اتكلم

تاريخ الحلقة: 2010/1/18
الضيوف:من حلقات سابقة
وزير التضامن/محمد المصيلحى
الفنانة/ يسرا
المطرب/ ايمان البحر درويش واخرين
لقطات من حلقات سابقة
لميس الحديدى: واتكلم معانا مباشرتا من قلب مصر المحروسه القاهرة مدينة الاحداث والحكايات .. نحن امه فى خطر
لميس الحديدى:عندك اعداء ؟
نجيب ساويرس :اللى ملوش اعداء يبقى هفا يعنى
د/مصيلحى :الرغيف دا اللى الناس المفروض تستلمه ب 5 صاغ
لميس الحديدى: امتى يا دكتور ؟
د/مصيلحى :اقصى وقت قى 1
لميس الحديدى:حصل ايه للمصريين يا دكتور؟ لوابن حضرتك على العبارة دى لو اخواتك على العبارة دى ما كنش هيحصل كده؟
جمال مبارك : لوفيه مثلا اهلى وزمالك هيبقابلوا بعض بيضربوا بعض فى الاحزاب وانا مثلا لما اخرج فى حته اقابل عضو فى الحزب الوطنى اتخانق معاه
لميس الحديدى:هل ضايقك الصراع على الكرسى البابوى ؟
البابا شنوده : لو دامت لغيرنا ما وصلت الينا
لميس الحديدى:انت عايز الولاد الصغيرين يسمعوك؟
ايمان البحر درويش : انا مش مطلوب منى انى انا ابقى رجل مراهق
صا ئب عريقات :لن تتغير السياسه الامريكيه بتغير سياسة الحزب الحاكم ولن تتغير
سميحة ايوب :المنصب قد يصنع بطلا بين الاقزام ويضيع المنصب فى يوما وتدوس عليه الاقدام
لميس الحديدى: من بورصة طوكيو الشهيرة .. العاصمة الامريكية .. شارع خان الخليلى .. اتكلم من غزة
لميس الحديدى: مساء الخير النهاردة اخر حلقة من برنامج اتكلم مش عارفه اقولكم ايه يعنى مش هنختفى عن الهوى تماما لكن ان شاء الله هتشوفوانا على قناه مجاورة ايضا على شاشة التليفزيون المصرى الذى اتمسك به كثيرا ويعنى اشعر كل يوم بمزيد من الانتماء له له ولمشاهديه ولكل العاملين فيه هننتقل لمرحله كده مختلفة شويه لمحطة مجاورة قناة لايف حيث سنبدا فى تقديم برنامج جديد هو من قلب مصرفى فبرايرالمقبل واحنا بنعمل الحلقة النهائية من اتكلم كان فيه ناس بتعيط وناس بتضحك مشاعرنا مختلطه لكن اذكر لما اتصلت بالسيد وزير الاعلام سنة 2005 وطلبت اخد ميعاد وجتله وحدد الحقيقة الميعاد بسرعه لم اكن اتوقعها وكان معايا ورقتين قلتله مساء الخير انا اسمى لميس الحديدى انا كنت بشتغل فى الصحافة المكتوبة ثم عملت فى الصحافة الاجنبية تحديدا فى جريدة نيويورك تايمز ثم فى قناة الجزيرة ثم فى سى ام بى سى العربية ثم فى قناة العربية كل دى قنوات شرفت بالعمل فيها وانا جاية عايزة اشتغل فى التليفزيون المصرى عايزة اقدم برنامج قالى عايزة تقدمى برنامج اسمه ايه ؟ قلتله اسمه اتكلم والحقيقة انا لما اخترت اسم البرنامج ده كان عندى احساس اننا نحتاج الى الكلام 2005 كان توقيت مهم جدا هكلمكم عليه لكن ارجع تانى للسيد وزيرالاعلام السيد انس الفقى بصلى كده وفكر شوية وقاللى طيب روحى كده فكرى واكتبى ورقتين تانيين غيرالورقتين الاولانيين وقوليلى بتفكرى فى ايه ؟ ورجعتله بعد يومين والحقيقة يعنى يمكن الناس اللى بتستغربه جدا ان هو قاللى اوكيه نعمل حلقه اول حلقه تسجيل وبعد كده تطلعلى على الهوا انا طبعا اتخضيت يعنى كان شىء بالنسبة لى يخض انا صحفية يعنى بشتغل صحافة مكتوبة اشتغلت فى تليفزيونات عربية كثيرة لكن لكن بالنسبة لى كانت تحدى القناة الاولى التليفزيون المصرى قناة الدولة دى كلها كانت تحديات مريعة لكن لازم اشكره على انه ادانى هذه الفرصه انى انا اكون مع 80 مليون مشاهد وغيرهم اكتر كتير فى العالم العربى اتخانقك كتير جدا اختلفنا كتير جدا يمكن انا اكتر واحدة بختلف واتخانق معاه لكن مقدرش اعدى انه هو فى لحظة من اللحظات او فيه حلقة من الحلقات حجر على رايى او منعنى من شىء يعنى مهم انى انا اقوم بيه كان دايما بينا خلافات لكن على الاقل كان وزير تعرف تكلمه تعرف تتناقش معاه ومازال وزير تعرف تكلمه وتتناقش معاه بقول ده لانى عمرى ما شكرته فى اى مكان لا فى صحافة مكتوبة ولا فى مرئية لكن دا البرنامج اللى هو يعنى وقف جنبه سنده اداله هذه المساحة من الوقت 2005 كانت سنة مهمة جدا انتخابات الرئاسة كان فيها تعديلات الدستوروكنا محتاجين نتكلم وعشان كده اخترنا اسم اتكلم كلان عندنا حالة كبت مكناش بنتكلم فى السياسة قبل كده بهذا الشكل مكناش بنتكلم فى الحريات مكناش بنتكلم فى الاقتصاد مكناش بنتكلم فى اشياء كثيرة حتى الكورة وتحولت الساحة فجاه الى انطلق الكلام وشوفنا ان وقتها محتاجين نجيب جميع الاراء جميع الاشكال واعتقد ان هذا البرنامج طيلة ال4 سنوات استطيع ادعى انه قدر يوسع مساحة الحريه محدش فى الدنيا بيديك حرية على طبق من دهب او طبق من فضة ويقولك خلاص اتفضل الحرية تقتنص تكتسب ولا تمنح اعتقد ان احنا هنا قدرنا الى حد ما ان احنا نوسع مساحة الحرية على شاشة التليفزيون المصرى قالوا فى قيود وفى حاجات وفى ريد لاين وجرين لاين وحاجات كده انا ما بتعاملش بهذه الامور انا جاية من صحافة خاصة من صحافة اجنبية بتعامل مع لا توجد اسقف لحد ما السقف يقع فوق دماغى وتحصل الخناقة وكم كانت من الخناقات خلافات كانت جامدة كان فيه وزرا ما بيرضوش يجولنا كان فيه وزرا بيشتكونا لرئيس الوزرا وكان رئيس الوزرا بيشتكينا فى حتة تانية لكن محدش عمره ما هز الكرسى اللى انا قاعدة عليه ومحدش عمره هز مكانة هذا البرنامج لسبب واحد بس ان البرنامج يحميه مشاهدوه ,
ودى الحقيقة كلمة قالهالى الاستاذ اسامة الشيخ البرنامج يحميه مشاهدوه على ال 4 سنوات دى الحقيقة مكنتش انا كان الاسطاف اللى موجود معايا اسطاف ضخم جدا هقولكم عليه كل شوية لكن لم تكن لميس هى البرنامج ولكن كان هذا الطاقم الضخم جدا من اسطاف اتكلم من المعديين من المخرجين من عامل البوفيه اللى عارف انى انا لازم اشرب نسيكافيه كده علشان اصحح هذه حكايتنا على مدى 4 سنوات عايزين نحكلكم الحكاية بالصور عندنا جبنا تقريبا 200 او اكتر شوية من الضيوف كان فيه ضيوف اتخانقوا ومره كان فيه ضيف هيمشى ةوزى ما بقولكم كان فيه وزرا هيمشوا وفى وزرا بيجيبوا رغيف العيش يعنى عملنا كل الالاعيب نزلنا اسيوط رحنا اليابيان رحنا غزة فى عز الازمة ذهبنا الى واشنطن رحنا اماكن كثيرة وهذه بالصورة حكايتنا وحكاية اتكلم طول ال 4 سنين اول حاجة نتبتدى بيها هى مجموعه من القيادات العالمية والدوليه اتقابلنا معاهم اتقابلنا مع الشيخ سعد الحريرى قبل ان يكون رئيسا للوزراء فى لبنان وكان اول حوارمع هيلارى كلينتون وزيرة الخارجية الامريكية وكان اول حوارلمحطة عربية كانت هيلارى كلينتون وكان طبعا معانا سلام فياض رئيس الوزراء الفلسطينى وتونى بليرووزيرالخارجية البريطانى يعنى هذه انفرادتنا فى اتكلم .
