لميس الحديدي تكشف لأول مرة أسرارها وقصة زواجها من عمرو أديب (فيديو)

قالت الإعلامية لميس الحديدي: "حلقاتي مع الأستاذ محمد حسنين هيكل هي الأهم خلال مسيرتي المهنية، وفي أول حوار معه كنت مرعوبة وبحس بالاحترام والرهبة لو قدام مواطن عادي قاعد قدامي خاصة لم أستضيف ست عندها أزمة حياة".

تهديد لميس الحديدي بالقتل
وأضافت خلال لقائها ببرنامج "منا وفينا" الذي تقدمه هبة حيدري بقناة "المشهد": "كنت مهددة بالقتل خلال فترة حكم الإخوان وكانت إنسانيا صعبة جدا، ولو مر الزمن وعاد كنت هاعمل نفس الشيء ونفس القرارات، لإني كنت حاسة إني بساهم في انقاذ وطن وروح مصر، ومكنتش قادرة أتحمل روح مصر بتتخطف وجماعة الإخوان كانت هتخطف روح مصر".
لميس الحديدي، فيتو
شعارات جماعة الإخوان ضد لميس الحديدي
وتابعت لميس الحديدي: "في تجمعات رابعة والنهضة كانوا بيهددوني بالقتل ويقولوا يا مرسى ادينا إشارة نجيلك لميس في شيكارة، بس مكنتش خايفة وفيه حاجة كانت مقوياني بشكل غير طبيعي، انا ست بخاف من المرض والضعف وعلى ابني وأسرتي وأخاف أفقد أي حد وأخاف أقع لكن في الشغل والمواجهة مبخافش وقدام الكاميرا تنتابني قوة رهيبة".
وأكملت: "لما حاصروا مدينة الإنتاج الإعلامي كسروا العربيات بحثا عني وكان فيه بنت شبهي ضربوها وكسروا العربية عليها، لإني كنت مسببة لهم إزعاج".

الإعلامية لميس الحديدي، فيتو
أين اختفت لميس الحديدي وعمرو أديب وقت حصارهما؟
ولفتت: "وقت تهديدي بالقتل تركت البيت أنا وعمرو أديب وإبني راح مع صديقتي نيرفانا للساحل الشمالي قلت لها خدي ابني نور واجري بيه علي الساحل لإني مش هبقى قاعدة قلقانة وخايفة وانتقلنا لمدينة الإنتاج الإعلامي".

كواليس ضرب لميس الحديدي في أمام الكاتدرائية
وأشارت: "موقف ضربي في الشارع أمام الكاتدرائية بعد الثورة بسنة كان فيه إرهاب وضرب الكنائس كتير والكاتدرائية المرقسية اتفجرت بمنتحر إرهابي وانا كالعادة اخدت الكاميرا ونزلت لإن انا بنت الأرض وكان معايا زمايلي وشوفت الزحمة وفجأة لقيت نفسي في دائرة مرعبة عاملة زي الدوامة مش عارف اخرج منها وكان على رقبتي اسكارف كانوا بيخنقوني بيها ويقولولي احنا هنموتك مش انتي ضد الإخوان، فيه 3 شباب مصريين هما اللي انقذوني وخدوني في عربية انا معرفهاش وروحت معاهم ووصلوني البيت، في وقت جماعة الإخوان والتابعين ليها واقفين بيحاولوا يزودوا الشعور بالإرهاب، والضرب اللي اتعرضت له كان بنية القتل".

لميس الحديدي تكشف كواليس النشأة
ولفتت لميس الحديدي: "والدي كان عضو مجمع لغة عربية وأستاذ جامعي ربا أجيال، هو اللي علمني أنطق اللغة العربية سليمة ولا أخطئ في النحو وأن أقرأ الشعر، وأعطى لي أول كتاب في حياتي وفي بيتنا كنت أرى الكتاب والشعراء وتربيت في بيت كله مكتبة، والدي كان رجل استثنائي وحنون جدا ولما تعب في الأول كنت بهرب حزنا عليه ولما فقدته حسيت ان ضهري انكسر، بس انا رسالتي له دلوقتي انا بقيت البنت اللى انت نفسك فيها مشوفتنيش وانا ناجحة بس انت كنت عارف".

لميس الحديدي تكشف كواليس إصابتها بالسرطان قبل 10 سنوات وموقف عمرو أديب (فيديو)
أخفيت الخبر حتى عن ابني، لميس الحديدي تتحدث عن إصابتها بالسرطان قبل 10 سنوات
قصة لميس الحديدي وعمرو أديب
وأشارت: "عمرو دياب خبط على بابي كتير قبل الجواز، واحنا بدأنا مع بعض صحفيين وكنا زملاء، كان عندي طموح جامح وكل لما يجيلي عريس هو يطفشه رغم اننا مكنش مندمجين وكان بيقعد يلعب في دماغي ويقولي مش مناسب، قبل ما اتجوزه كنت مخطوبة وبعدين فشخت خطوبتي وهو كان متزوج، وفي الأول كنت شايفة دمه تقيل وبعدين لما عرفني بقى دمه خفيف، ولما قربنا في الشغل من بعض قاللي علي فكرة هاتجوزك وقعد سنة يقنع أبويا بعد لما طفشلي العرسان، لو كنت بقابل عريس في مكان أخرج من اللقاء الاقيه واقف تحت البيت بيطفش العريس ويلعب في دماغي ويقولي ماغه تقلي وش هيخليكي تشتغلي، وفضل يتسلل لقلبي لحد لما حبيته ووافقت اتجوزه".

وتابعت: "بيتنا عادي جدا وعمرو أديب له مواعيد مظبوطة في الأكل، والحياة فيها سيستم، وكأسرة عادية طبيعية فيها كل الحاجات الطبيعية لكن احنا الاتنين عبارة عن شبكة اخبار متنقلة وعلطول عندنا حكايات طول اليوم فيه أكشن، عندنا في حياتنا مشاكل وحاجات حلوة زي أي بيت، بس انا كلمتي اللي بتمشي في البيت سواء في الأمور الكبيرة أو الصغيرة بس هو لازم استشيره واعمل اللي في دماغي، انا اجتماعية اكتر منه، هو بيحب يقفل علي نفسه ويخلص شغل يبقى في البيت وبنخرج بالعافية مع بعض".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.