بتسألينى فيك أيه؟

متغير وحالك حال
فين كمان حبك
ولا نساك الزمان
ما أنا اللى قلت لك بحبك
وقت الكلام ما كان
شمعة تحرق وريدى
وقلبى من الهوى دبلان
نسيتى ليه حبى؟
قلتهالك فِ كل أذان
بقيتى شمسى وضلى
محيتى كل ظلام
ملكت الدنيا بعيونك
كتبت لك 100 موال
ناديت الصبر علشانك
يمكن أكون غلطان
يا ترى فاكرة حنانى
ولا نسيتى كمان
عشق قلبى لهواكِ
سافرت معاكِ بكل مكان
لاقيت الصد عنوانك
غلقتى كل حوار
نسيتى نظرات عنيه
وحضنى ليكِ فِ كل مكان
حروفى كتبتهالك سطرها الزمان
خوفى منك خلانى جبان
لسه حبى عايش فِ قلبى
متمدد مالى الكيان
صورتك محفورة فِ عنيه
شايلها جوايا كمان
رموشى ساكنها قلبك
ولا غيرك يلمس الحنان
تمنيتك تكونى الحياة
ولحظة دفا متغربة.. متبعترة
تاخدنى من نفسى أكون ليكِ
ألمس الصبر فِ رحلتى
تبقى زادى فِ غربتى
معاكِ تبقى الحياة
نار ... ونور
نار بعدك بتكوينى
نور قربك تملك حنينى
سألت عنك كل الوشوش
فِ الشوارع فِ الحوارى
بين السطور كتبت لك كلام
هز نبض الورق
حرك شوقى اللى اتحرق
سكنتى كل الحروف
حتى اسمى تاهت معانيه
كتبتك انتِ...أيوه انتِ
فوق سطورى معاكِ تحلى الحياة