اتكلم مع سعد الحريرى
لميس الحديدى: سعد رفيق الحريرى هل كانت السياسة فى حياتك قدر ولا اختيار؟
سعد الحريرى : اختيارات قليلة ولكن هل كان سعد الحريرى بده يشتغل بالسياسة اكيد لا
لميس الحديدى: العدالة ولاالتار؟يعنى اكيد فى احساس جواك وانت ابن وليس سياسى هنا انا عايزاخد بتار ابويا
سعد الحريرى : صحيح بس التار مش بيتاخد هيك انا اللى عام بقوله انه احنا اخترنا طريق اخترنا الطريق الصعب اخترنا الطريق الحضارى اخترنا الطريق الديمقراطى اخترنا الطريق اللى فيه مبدا
اتكلم مع تونى بلير
لميس الحديدى: جانبا مما يجرى الامرله علاقة بالمستوطنات الاسرائيلية وازالتها ليس كشخص ولكن ممثل للجنة الرباعية لعملية السلام فى الشرق الاوسط كيف يمكن ان تقيم ذلك ؟كيف يمكن جعل الامورتسيربشكل ايسر ؟
تونى بلير :اعتقد ان هذا يمكن ان يكون بطريقتين بان نقول للاسرائيليين اما ان يكون هناك شعب فلسطينى عليه ان لا يعانى هم ليس لهم علاقة بالصواريخ ولابالعنف فعليكم ان توقفوا الشعب الفلسطينى من المعاناة فهذا الامرليس لصالحهم الامرلا يتعلق بالسياسة علينا ان نفتح غزة على العالم الخارجى ولا بد ان نسمع انهم ايضا امامهم افاق المستقبل هم لايريدون العنف ولا التطرف دعونا نبنى مجموعة متوسطة الاراء فى الشعب الفلسطينى الامر الاخر على الجانب الفلسطينى اننا بحاجة لان يكون هناك وحدة فلسطينية
اتكلم مع سلام فياض
لميس الحديدى: من يريد ان يقدم هذه الى حماس لديه مشكلة حماس تقول انا اللى موجودة على الارض ؟
سلام فياض :هذا صحيح ونحن كسلطة وطنية فلسطينية لنا مسئولية قانونية واخلاقية تجاه اهلنا فى قطاع غزة ايضا ولابد من التعامل مع ذلك هذه المواقف السياسيه يعبرعنها هذا موقفنا من الناحية السياسية ولكن اعتقد ان الموضوع لا ينبغى ان يطرح فقط من هذا المنظور لان التوقف عند طرحه من المنظور السياسى لا يغنى ولا يسمن من جوع للمتضررين من اهلينا من قطاع غزة
لميس الحديدى: اه يعنى زى ما انتم شايفين يبدوا ان القضية الفلسطينيه هتكمل معانا شوية فاحنا هنكمل نتابعها نفس الكلام لو قلناه من 10 سنين نفس الكلام اللى هنقوله من 4 سنين او من 3 سنين فى الشان المحلى تقريبا احنا التقينا بتقريبا كل الحكومة الا مثلا 3 وزرا منهم وزيرالاعلام لكن كل الحكومة تقريبا التقينا بيها فيهم وزرا ما كنوش بيحبوا يجولنا تانى وزرا جولنا اكترمن مرة لكن المشكلة ان الحكومة ما اتغيرتش يعنى من 2005 لحد دلوقتى الحكومة تبقى يعنى لم يتغيرمنها الا عدد قليل من الوزراء لكن انا الحقيقة هقف هنا عند 2 من المسئولين وليس من الوزراء هقف امام لان مش هقدراجيب ال 34 وزير فهقف امام 2 من المسئولين المهمين جدا اللى كانوا معانا فى اتكلم السيد صفوت الشريف والسيد جمال مبارك السيد صفوت الشريف هو امين عام الحزب الوطنى الحاكم ورئيس مجلس الشورى والحقيقة ان اهمية حوارنا معاه انه كان عقب حريق مجلس الشورى مباشرة كنا اول ناس نخش نصوربكاميراتنا مع صفوت الشريف الحريق وهوبيتجول معانا فى مجلس الشورى هوالسؤال الحقيقى اللى عندى بس اللى انا مش لقياله اجابه هو حصل ايه لتقريراللجنة ؟ هو عرفنا مين اللى حرق الشورى ؟ ولحد دلوقتى بعد ما صلحنا الشورى معرفناش مين اللى حرق الشورى ؟ نشوف
لقطات من داخل مجلس الشورى
صفوت الشريف: احنا ماشين دلوقتى دا مدخل السادة الاعضاء
لميس الحديدى: دى احدى اللجان يا فندم مش كده ؟
صفوت الشريف: تهدمت لان السقف انهار
لميس الحديدى: كيف شعرصفوت الشريف ربان السفينة وهو يرى الشورى تحترق ؟
صفوت الشريف: حسيت باسى وحزن ويعنى شيىء برغم من انا مريت كثيربالمواقف الصعبة انما عايزة اقولك من اصعب ما شاهدت
لميس الحديدى:السيد صفوت الشريف ما تخلع قبعة الحزب الوطنى كامين عام الحزب الوطنى وتكون فقط رئيس لمجلس الشورى هناك اختلاط
صفوت الشريف: حينما اصعد الى المنصة ال 4 سلالم او ال 5 سلالم دول كل سلمة انا اسقط تماما القبعة الحزب الوطنى الديمقراطى
لميس الحديدى:هل هناك سطوة لرجال الاعمال تحت قبة الشورى؟
صفوت الشريف: لا ولا اسمح به
فاصل
لميس الحديدى:الحوارمع السيد صفوت الشريف يعنى هو شخصية برده لها هيبه فدايما فى الحوارتبقى مستعد للحوارليه استعدادا تاما فى المعلومات لانك لو قلت معلومة غلط ممكن يعملك مشكلة ويصلحك عل الهوا ودا اسوا سيىء يحصل للمذيع ان الضيف يعنى يصلحوا على الهوا فكان حوارنا مع السيد صفوت الشريف كان حوار واحد لكن كان حوار له ثقله فى هذا الوقت السيد جمال مبارك الامين العام المساعد للحزب الوطنى الديمقراطى وامين السياسات كان دا طبعا يعنى فاتحة البرانامج زى ما بيقولوا او اهم دعامة للبرنامج او اهم علامة للبرنامج فى عامه الاول كان اول حوار مع السيد جمال مبارك تليفزيونى مع اتكلم انا اذكر ان انا قدمت مجموعه من الطلبات لكن على ما الاستاذ جمال قرر ان هو يعمل هذا الحوار وابلغونى بذلك طبعا يعنى كان شيىء يعنى يخوف انك انت تبقى قلقان كمذيع او صحفى اول حوار ماذا سيقول كيف ستواجه؟ قلقان برده لكن اعتقد ان هذا الحوار كان ربما مش عايز اقول ربما الاجرا من اجرا الحوارات التى اجراها الاستاذ جمال مبارك احنا عملنا حوارين مع الاستاذ جمال مبارك الاول سنة 2006 والاخركان فى دافوس شرم الشيخ سنة 2008 لكن هذين الحوارين اعتقد من اهم الحوارات للسيد جمال مبارك واهم حوارات برنامج اتكلم على الاطلاق .
