتغنى و يتلحن
الحان تبان
صوت مالطبيعة
مش مالبشر أصل البشر انسان
نظرة بعنيكى لخبطت كل اللى كان
دورت عندى الثوابت
غيرت كيميا الزمان
شقلبت كل المراحل
طلْعت الشمس بحقيقة
و الغروب يبكى بحنان
كل كلمة كانت بريئة
قولتها و هقول كمان
نفسى أقول كلمة بحبك
أصلى أول مرة أحس
احس اية معنى الامان
هو احساسى بقربك
غير الابعاد كمان
قُرب يعنى اكون فى حضنك
قُرب يعنى ادُوب فى حبك
قُرب يعنى نبقى واحد
أصلى واحد من زمان
من زمن عدى و ولّا
من زمن كنا بشر
و القلوب فيها حنان
و القلوب تعشق بشدة
و اللى كان فى القلب قولتة
و اللى كان عندى عرفتة
لو تقولى كلمة واحدة
تحيى عمر ... كنت فاكرة انتهي
آآآآآآه من زمان