ما حدش يقول إنه مات

نجم عايش فى البيوت
فى الحارات
نجم كرباج الشعب
يصحى الضمير لو مات
نجم فكرة وتاريخ وثورة
وعدو اللى خلَّى الفقير شحات
نجم أول من كسر
فى صدور الولاد
الخوف والسُكات
نجم اللى عاش القهر
فى عهد ناصر
مات عليه يوم ما مات
نجم أشهر سيفه
فى وش الأُسود
وشلة البهوات
نجم اللى خلى إمام
من شعره يقول صرخات
نجم عايش جوانا
برحلة نضاله
وغزل الكلمات
ما حدش يقول إنه مات
نجم صانع بهجته
رغم عمر الفرح بعمره
كان ساعات
نجم كانت دمعته
ع الوطن والفقر
حقيقة مش شعارات
رغم عضلاته المعدومة
كان جرئ فى كلمته
وحددته لمفتول العضلات
أسد فى محنته
رسالته فى رحلته
جيل الغد يبقى
أفضل م اللى فات
نجم فى سكته
عَلم أجيال
الشعر والوطنية
ومعنى الثبات
ما حدش يقول إنه مات