اتكلم مع السيد جمال مبارك 2006
لميس الحديدى:استاذ جمال يعنى بصراحة شديدة لو لم تكن جمال حسنى مبارك هل كان ممكن تبقى بالسرعة دى امين للسياسات وامين عام مساعد الحزب الوطنى ؟
جمال مبارك :عايزرد صريح احتمال كبيرلا
لميس الحديدى:انا بحترم ردك وبحترم صراحتك انت قلت فى حوار سابق مع روزاليوسف وقلت ايضا فى المؤتمرات الصحفية اعتقد انى انا سالتك السؤال ده انك ليس لديك النية لترشيح نفسك لرئاسة الجمهورية النية دى لسه موجودة؟ يعنى هل جاب لسه موجودة ؟
جمال مبارك :لا اصلح بس الاجابة شوية
لميس الحديدى:اتفضل
جمال مبارك :انتى واضح انك بتابعى تماما يعنى هو ليس النية او الرغبة
لميس الحديدى: او الرغبة ؟انا مش فاكرة موضوع الرغبة دى دى مهمة جدا
جمال مبارك : قلتها بوضوح فيه انا قلت الكلام دا كتيروانا سعيد ان انتى بتقوليلى انك استمعتى لهذا فى كثيرمن المؤتمرات الصحفية واتسئلت السؤال ده ياشكال كثيرة ولكن فعلا فى الحديث الاخيرالمطول اللى عملته مع روزاليوسف مع الاخ عبد الله كمال فقالى هذا السؤال وقلت الاجابة واضحة واعتقد كان كلامى واضح
لميس الحديدى: لا النية ولا الرغبة ؟
جمال مبارك : دا الل انا قلته وكان كلامى واضح
لميس الحديدى:ولا 2011 ؟
جمال مبارك : ولا 2000 وكام بعد كده مش عارف
جزء من حلقة اخرى مع الاستاذ جمال مبارك 2008
جمال مبارك :البعد التالت ودى يمكن مسئولية كبيرة علينا ومسئولية كبيرة على المجتمع بشكل عام ازاى نستمر نتفاعل مع الراى العام ومع الشباب تحديدا اللى انا بحتك بيهم ونشرحله احنا رايحين لى فين وبنشرحله العالم رايح لفين ونتعامل مع مخاوفة لما بيشوف توجهنا وبيسمع اراء اخرى بيتخوف من هذا التوجه فيه قطاع من الشباب لا زال يعتقد ان التوجه العام اللى احنا ماشين فيه توجه لن يؤدى بيه الى تحقيق احلامهم دورنا اللى مؤمنين بهذا التوجه ان هما يشرحوا بشكل واضح برسالة بسيطة ان احنا على الطريق الصحيح
لميس الحديدى: مره اخرى اذكر ان الحوار الاول كان فى عام 2006 والحوار الثانى كان فى عام 2008 للسيد جمال مبارك البابا شنوده الثالث يعنى قامة دينيه مهة جدا اذا كنت صحفى وعندك طموحات لازم تحاول تلتقى بالبابا شنوده البابا شنوده غير ان هو رجل على راس الكنيسه المصرية لكن له فكر وله راى ورجل سياسى محنك ما اعتقدش هياتى على راس الكينسة المصريه حد فى قامة البابا شنوده الثالث والحقيقة يعنى كمان ان هو شاعر واديب وصحفى مشاغب كده بيشغبك فى الحوارات احنا عملنا 3 حوارات مع البابا شنوده هو شرفنا بهذه الحوارات تقدروا تشوفوا الفروق على مدى السنوات التلاته 2007 و2008 و2009 حوارات مع البابا شنوده التالت اشكره على انه خصنا بهذه الحوارات
فاصل ( لقاء مع البابا شنوده 2007 )
لميس الحديدى: من الاقوى الان هل المتعصبون او يعنى غير المتعصبين ؟
البابا شنوده :هناك اشراف ينفرون من هذا الجوغير ويتحدثون عنه هذا يدل على ان عدم السماحة شىء دخيل على الناس لا يتفق لا مع طباعهم ولا مع نشاتهم البسيطة ولكن المشكلة ان البعض يعتبر ان عدم السماحة دا جزء من الدين نعم ودا امر خطر
(لقاء 2008 )
لميس الحديدى:يعنى لا تظهر وفاء قسطنطين تخرج على اى محطة تليفزيون فى اى جورنال على وسيلة من وسائل الاعلام وتقول هذا الكلام بدلا من كل هذه الاتهامات ان وفاء قتلت وان وفاء محجوزة فى احد الاديرة لاجبارها على البقاء على المسيحيه وان هى مش عايزة تيقى مسيحيه وتبقى مسلمة لماذا لا نقطع الشك ؟
البابا شنوده :انا هقولك حاجة من جهة موضوع قتلت لا يمكن واحد يتكلم عن قتل الا لو كانت هناك جثه تثبت ان فيه قتل لكن قتل وهمى كده دى اول مرة
لميس الحديدى:اذنا وفاء قسطنطين لم تقتل ومازالت على قيد الحياه؟
البابا شنوده : اه طبعا
( لقاء 2009 )
لميس الحديدى:ليه بستشف دايما فى كلام قداستك انك تشعر بشىء من عدم العدل ؟
البابا شنوده :المساله ليست مسالة احساس
لميس الحديدى:امال مسالة ايه يا قداسة البابا ؟
البابا شنوده :انما مسالة الحكم العملى على بعض الاوضاع يعنى مثلا نقول اين وجود الاقباط فى الهيئة الفلانية ؟ لا احد اين وجود الاقباط فى الهيئة الفلانية ؟ لا احد اين وجود الاقباط فى الناحية الفنية؟ قله او ندرة
لميس الحديدى:نسبة وتناسب يا قداسة البابا يعنى 12 مليون برقم قداستك من 80 مليون نسبة وتناسب يعنى ؟
البابا شنوده :لا لا لا خلينا فى النسبة والتناسب هل النسبة والتناسب تحمل صفرلكل شىء ؟ دى تبقى نسبه وتناسب يعنى تيجى فى اى نقابة من النقابات متلقيش اى قبطى فين النسبة والتناسب ؟
لميس الحديدى:انتخابات ؟
البابا شنوده :طب وليه الانتخابات ما بينجحوش القبطى ؟
لميس الحديدى:مش قاصدين يعنى
البابا شنوده :غصب عنهم
فاصل
لميس الحديدى:اكيد مش قاصدين ونسبة وتناسب كان بيقولى دايما اعتقد فى حواراخر يعنى هو احنا اصبحنا اغبيا مثلا ؟ يعنى مستوى الذكاء انخفض علشان كده ما بيخدوناش فى مناصب معينه يعنى البابا شنوده شخصية مثيرة جدا للاهتمام وكمان يعنى الحقيقة يعنى دمه خفيف ولكنه دبلوماسى جدا ولا يرد الا حين يريد ان يرد ويرد بالاجابة التى يريد فقط ان تنقل على لسانه احنا قبلنا شخصيات جدليه كتيرة جدا طوال هذه السنوات ال 4 يعى عددهم ماحنا بنحاول نحصرهم عدد ضخم جدا انا هقف هنا امام شخصيتين فقط المهندس نجيب ساويرس والمهندس احمد عز لا علاقة بين نجيب ساويرس واحمد عز احنا بس بنحاول نضمهم فى سجمنس او يعنى لكن مفيش علاقه بين دا ودا لا محبه ولا عداوة احنا ملناش دعوة بالقصة دى لكن دول من الشخصيات الاكثر اثارة للجدل فى المجتمع المصرى المهندس نجيب اساويرس بارائه القوية جدا بوضوحه رجل لديه من الاعمال امور ضخمة جدا وكان فيه يعنى مره بمشاكل كثيرة مره باعداءات على شركاته فى الجزائر وكان عنده مشكله هنا مع هيئة الرقابة الاداريه والماليه يعنى له حكايات كتيرة جدا لكن واضح قوى صريح فى رده اما المهندس احمدعزفهورجل الاعمال المعروف طبعا وهو ايضا امين تنظيم الحزب الوطنى ويمكن واحد نقول 4 مثلا اكثر 4 مؤثرين واقوياء فى الحزب الوطنى والبعض بيقولك ان هو واحد من اهم 10 فى مصر دلوقتى من حيث القوه والتاثير كان دايما الخلاف بينا لماذا هذا التضارب بين قبعة السياسه وقبعة البزنس يمكن هو دا اللى عامل المشكلة الكبرى اجلارينا مع المهندس نجيب اساويرس حوارين اولهما كان 2006 ودا كانت منه هذه المقاطع اجرينا مع المهندس احمد عز3 حوارات يمكن دا اكتر برنامج اجرى حوارات مع المنهدس احمد عز اعتقد فى 2006 كان على الحديد 2007 كان على الحزب الوطنى 2008 كان على قرارات مايو الاقتصادية التى اثارت الكثيرمن المشاكل وتباعتها مستمرة .
