وصية قلب

ى فى آخر نبضه. . يفضل قلبك صاين وده
قلبى بحبك كان بيعيش. .. بس الباقى أيام ينعدوا
وتبقى لغيرى ملك الإيد. . تبقى الماضى وحلم بعيد. . وتنطفى شمعة حبى أكيد
وصية قلبى فى آخر نبضه
قلبك بعدى بابه يرده
*******
حكم الأهل علينا حايمشى!.. يعنى حاتسكن غيرك عشى!
وإنتى فى ذاتى ساكنة سنين. .. إزاى قمرى فى يوم مايبانشى؟
حكموا بقسوة نبقى بعاد. . تصير أوراق قصتنا رماد. . بس إن جه للبعد ميعاد
وصية قلبى فى آخر نبضه
قلبك بعدى بابه يرده
*******
عيشى على ذكرى حبى لوحده. . قلبى إدالك أغلى ماعنده
حتى إن كنتى لغيرى شريك. ..كونى فى ليله قمر لوشاهده
من غير روح من غير أحاسيس.. كونى بنورك ضى ونيس..كونى فى وحدة ليله أنيس
وصية قلبى فى آخر نبضه
قلبك بعدى بابه يرده
*******
قلبين ياما غنوا وضحكوا.. فى الإحساس والنبض إتشاركوا
ياللى حكمتوا بموت قلبين. .. ليه ع الفرقة كان إصراركوا؟!
زهرة حبنا ليها سنين. . عايشة فى بستان العاشقين. . تقطفوا عودها فى غمضة عين؟ !
قبل ماتوب الفرحة وورده
يحلى فى عينك وأتنسى بعده
وصية قلبى فى آخر نبضه
يفضل قلبك صاين وده
**************