لميس الحديدي تكشف كواليس إصابتها بالسرطان قبل 10 سنوات وموقف عمرو أديب (فيديو)

لميس الحديدي، كشفت الإعلامية لميس الحديدي، لأول مرة عن سر من أسرارها التي لم تكشفها من قبل للإعلام، والمتعلق بتفاصيل وكواليس إصابتها بالمرض اللعين.
لميس الحديدي تكشف سبب إخفائها إصابتها بمرض السرطان
وأكدت لميس الحديدي خلال لقائها ببرنامج "منا وفينا" الذي تقدمه هبة حيدري بقناة "المشهد": "أخفيت إصابتي ب السرطان لإن مش لازم الناس تعرف، المرض جالي من 10 سنين تقريبا والوجع يخصني وبخاف حد يقول بتاجر بحاجة، الوجع يخصني وأنا أخفيته عن ابني لحد لما كبر لإنه كان وقتها في ثانوي".
بكاء لميس الحديدي وتكشف قصة إصابتها بالسرطان، فيتوتفاصيل إصابة لميس الحديدي بمرض السرطان، فيتو
لميس الحديدي: لهذا السبب أخفيت إصابتي بالسرطان
وتابعت: "لما جالي السرطان استخبيت وأنا عندي زرار جوايا اسمه زرار الدليت، بادوس على أي حاجة بحب أنساها، ولو حد ضايقني بعد سنة بانسى وأسامحه ومش بفتكر هو عمل معايا ايه، هو زرار مسح ونسيان بيعمل جوايا تسامح ونفس لإن لو معملتش مسح للوجع مش هكمل".
من وقف مع لميس الحديدي فترة إصابتها بالسرطان؟
ولفتت: "لما عرفت إني مريضة بالسرطان قلت كابوس وهيعدي والحمد لله لو ربنا أعطاني نعمة في حياتي غير ابني فهو أخد بإيدي، واللي وقف معايا في فترة المرض أمي وعمرو أديب وأصحابي وعائلتي القريبين أوي، محدش كان يعرف".
لميس الحديدي تكشف تفاصيل إصابتها بالسرطان، فيتو
لميس الحديدي تبكي على الهواء وتكشف كواليس دعم الأستاذ هيكل لها
وأشارت لميس الحديدي باكية: "أنا مش بحب اتكلم عن إصابتي بمرض السرطان لإني بقول أنا مين، انا مبحسش حد مهم أوي إن الناس تعرف حكاياته لإن الناس عندها مشاكلها وحكاياتها، أمي كانت بتدعيلي وعمرو أديب واصحابي وأولاد عمي كانوا بيجوا جلسة الكيماوي بيعلموا ليا حفلة وانا في عالم تاني وفي اليوم التاني كنت أروح اسجل مع الأستاذ هيكل وهو كان عارف بمرضي لإن هو اللي جابلي الدكتور وأسرته كانت زي عيلتي، أستاذ هيكل كان أبويا التاني في فترة وهو اللي سندني ولما كنت بقع يمسك ايدي ويقولي يلا هتبقى كويسة وهنسجل الحلقات بتاعتنا، ومغبتش ولا يوم عن حلقاتي وهي دي الطاقة اللي كانت جوايا قومي وربنا هينصرك وربنا نصرني وحماني".
لميس الحديدي: رفح من الجانبين أمن قومي مصري
صديقة مقربة من كيت ميدلتون تكشف تطورات علاجها من السرطان
لميس الحديدي تكشف عن الدرس المستفاد من إصابتها بالسرطان
واختتمت لميس الحديدي:"أهم درس اتعلمته خلال إصابتي بالسرطان إن لكل ست لازم الكشف الدوري واللى حماني وربنا أنقذني إني اكتشفت المرض بدري وكنت بعمل فحص عادي، وده درس اتعلمته".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.