(نجيب ساويرس 2006 )
لميس الحديدى:ليه انت ما انضمتش لحزب الوطنى ؟ كثير من اقرانك من اصدقائك انضموا لحزب الوطنى
نجيب ساويرس : يمكن ملقتش فى الحزب ده يعنى زى ما بتقولى طموحاتى انا شايف الحقيقة ان الساحة مفتوحة ان يبقى فيه احزاب جديده يعنى معقولة يا نبقى حزب وطنى يا اما اخوان مسلمين.. ايه المشكلة قولنا الاسلام والمسيحية ديانة اهل مصر..اول حاجة انت مش مسلم لا انت بره الحى ..الفكرة لما انتى تقبلى ان الاحزاب اللى قدامك كلها هفا كده احزاب اى كلام
لميس الحديدى:ليه ما استثمرتش مليم واحد ولا جنيه واحد فى حكومة عاطف عبيد ؟
نجيب ساويرس : يعنى هو الفكرة ايه ان انت لما يبقى انتى عايزة تستثمرى فى شركة بصى على مجلس الادارة بتاعتها والادارة بتاعتها شكلها ايه ؟
لميس الحديدى:ما عجبكش مجلس الادارة؟
نجيب ساويرس :معجبنيش
لميس الحديدى:ليه بقى؟
نجيب ساويرس :انا صعيدى اللى بيشتغل معايا انا بعتبره انه مسئول منى ملهاش دخل بالفلوس
لميس الحديدى:عندك اعداء ؟
نجيب ساويرس :لازم والا ابقى شخصية ملهاش قيمة اللى ملهوش اعداء دا يبقى هفا يعنى اللى ملوش عدو دا يبقى شخصية اى كلام
لميس الحديدى:بتمشى بى بودى جارد ولا ؟
نجيب ساويرس :لا لا انا معايا البودى جارد الرئيسى معايا ربنا فمبخفش من حد
( اتكلم مع احمد عز)
لميس الحديدى:كم هو حجم ثروتك ؟ كم يبلغ احمد عز ؟
احمد عز:الصناعى ما بيحسبش ثروته كل يوم الصبح وما بيحسبش قيمة هذه الثروة لان ثروة الصناعى هى فى صناعتة فى زملائه الذين يعملون معه فى القدرة التكنولوجية لهذه الصناعة فى اصول صناعية هو شاعربيها
لميس الحديدى:والله قعدعلى الكرسى ده نجيب ساويرس وبعض الاغنياء الكبار فمتخافش من الار يعنى الكلام على ان احمد عزعنده 40 مليار
احمد عز:دا بعيد تماما عن الواقع دا اقل بكتيرجدا وهيبقى رقم عشرى من هذا المبلغ
لميس الحديدى:ما تريح نفسك وتريح الناس وتفصل بين اختلاط الاوراق بين البزنس والسياسة
احمد عز:انا احترم القانون واحترم يعنى ضميرى واحترم الاعراف وحاطط خط فاصل تماما وحاد كما السيف بين وبين اى مصلحة خاصة
لميس الحديدى:بتقول ان فيه 40% من المصريين يعانون من فقر بشكل اوباخر ناس كتير تحت خط الفقرامال الريس رفع العلاوة ليه ؟
احمد عز:ما انا عاوزة اوصلك يا استاذه لميس على فيه قطاع وقطاع وفئة وفئة ومش طبقة وطبقه
لميس الحديدى:سعرالغاز اللى بتصدره لاسبانيا هوهو نفس سعرالغاز اللى بتديه للمصنع المصرى ؟
احمد عز:لا اللى انا عاوز اقوله اولا انه انا معنديش علم يعنى
لميس الحديدى:رئيس لجنة الخطة والموازنة مش عارف احنا بنصدر الغازلاسبانيا بكم ؟
احمد عز:لا انا رئيس لجنة الخطة والموازنة مش هى لجنة الصناعة والطاقة
لميس الحديدى:بس كل التقاريربتصب عندك
احمد عز:بيجلى تقاريرانما مش عقدعقد
فاصل
لميس الحديدى:طبعا نفسنا نعرض كل الشخصيات نفسنا نعلق على كل الناس لكن وقت البرنامج محدود جدا فبنحاول ان ننتقى بعض الاشياء وبعض الشخصيات ما كنش شغلنا بس جوا الاستديو الحقيقة احنا خرجنا خارج الاستديو
الفنانة يسرا : اسمحيلى اخش عليكى واقولك هتوحشينى فى اتكلم
لميس الحديدى: يا حبيبتى ميرسى يا سيفا دى يسرا
الفنانة يسرا : انا بقولك انك هتوحشينى فى اتكلم والبرنامج كله هيوحشنى بس انا عارفة انك انتى هتروحى وتطلعلنا 3 مرات فى الاسبوع خفى علينا الله يسعدك فى الكلام وفى الاسئلة
لميس الحديدى: يسرا يعنى ميرسى يا يسرا بجد يعنى
الفنانة يسرا :لا والله العظيم وحياة ربنا انت عملتى برنامج مهم جدا وكان وجودك مهم جدا جدا فى اتكلم وعملتى طفرة كبيرة جدا وبعدين لما استضفتى استفضتى كل الناس المهمة
لميس الحديدى: انت كمان كنت ضيفه عندنا يعنى غير رمضان اللى فات كنت ضيفه معانا فى اول رمضان فى اتكلم
الفنانة يسرا :دا انا اتشرفت بالحكاية دى ودى من اهم المرات اللى كنت بعمل فيها موضوع جميل وبعدين الجميل لانه معاكى انا بس عايزة اقولك انك هتوحشينا بتعملى توك شو هايل يعنى انا من معجبينك الشداد جدا غير ان احنا اصدقاء جدا لكن انا انا من معجبينك جدا جدا جدا
لميس الحديدى: اشكرك يا يسرا يعنى انت فنانة لكى قدرك موضوع الصحوبية يعنى الناس كلها عارفاه انت فنانة لكى قدرك
الفنانة يسرا :انتى كمان ليكى قدرعظيم عندنا ومكانة كبيرة جدا فى قلوبنا
لميس الحديدى: ميرسى يا سيفا اشكرك مستنياكى بقى ها موبيلات بقى
الفنانة يسرا :ان شاء الله ان شاء الله
لميس الحديدى: اشكرك الفنانة الجميلة شكرا ميرسى ميرسى قوى ايه بقى كنا بنقول ايه اه بلاش والنبى المكالمات دى علشان انا برتبك طيب مكناش بنقعد جوا الاستديو كنا بنروح حتت كتيرة جدا لفينا بلاد مختلفه ويمكن بطريقه مختلفه لان انا انفرتن فى الاساس انا صحفيه مراسله فى الاساس امسك المايك كده وانزل كنت بروح حتت غريبه وكده فى ايام عملى فى العربية والجزيرة متعوده على ده فكنت مشتاقه جدا لهذا العمل وان شاء اله هكمله بشكل او باخر روحنا المحله عقب احداث المحله الكبرى اللى كانت فى 6 ابريل 2008 على ما اعتقد ذهبنا الى اسيوط فى جنوب مصردورنا على افقرقرية فى اسيوط رحنا قرية المطيعه والحمد الله السور اللى حوالين المدرسه اتبنى رحنا شوفنا حاجات كتيرة قوى فى اسيوط وشوفنا الكويس وشوفنا الوحش وحبينا قد ايه صعيد مصر وان شاء الله هنكمل هذه الرحلات فيما بعد وذهبنا خارج مصر كنا اول فريق تليفزيونى مصرى يضع قدمه داخل غزة عقب وقف اطلاق النار فى يناير 2008 شوفنا الدمارعلى الارض قبلنا حماس قبلنا فتح رحنا شوفنا الناس الاطفال يعنى شوفنا حاجات كتيرة جدا غزة كانت تجربة شديدة الاهميه قضايا حقوق الانسان قعدنا فى غزة يوم واحد يوم كامل وكانت من اهم تغطيتنا رحنا اليابان بلد غريبة جدا يمكن اخر مره اروح فيها اليابان وشوفنا مجتمع مختلف رافقنا فيها وزيرالاستثمار دكتورمحمود محى الدين منساش اقول ان فى اسيوط كنا اول فريق يصور طريق الصعيد اللى هو دلوقتى كل الاهتمام بيه لان المفروض الريس يفتحه واليابان طبعا كام شىء مثير بالنسبالنا ورحنا واشنط ونيوريوك مرتين نيويورك رحنا فيها البورصة واشنطن ما بين مسئولين داخل وخارج البيت الابيض ومسئولين امريكيين كثيرين هذه رحلاتنا الداخليه والخارجيه.
