مواهب أدبية :نهاية الظلم للشاعر محمود فاضل

موهبة شعرية تسطع فى سماء الشعر العربى .. يعشق الشعر من الصغر يكتب فى مختلف ألوان الشعر ..
كتب العديد من القصائد التى هزت المشاعر .. سمعنا عنه من المواطنين والمحبين له عندما سمعوا وشاهدوا كتاباته على صفحته على الفيس بوك . إنه ابن النيل كما لقبه الناس ويحب أن يطلق عليه هو محمود إبراهيم فاضل وإليكم قصيدته (نهاية الظلم )
يابن ادم خلى بالك فيه قلوب زى الحجارة_
ناس فى ايديها المهالك والوشوش زى الستارة
عايشين فى الحياة بوشين والنفوس دايما امارة
ماتأثرش فيهم موجة وايديهم دايما جبارة
نسيو إن الله جبار وان عنده جنة ونار
وانه قادر على التغيير وانه عالم الأسرار
كانوا عايشين فى الحياة
ما يعرفوش حاجة عن الآه
كانوا عايشين في النعيم
ومقضينها تقسيم
سرقوا قوت غلابة كتير
اخدوا اللقمة من اليتيم
قالوا إن الدنيا لينا
اضطهدوا أحباب نبينا
ولما المال العام اتباع
كانوا واخدينها دراع
ولما صوت الحق فاع
فكرونا قطيع رعاع
جابوا الديابة حوالبنا
وبعصيانهم هاجوا علينا
ضربونا وعذبونا
وفرجوا الشعوب علينا
لكن صوت الحق عالي
والحياة هتهون علينا
قلوبنا مليانة إيمان
اتجمعنا في الميدان
وبإرادة الرحمن
رفعنا راية العصيان
ضربونا بالقنابل المسيلة للدموع
قلنا لا يمكن نعيش
فى المهانة والخضوع
مستحيل بعد التجمع
وفجأة بعتوا لنا ناس
قالوا لنا طلباتكوا ايه
قولناهم طلب مشروع
لكن اعترضوا عليه
فضلنا واقفين باستموات
حوطوا جميع الجهات
قلنا لازم تحاسبوا
الظلمة للمظلومين
ع اللى فات
داسوا علينا فى حاجات كتييييير
عيشونا فى زل كبير
حاسبوهم عن المصايب
ولا خلاص مات الضمير
داسوا علينا بالعربيات
اسألوا كم واحد مات
وفجأة جت دبابات
جت امنتنا من سكات
لقيت خير أجناد الجنة فى المكان
بيأمنوه ما بيناموش بالليل
عشانا وبإيديهم نظفوه
هو دا جيشنا وحالفين بالعظيم
ما هايخونوه
هايقبضوا على كل فاسد
وللعدالة هايقدموه
مش هايموت دم الشهيد
واللى ظلم مش هايرحموه