نجلاء خليل تكتب : الله عليكي

قلبي مش بينبض الا ليكي
بس بحلم
اني ضي في نور عينيكي
انتي حاسه
ولا فاكرة
اني زي أي حد قالك انه حبك
حاسه بيا
ولا غمضتي عينيكي
فكري
حسي
اللي بيا
واللي بتخبيه عينيا
وتفضحة لمسه ايديكي
الله عليا في حضن قلبك
الله عليكي
اوعي يوم تقولي تاني
ان انتي مقصرة في عطف قلبك
انتي جنبي
يكفيني حبك
حسي بيا
وفرحني بضحتك
دا أنا قلبي حبك
قبل ماتتولد
نظرة عينيكي
الله علي احساسي ده
اللي انا حاسه بيكي
الله عليا ياقمر
الله عليكي
بهديها ليكي
كل كلمة حروفها طايرة
ورايحة ليكي
قلبي بيحتويكي
وكل بسمه فوق شفايفي
بهديها ليكي
الله علي لحظة صفا بعيشها فيكي
الله عليا وانا كده الله عليكي
حتتقولي ايه
سكت الكلام
لما قلوبنا اتكلمت ورمت سلام
وانت بكل مافيكي كده
شايله الغنا والابتسام
وقلبك الصافي انا
غنيت له احلي كلام
الله عليكي
ياحلمي الراكب حصانه وجي ليكي
بيحضن الريح اللي شايله حبي ليكي
الله عليا ياقمر الله عليكي
ايوة انا فارس
وعشت العمر كله ادور عليكي
عمري اللي لسه بيحس بدفا وانا جي ليكي
وشايل قلبي علي جناح القمر
وبلفه ليكي
الله علي قلبي وهو بين ايديك
الله عليا الله عليكي
تعرفي
قلبي كده
أخضر
زي الوليد
كنت شايل فرحته
مستني عيد
لما شفتك
لاقيته خارج
من بين ضلوعي
بيرتعش
فرحان سعيد
انه هنا في حضن قلبك
ياهوي ياربيع ياعيد
الله عليا وانا كده الله عليكي
استني بس
متهربيش
انت اللي زيك
يتنسي
لا مايتنسيش
انت اللي قلبك مطرحه جنه وزهور
وانا بعشقك فرحه ونور
ياللي في قلبك فرحتي وهنا وسرور
وانا برده زي ماقلت لك
مهما تثوري وتغضبي
انا مش حاثور
الله عليكي وانتي كده
الله عليا بعشقك الله عليكي