اتكلم فى المحله (2008 )
مواطنة : استاذ مسعد مفيش اى عضو من اعضاء اللجنة النقابية وقدماهم على الملا كده بيخش اى مصنع والعمال بتتكلم معاه
الفنان هشام عباس: مصريا اما يا باهية يا ام طرحة وجلابيه الزمن شاب وانت شبه وهو رايح وانت جاية جاية فوق الصعب ماشية فات عليكى ليل وميه واحتمالك هو هو وابتسمت هى هى تضحكى للصبح يصبح بعد ليلة ومغربية تطلع الشمس تلاقيكى معجبانية وصبية يا باهية
اتكلم فى اسيوط
الوزير/محمود محى الدين : الطريق ده بيربط 3 محافظات اسيوط وسوهاج وقنا وبيربطهم هما التلاته بموانى البحرالاحمر تحديدا ميناء سفاجا الطريق ده 110 كيلو من بيدايته من هنا الى ان نلتحم مع الطريق اللى جاى من سوهاج وقنا الى سفاجا
لميس الحديدى: دى مدرسة المطيعه المدرسة الاعدادية الوحيدة فى قرية المطيعه كثافة الفصول 60 طالب فى الفصل الواحد والحمامات مش عايزة اقولكم شكلها عامل ازاى مدرسة المطيعة مدرسة بلا اسوار يعنى حيوانات بتدخل وتطلع والحيوانات بتدخل وتطلع حالة صعبة جدا نشوف مدرسة المطيعه .. الولاد عاوزين مدرسة طلبهم بسيط جدا كل الاطفال دى عاوزين يتعلمه لكن عايزين مدرسه طلبهم الطبيعى مدرسة ودا حق مشروع جدا لكل طفل موجود فى مصر
اتكلم فى غزة
لميس الحديدى: حى تل الهوى من الاحياء التى تعرضت لتدميركبير جدا ابان هذا العدوان هذا الحى فى وسط مدينة غزة تعرض اولا للعدوان الجوى ثما دخلت الدبابات للتجريف والقذف بشدة وبقسوة تقريبا الجيش الاسرائيى استخدم نص قواته الجوية فى هذا العدوان واصبح نصيب المواطن الفلسطينى لا يقدر بالاموال والدولارات وانما يقدر بحجم نصيبه من المتفجرات حوالى 666 كيلو جرام من المتفجرات هو حجم ونصيب المواطن الفلسطينى فى هذا العدوان.
لميس الحديدى: عايزن تطلعوا ايه يا اولاد لما تكبروا ؟
طفل 1: مقاوم
لميس الحديدى: مفيش حد عايز يطلع دكتور؟ مفيش حد عايز يطلع مهندس ؟ محدش عايزيعمر البلد ؟ ها قولى انت مش عايز تعمرالبلد ؟
طفل 2: نعمر
لميس الحديدى: عايز تطلع ايه ؟ عايز تشتغل ايه ؟
طفل 2: مهندس
لميس الحديدى: مهندس فيه واحد اخيرا عايز يشتغل مهندس كل عايز يشتغل مقاوم ؟
طفل 3: كلنا نعمر البلد بالمقاومة والجهاد
لميس الحديدى: انت نفسك تطلع ايه نفسك تكون ايه لما تكبر يا حبيبى ؟
طفل 4: انا نفسى اطلع طيار
لميس الحديدى: طيار مش عايز تطلع مقاوم ؟
طفل 4: لا مش كل شىء سلاح احنا حاجتنا نحاربهم بالعلم لان هما اتفوقوا علينا بس لازم نتفوق عليهم اكتربالعلم
اتكلم فى اليابان
لميس الحديدى: ونحن هنا فى بورصة طوكيو ثانى اكبربورصات العالم من حيث راس المال السوقى بعد نيويورك طبعا هذه البورصة داخل طوكيو بها مدرج اكتر من 2000 شركة وراس مال سوقى اكتر من 5 تريليون دولار تريليون دا اكبر شوية من المليون حبتين 5 تريليون دولار وفلوس بتطلع وفلوس بتنزل والعيون طبعا متجهة الى مؤشرات مهمة جدا زى مؤشرات نيكى ومؤشر توبكس ومؤشر جى 30 ودى اكبر المؤشرات الاقتصادية فى بورصة طوكيو وهى مؤشرات العالم كله بينظر لها
اتكلم فى نيويورك وواشنطن
لميس الحديدى: مساء الخير واهلا بكم هذه المره ليس من القاهرة ولكن من واشنطن العاصمة الامريكية التى تشهد هذه الايام تحولات سياسيه واقتصادية هامة جدا نحاول ان نقترب منها اكتر ونتعرف ونسال كيف ستاثر فينا وعلينا كما ترون انا اقف هنا فى الشارع وخلفى البيت الابيض حيث سيسكن هذا البيت خلال اقل من ثمانية اشهر ساكن جديد .
