موسم "بياع الأعلام" من ماتشات الأهلى والزمالك..ل"الإخوان والجيش"

عشرات الأعلام تنتشر فى أرجاء المكان تأخذك إلى عالم آخر، تشعر فيه أنك داخل أحد مقرات الاجتماعات الدولية مع هذا الكم من أعلام الدول العربية والأجنبية، لتستفيق لتجد نفسك بميدان العتبة، بالقرب من مسرح الطليعة، حيث توجد هذه الأعلام داخل فرشة كبيرة لبيع الأعلام.
داخل الفرشة وقف محمد عبده أحد الباعة بالكشك يحيط به عدد من الأعلام تتباين فى أشكالها وتصميماتها المختلفة التى تحمل ورائها رمزا لدولة ما أو نادى معين، يقول محمد لليوم السابع "إحنا تانى بياعين جملة أعلام فى مصر، فى ناس كتيرة بتشترى مننا، دا غير أن فى شخصيات كبيرة فى البلد كمان كانت بتشترى مننا لما بتكون عاملة مؤتمرات أوى أى حاجة، دا غير الأجانب اللى بيجوا علشان ياخدوا أعلام بلادهم.
مباراة الأهلى والزمالك كانت تعتبر الموسم بالنسبة "لمحمد" لكن الحال بعد الثورة قد انقلب، فأصبحت الثورات هى الموسم بالنسبة له وخاصة بعد انتشار ثقافة الأعلام داخل المظاهرات "زمان كنا بنستنى ماتشات الكورة، لكن دلوقتى المظهرات هى اللى بنبيع فيها أكتر، بس ربنا يسترها ويهدى حال البلد، أحنا عاوزين البلد تبقى هادية ومش مهم بيع".
ولا يقتصر بيع محمد فقط على الأعلام بل يتجاوز ذلك إلى أعلام الدول وأعلام الأندية، والأعلام الخاصة بالشركات بالإضافة إلى الكئوس الكروية والميداليات والتى تنفذ حسب الطلب ".
الأعلام تنقسم إلى نوعين كما يقول محمد منها ما هو جاهز مطبوع يتم استيراده من الخارج ولا يتجاوز ثمن العلم الكبير ال30 جنيها، إلا أنه يكون خفيف وسريع التعرض للتلف، أما العلم التفصيل فيتم صناعته فى ورشة تابعة لهم، حيث تتراوح أسعار المتر تفصيل ب75 جنيها، أما المتران فأسعارهم تصل إلى 130 جنيها.
"أحنا بنعمل كل الأعلام وكل المقاسات فى الورشة عندنا بداية من العلم الصغير أبو جنيه لحد العلم الكبير ال2 متر، دا غير أعلام المدارس، والعلم أبو سارية اللى بيتحط فى المؤتمرات.
فرشة محمد تحتوى على جميع أعلام الدول إلا علم دولة إسرائيل الذى قرر التوقف عن بيعه نتيجة قيامه بعمل حوار صحفى " إنا ببيع كل الأعلام، وكنت ببيع علم إسرائيل بس جات واحدة صحفية هنا وعملت معانا موضوع بس للأسف نزلت العنوان بتاعه " محمد يبيع أعلام إسرائيل" إحنا بنبيع هنا كل الأعلام لكل الدول، وبعدين دى مرة واحدة اللى أنا بعت فيها العلم ده، وبعدين أنا لو ببيعه لأى دولة ب100 جنيه مثلا، هبيعه لإسرائيل ب300 أو 400 جنيه"، مشيرا إلى أن أكثر الأعلام مبيعا حالية، هى علم مصر وعلم محافظة القاهرة نتيجة دخول المدارس.