فاصل
لميس الحديدى: كانت رحلات الحقيقة مثيرة جدا متعبه لكن مثيرة انا عارفة ان في تليفونات كتيرة جدا لكن علشان بس منقعدش ناس كتيرعلى التليفون خلونى اخد صديقة البرنامج ايمان مش كده ايمان من القاهرة اتفضلى يا ايمان
ايمان: مساء الفل والجمال
لميس الحديدى: مساء النوريا ايمان
ايمان:ومبروك الاخبارالحلوة على النيل لايف
لميس الحديدى: اشكرك وانا عايزة اشكرك على متابعتك وانك كنتى يعنى مشاهدة دؤوبة للبرنامج مفوتيش حلقة بيتهيالى
ايمان:وانتى اهلا لذلك لانى انتى جميلة جدا على فكرة انتى جميلة من الخارج والداخل انتى جميلة العقل والقلب وشيك شياكة انا مش عايزة اقولك يعنى اللى بيحصل لما بتطلعى على التليفزيون بس متزعليش منى يا لميس انا عايزة اقول حاجتين انا ماليش فى الكلام الحلوه انتى عارفه
لميس الحديدى: اتفضلى
ايمان: اول حاجة دى افه موجودة فى الاعلاميين المصريين كلهم جتة ان احنا نشكر السيد الفلان والرئيس الفلانى يا حبيبة قلبى ربنا قال لقد خلقنا فى بطون امهاتنا احرارا والحق المسلوب لا يستوجب الشكرحرام مينفعش كده لان لو السيد انس الفقى منحك حق الحرية فمن حقه السلب ولما انتى تديه حق الشكر يبقى من حقه يسلبها منك فى اى وقت مش عاوزين نعود المسئولين على ان هما لما يدونا حقوقنا نشكرهم مش عايزين نعودهم ان هما لما يعملوا ما يستوجب منهم ا، احنا نشكرهم لازم
لميس الحديدى: هقولك بس حاجة انتى عارفة ان فى هذا البرنامج ما بنشكرش حد فى الطبيعى يعنى دا برنامج سموه برنامج اتالم لما بيجوا يتريقوا عليه بيسموه برنامج اتالم لكن من حق الناس علينا
ايمان: الا فى الحرية يا لميس
لميس الحديدى: لا انا شكرت من منحنى هذه الفرصة
ايمان: يبقى انتى بتناقضى نفسك
لميس الحديدى: لا طب النقطة التانية بس علشان التليفوانات يعنى معلش اصل انا مقتنعه انا اشكرمن يستحق الشكرواعتقد ان هذا الرجل يستحق الشكر فى هذا المكان لانه منحنا هذه الفرصه ويعنى دا رايى مش لانه رئيسى فى العمل النقطة التانية قولى
ايمان: طيب بس انا عارفة ان ممكن السيد انس ممكن يكون سمعنا دلوقتى ماشى هنشكره يا ستى بس انا عايزه اقوله ان هو بيحاول ينهض بالاعلام بس يعرف ان العبيد لا يبدعون الاحرار فقط
لميس الحديدى: ماشى يعنى دى قصة تانية انا عايز اشكرك شكرا جزيلاعلى مشاهدتك للبرنامج وعلى وجودك معانا حتى على نقدك دا لينا انا دا بيهمنى جدا لمعى من القاهرة اتفضل يا لمعى
لمعى : الومساء الخيريا استاذة لميس
لميس الحديدى: اهلا بيك
لمعى : حضرتك فتحتى نافذة جميلة فى التليفزيون كلنا الحقيقة استفدنا منها لمستى كل الموضوعات اللى هى تهم الناس كلها سواء بورصة سواء تطرف سواء حالات كتيرة جدا بس نفسنا فى حاجة ان يبقى في برنامج احنا كلنا بنتكلم بس نفسنا ان يبقى فيه حلول نتابع الحلول يعنى الناس بتتكلم المسئولين بتتكلم الحلول بتاعة المشاكل عايزة نتابعها اكتروطبعا هتوحشينا واكيد هتنورى النيل لايف
لميس الحديدى: الله يخليك يعنى انت معاك حق اعتقد انه ربما انتهى وقت الكلام وعلشان كده لازم ننتقل لوقت الحلول احنا كاعلامين علينا ان نلقى بالضوء ولكن دورنا ايضا ان نتابع هذه الحلول طيب خلينا نوقف التليفونات من فضلك يا ميدو شويه وخلونا ننتقل للمرحلة القادمة او الجزء القادم كان فيه شخصيات كتيرة جدا استضفناها فى هذا البرنامج شخصيات مؤثرة شخصيات اثارت جدل لكن كان لها قيمة وكان لها عمق واحنا الحقيقة كنا مهتمين جدا ان احنا نجيب شخصيات تحلل الوضع تفهمنا اشياء كثيرة فى مقدمة هذه الشخصيات كان اول حوار للدكتورمحمد البرادعى رئيس هيئة وكالة الطاقة النووية الاسبق كان حوار مهم جدا اعتقد ان معظم ما قيل فى هذا الحوار هو اللى بيتقال دلوقتى هو نفس اراء دكتورمحمد البرادعى الان كان ايضا معنا الاستاذ عماد الدين اديب لعدة مرات تحدث معنا او حلل لنا الوضع المحلى او الوضع العربى بشكل يعنى فى قضايا كثيرة كان منها اللبنانية ومنها غزة وغيرها وكان ايضا ضيفنا د كتوراحمد كمال ابو المجد يعنى رجل القانون الكبيرويعنى رجل حقوق الانسان الهام على الشان الاقتصادى احنا اتكلمنا على البورصة واتكلنا على الازمات الاقتصاديه ولكن كان عندنا ملف المتعثرين ملف مهم جدا كنا اول برنامج يستضيف رجل الاعمال خالد محمود عقب خروجه من السجن كنا اول برنامج يستضيف رجل الاعمال مجدى يعقوب داخل السجن وعندما خرج من السجن وايضا استضفنا السيد عبد اللطيف الشريف اخر من خرجوا من السجون من مجموعة توظيف الاموال .
(اتكلم مع محمد البرادعى)
لميس الحديدى: ماذا تقول للمسئولين عن البرنامج النووى المصرى فى خطوات حتى تعطونا اللون الاخضر لهذا البرنامج ؟
د/ محمد البرادعى: دائما الاعتراف اننا لا نعلم كل شىء واننا نحتاج ان نتعلم من الخارج لايجب يجب ان نختصر الطريق يجب ان نقوم بعمليات محدده باسلوب فنى سنعطى مصروساكون سعيدا باعطاء مصرالضوء الاخضرعندما ارى كل هذا يتم هناك حوادث كثيرة مصر لديها سجل فى مجال الامن نحن من اكتر الدول حوادث فى القطارات والسيارات والطرق يعنى هذا يخفنى ولذلك انا دائما احذر فى المجال النووى نتيجة ان معنديش انا ثقافة الامان انه لا يجب ان ابنى هذا الصرح الامنى قبل انت اسيرالى الامام
لميس الحديدى: عندما تنتظر الى الوطن ماذا يقلقك؟
د/ محمد البرادعى: التعليم ثم التعليم ثم التعليم لان بدو التعليم لا نستطيع ان ننافس
لميس الحديدى: على المستوى السياسى ترى ان هناك غياب لدولة المؤسسات ؟
د/محمد البرادعى: هناك غياب لازال لدولة المؤسسات هناك بدات عملية بناء المؤسسات وانما لدينا عمل طويل لبناء المؤسسات الديمقراطية هناك كلام كثير عن الديمقراطيه الديمقراطية لن تاتى فى يوم وليله احنا وضعنا قدمنا على الطريق الصحيح وانما مازال امامنا مشوار طويل
(اتكلم مع عماد اديب)
لميس الحديدى: قطر تحمل هذه المؤهلات ؟
عماد اديب: الحالة القطرية هى انها كانت تفتح العلاقات اوخطوط مفتوحة مع الاطراف كلها مع الحاله السورية هى التى مولت عملية القصور والفيلات والتجهيزات وقاعات المؤتمر الخاصة بالقمة العربية ودا كان مبلغ كبيرهى التى ارسلت شركات الاعمار القطرية والمستثمرين القطريين لدعم حالة الاقتصاد السورى فى نفس الوقت هى على خطوط وعلاقات قوية للغاية مع ايران
(اتكلم مع احمد كمال ابو المجد)
لميس الحديدى:انت ترى ان المادة 76 تحتاج الى تعديل ؟
احمد كمال ابو المجد :انا ارى انها تحتاج الى تعديل وانه التوثيق مكانش تم بالصيغة التى انتهى اليها ولذلك ترتب على هذا ان الناس اللى كانت شهيتهم فتحت للمشاركة احجم بعضهم ووصل بعضهم الى درجة المقاطعة
(اتكلم مع خالد محمود)
لميس الحديدى: مهربتش ليه ؟
خالد محمود : يعنى انا مش ندمان انى انا مهربتش ربنا يعلم ان انا مش ندمان حتى لو الواحد احترم من انه يشوف بناته فى سن صغيرة وهما بيكبروا قدامه واتحرم ان يشوف ابوه ووالدته يعنى فى اخر ايام عمرهم
لميس الحديدى: ارض الفورسيزون الحالية اللى الارض اللى موجودة قدام فندق الميريديان القديم هذه الارض كان عندك مشكلة مع الراحل طلعت مصطفى مش هشام مع طلعت
خالد محمود : لا دا زى عمى طلعت بيه الله يرحمه زى عمى
لميس الحديدى: ايوه بس كانت في مشكلة على هذه الارض انتم كنتم اشتريتم الارض وبعدين اخدوها منكم ورجعلكم فلوسها وكلام من ده
خالد محمود : طب ما رجعلنا فلوسها هناخد منهم ايه ؟
لميس الحديدى: شفت هشام جوا السجن ؟
خالد محمود : اه شفته
لميس الحديدى:صحته عامله ايه ؟
خالد محمود : ربنا يساعده ويا رب ياخد براءة
لقاء مع رجل الاعمال مجدى يعقوب
لميس الحديدى: انت ترى رؤساء البنوك دول هما اللى اهدروا المال العام احمد البردعى اهدر المال العام فى رايك ؟
مجدى يعقوب: طبعا طبعا ليه مسواش مع المتعثرين كلهم ادارة بنك مصر بتسوى معانا هو احنا جبنا فلوس من بره ؟
فاصل
لميس الحديدى:مره اخرى نعود لحصاد اتكلم والحلقة الاخيرة بعد 4 سنوات من عمر البرنامج غير هذه الشخصيات يعنى كان فيه شخصيات اخرى اتصالات هاتفيه مشاكل يعنى خناقات كتيرة جدا خلافات سواء خلال البرنامج بعد الرنامج لكن احنا اخترنالكم بعض الخلافات التى حدثت خلال الرنامج فيه حاجات لقينا شرايطها وحاجات ملقناش شرايطها يعنى علشان بس اكون واضحة يعنى فى حلقة د ممدوح حمزة وكان الاستشارى المعمارى المعروف وكان عائدا لتوه من بريطانيا بعد براءته من الحكم بمحاولة باتهامه بمحاولة اغتيال بعض المسئولين المصريين دخل على التليفون وزيرالاسكان الاسبق المهندس ابراهيم سليمان وكان هناك مداخلة شديدة الاهمية يعنى يمكن المهندس ابراهيم سليمان معملش مداخلات كثيرة وكانت هذه من اهم المداخلات التليفونية التى اجراها المهندس ابراهيم سليمان وكان هناك خلاف مع الاستاذ عادل حموده وكان هو يديرالحملة ضده طبعا فى جريدة الفجر وكان عندنا خلاف اخر مع محافظة كفر الشيخ يعنى وانا الحقيقة كل ما بتفرج على اللقطة دى اقول انا ازاى تمالكت اعصابى؟ لكن بحمد ربنا ان ساعات ينزل علينا كده هدوء اللى هو ايه ؟ صبرا ال ياسرصبرا ياسران انت ما يجلكش كمذيع حاله من العصبية ان انت تغتال الى قدامك يعنى فتقدرانى انت بهدوء تمتص غضب من يكون مقابلك يعنى ناس كتير بتفقد اعصابها وناس كان فيه طبعا الخناقة الشهيرة بين مرتضى منصوروالكابتن احمد شوبير لكن ملقناش الشريط عادى جدا مفيش اى مشاكل وكانت بداية خلافات كثيرة جدا بعد كده الحلقة اعتقد كانت فى بداية 2007 على ما اعتقد هناك ايضا من اشهر الوزراء اللى كان فيه بينا وبينهم جدل وزير التعليم السابق دكتور يسرى الجمل والوزير الحالى د /مصيلحى يعنى خلينا نشوف
(مداخلة تليفونية الوزيرمحمد ابراهيم سليمان والاستاذ عادل حموده)
لميس الحديدى: احنا معانا على الهاتف السيد وزير الاسكان الاسبق محمد ابراهيم سليمان
محمد ابراهيم سليمان : فبلغنى بالمشكله بتاعة الاخ ممدوح حمزة فى لندن السيد اللواء حبيب العدلى وزير الداخليه الحالى فتقدرى تتصلى بيه كنا نهار حلف اليمين قاللى يا دكتور محمد جلنا اخبارية من لندن بتقول ان ممدوح حمزة خطط علشان يقتل 4 افراد انت ود فتحى سرور وكمال الشاذلى وزكريا عزمى يعنى لا الملكة اليزابيث كانت معايا فى استدى وان علشان اتفق معاها ولا استلند يارد تبع قسم بولاق الدكرورعلشان نعمل تمثيلية الموضوع ده ما يخصنيش تماما بس صعبة ان حد يتفق انه يغتال واحد مصرى مفيش اى مصرى عنده ضمير يقبل انه يشى او يبلغ عن مصرى يبقى دا انسان حقير ليس على مستوى انه يبلغ عن واحد مصرى دا كلام مرفوش ومفيش حد يصدقه
لميس الحديدى: انا هستاذنك بس خليك معايا معايا الاستاذ عادل حموده رئيس تحريرجريدة الفجراستاذ عادل مساء الخير
عادل حموده : اهلا بيكى
لميس الحديدى: حضرتك سامع كلام سيادة الوزيرمحمد ابراهيم سليمان يا ريت ترد عليه
عادل حموده :اطالب الوزيرالسابق ابراء ذمته وان يرد على الاتهامات التى وجهت له فى قضايا زى قضية حسن علام والكلام الذى قيل فى جلسات المحكمة حوالين اشياء كثيرة جدا لا نريد ذكرها هنا لانها لا تزال فى طور الاتهامات
لميس الحديدى: مستعد تبرا ذمتك يا فندم سيادة الوزير مستعد لابراء ذمتك ؟
محمد ابراهيم سليمان :اللى يبرا الذمة النيابه عيب الكلام ده ما يصحش النيابة هى اللى توجه الاتهام والمحكمة هى
لميس الحديدى: سيادة الوزيرلو سمحت نسمع الاستاذ عادل.
عادل حموده : كيف يمكن للوزيران ينام وهذ الاتهام معلق على رقبته ؟ ثم ازاى الحكومة تسيب مثل هذا الاتهام يجب ان يذهب الوزيرالى المحكمة فى قضية حسن علام ويبرا ساحته
لميس الحديدى: سيادة الوزير لماذا لا تبرا ذمتك كيف تنام وكل الاتهامات دى موجهة اليك؟
محمد ابراهيم سليمان: استاذة لميس اتهاتم ايه ؟ الاتهام ده مش اى واحد يلقى اتهام جزافى الاتهام علشان تتهمى واحد الاتهام ده دا كلام كبير جدا اللى يوجهوا النيابة هو الخطا فين ؟ هو اى واحد يقولى ان فيه اتهام وتبرا ذمتك عيب الكلام ده
(مداخلة تليفونيه مع محافظ كفر الشيخ)
لميس الحديدى: حضرتك انت قلت
محافظ كفر الشيخ: انت مالك قلت ولا مقلتش انتى مالكيش دخل
لميس الحديدى: انا مش هستخدم اللفظ اللى حضرتك قلته هل ترى ان هذه اسوا شغلانة فى مصر فعلا ؟
محافظ كفر الشيخ: انت لا دخل لك بذلك انت مرات عمرو اديب وجاية تقولى الكلمتين دول علشان تاخدى بتارعمرو اديب وانا عارف كده وعلشان كده مردتش اجيلك البرنامج بلاش الاسلوب ده ا،تى قاعده مجعوصة انتى وجوزك وعماله تتكلمى اى كلام
لميس الحديدى:سياد المحافظ انا بشكرك على هذه المداخله انت قلت لفظ اعتقد انتك مسئول عنه مسئولية اساسية انت شايف ان دى اسوا شغلانة فى مصر فهذه قضية اخرى
(اتكلم مع وزيرالتعليم السابق يسرى الجمل)
لميس الحديدى: الحقيقة هو مفيش مكتبة يدور فيها المدرس اصلا مش موجود فى الفصل لانه بيدى درس خصوصى التلامذه 80 واحد وزى ما حضرتك سمعت هما 5 قاعدين على الدسك وقاعدين فوق رجل بعض حضرتك بتتكلم دا مش ممكن تحقيقه الا لو اتكلمنا من هنا ل 10 سنين امتى يمكن تحقيق هذا النموزج الذى
يسرى الجمل : والله اللى انا اتكلمته دا السيناريو اللى انا قلته ده ميحتجش لامكانيات كثيرة اكترمن المدرس
(اتكلم مع الوزيرمحمد مصيلحى)
لميس الحديدى: يا دكتور مش دا الرغيف بتاع الدعم ؟
د/مصيلحى : دا من مخبزوزارة الزراعة بنفس الدقيق اللى بيتعمل بى الرغيف اللى فوق السوق وبنفس المواصفات
لميس الحديدى: يا دكتوريا سيادة الوزير جربت تاكل المكرونة المعجنة بتاعة الدعم ؟
د/مصيلحى : لا معنديش بطاقة
لميس الحديدى:دا مش رغيف ؟
د/مصيلحى : مبقولش ان الرغيف ده هواللى موجود فى السوق انا بقول هيبقى كده
لميس الحديدى:فكرونى نستضيف دكتورمصيلحى ونجيب معانا المخبزيعنى كنا تقريبا اول برنامج يجيب رغيف عيش هما دلوقتى فى مجلس الشعب بينقوا القمح وفيه قزقزت لب يعنى الدنيا كده فكت معانا شوية فنتمنى المجلس اللى جاى بقى يبتدوا ينقوا حاجات تانيه نشوف اختراعات تانيه يعملوا مخبز خاص بمجلس الشعب وخاص بالوزرا وكده يعنى عايزين نكمل هذا المكان او هذا البرنامج كان منبرا للعلماء والشعراء وانا الحقيقة عندى نقطة ضعف جدا فى اتجاه العلم واتجاه الشعر والادب بالذات انا شرفت انى انا كنت بجلس امام قامات كبيرة وعالية ورفيعة جدا كانت موجودة قامات مصرية وقامات عربيه كان معنا د حامد نصر ابو زيد دكتور رشدى سعيد دكتور فاروق الباز د مصطفى كمال طلبه ودكتور مراد وهبة يعنى القامات العلمية دول اللى انا فكراهم يعنى كانه قامات مؤثرة جبنا من الشباب يعنى ناس من اللى هما برعوا فى الخارج المهندس على الفرماوى واحد من نواب رؤساء الميكروسوفت دا شىء بالنسبة لنا فخريعنى فى مصرايضا هذا المكان استضاف الكثيرمن الشعراء استاذى فاروق جويده واستاذى احمد عبد لمعطى حجازى جمال بخيت واستاذى سميح القاسم نسمع بعض العلماء وبعض الشعراء
(لقاءات اتكلم مع بعض العلماء والشعراء)
لميس الحديدى:كيف تجعل حياة هذا امواطن اللى شقيان وتعبان وغلبان وطلعان عينه حياته افضل؟
مراد وهبة : جميل جدا الوصف بتاع سيادتك دقيق جدا بس اسمحيلى واقبلى منك العبارة الاتية انا اظن ان المشاكل دى كلها نتيجة غياب العقل انا ارغب ان هذا العقل الغائب يرجع يعنى نندهله ونستدعيه ونقولوا تعال يا حضرة العقل احنا اجرمنا فى حقك اتفضل تعال ساعدنا على حل المشكلة
لميس الحديدى: صحيح طلبوا منك ان تنطق بالشهادتين فى المحكمة
حامد نصر: كان دا اقتراح من احد المحامين ان هذا ينهى القضية من اساسها وكان دا يعنى حل بس كان حل فى رايى ومازال انا مقتنع بهذا الراى كان هيفتح بقى الجحيم انه لا ياخذ الانسان بما هو يقول انما يجب ان يثبت انه مؤمن ومن هنا انا رفضت مش دفاعا عن نفسى وانما دفاعا عن قيمة انه ليس من حق احد ان يفتش فى ايمان الاخر
لميس الحديدى: هذا العشق للجيولوجيا واضح ان انت جبت به صحارى مصر ووديانها وجبت الصحراء الصحراء الجنوبية فى وقت كانت بكر ويعنى تقريبا نخلت الرمل بايدك صحيح ؟
رشدى سعيد: صحيح
لميس الحديدى: ماذا وجدت فى ارض مصر يا دكتورسعيد ؟
رشدى سعيد:مصرغنية بمعادن ترابية ليس فيها معادن ثمينة ؟
لميس الحديدى: هل كان فيها معادن يمكن ان تكون نواة لنهضة صناعية كبرى ؟
رشدى سعيد: هى لا يمكن استخدامها فى غير ذلك
لميس الحديدى:ايه دخل العلم بالسياسة؟ ؛نا دلوقتى بنقول يا جماعة ايه دخل البزنس فى السياسة ايه دخل العلم بالسياسة يا دكتور
رشدى سعيد:العلم والسياسة لا يفترقان الحقيقة يعنى انا بفتكركده يعنى
لميس الحديدى:ان تتوقع والدراسات العلمية تقول انه قد تغرق دلتا النيل بعد 30 سنة
رشدى سعيد: جزء من دلتا النيل الاجزاء المنخفضة عن سطح الارض وعندنا الاجزاء دى موجودة فى اسكندرية وفى رشيد لغاية العريش وراس البر كل المناطق دى اوطى من سطح البحر وداخل الدلتا محافظة البحيرة كلها اوطى من سطح البحر يعنى لو البحر عدى هيوصل لحد ما يغطى جزء من البحيرة
لميس الحديدى: بكيت لما شفت فيلم حين ميسره ؟
على الفرماوى : اه دى جامده قوى دى بس انا اعتقد انى انا عارف من اللى قالك بس انا هعرف اتفاهم معاه بس اه طبعا بكيت لما شفت فيلم حين ميسره
لميس الحديدى: ليه؟
على الفرماوى : لانه انت عارفة من وقت للتانى انتى محتاجه ممكن ساعات تفكرى اه الدنيا سهلة قوى بالنسبة لك وبعدين تيجى تفكرى لا الدنيا صعبة قوى بالنسبه للناس التانية وبعدين تفكرى يا خبرابيض الناس التانية دى هنا دى جنبك على طول
لقاء مع الشاعر سميح القاسم
سميح القاسم: هاى لنقالك الحلو موبايلك الحلواشرح اسباب موتى عليكى وبالفاكس ارسل قلبى اليكى باى
لميس الحديدى: دا اسطاف اتكلم كان عندنا فقرة تانية عن السفراء وكان عندنا فقرة تانيه عن الفنانين وعمرالشريف وناس كتيرة لكن دا اسطاف اتكلم يا جماعة وهؤلاء هم جنود اتكلم اتكلم ما كنش لميس الحديدى لكن كانه هؤلاء اشكر اولا هشام عباس صديقى اللى عملى اجمل تتر فى الدنيا هو وعلى فتح الله وناس كتيرة جدا زميلتى الفت سلامى اللى ما بقتش موجودة معانا اللى اسست هذا البرنامج فهيمة احمد وليد عبد الرحمن اميمة دراعى اليمين اهى وفيه ايناس الشواف وطبعا ميدو المخرج محمد عاطف احمد عادل هانى عبد الفتاح تامر كمال الدين ريم عادل محمود عبد اللطيف شادى وفين نرمين ؟ اه نرمين وفاطمة دول بيتعبوا معانا فى الشرايط نص الشرايط ملقوهاش عمرو الشندويلى هانى فاروق احمد عبد الحليم عرفه صديقى يا عرفه وائل عصان وليد عبد المقصود مرزوق وعم نبيل احلى صوت يا عم نبيل محمد سامى وفاتن احمد اسماعيل رجب فى الانتاج وعماد ربيع طبعا صديقى يعنى وليد كمال وايمان كمية ناس كبيرة جدا لكن طبعا لازم اشكر استاذ عبد اللطيف المناوى رئيس قطاع الاخبار اللى استضفنا فى هذا البرنامج وصديقتى احمد مصطفى واحمد انيس ورئيس الاتحاد السابق واحمد انيس رئيس الاتحاد الحالى معلش احنا لازم نعمل الشكر ده للاستاذ اسامة الشيخ يعنى برده هو صديق عزيز ويعنى هيعتنى بنا فى الفترة القادمة وبرده بشكر وزير الاعلام السيد انس الفقى الذى اعطانا هذه الفرصه وبشكر كل مواطن مصرى استضافنى فى بيته ودخلنى اوضة نومى ودخلنى الليفنج روم بتاعته واتفرج عليا فى تليفزيونوا كل طفل كان بيوقفنى فى اسيوط وفى سوهاج وفى اسوان بشكر امى وزوجى وابنى الصغير اللى بيستحمل غيابى ناس كتيرة جدا الحقيقة لازم نشكرهم لكن بشكركم انتم مشاهدى مصر سابقى معكم ان كان فى العمر بقيه قد يتوقف الكلام هنا من اتكلم لكن سيبقى منبر الحرية مفتوحا وسننتقل على لايف لنتابع ش بس الكلام ولكن لنتابع تغيير مصرمن قلب مصر استنونا وهذه لميس الحديدى تحييكم وتصبحوا على خير .