محمد رحيم يوجه رسالة لرامي صبري: أنا مش ناقص نجاح وسكت سنين علشان خاطر العشرة

رد الملحن محمد رحيم على صريحات المطرب رامي صبري الأخيرة التي اتهمه فيها أنه يهاجم نجاح الآخرين ومن بينهم عمرو مصطفى وذلك أثناء استضافته في إحدى المحطات الإذاعية.

محمد رحيم يوجه رسالة لرامي صبري

وقال محمد رحيم من خلال حسابه الشخصي عبر موقع التواصل الاجتماعي "فيس بوك : ردي على صديقي الفنان الكبير رامي صبري بعد اتهامه ليا في وسائل الإعلام إني بهاجم النجاح مع كل الحب والتقدير.

و أضاف "رحيم" موجها كلامه لرامي صبري:" فوجب إني أرد عليك بكل حب واحترام علشان أوضح وأصحح المغالطات اللى حصلت في المداخلة انت قلت في المداخله بالنص إنك سنة 2013 هاجمتني بنفسك علشان أنا كنت (بحارب نجاح ) كان أخويا الفنان عمرو مصطفى حققه وقت ما قدم أغنيه بشرة خير وكإن أنا راجل معنديش حاجه أعملها غير إني أهاجم وأحارب الناس الناجحين وانت اللى وقفت في وشي !! وده طبعا كلام مغلوط ومسيء ولازم أصححه وأبين للناس الحقيقة اللى سكتت عنها سنين احتراما للعشرة الطويلة والصداقة اللى بتجمعنا كلنا أولا أنا الحمد لله مش ناقص نجاح وتاريخ بفضل الله سبحانه وتعالى علشان أهاجم أي حد ناجح ربنا يعلم إني بدعي في صلاتي بالرزق والتوفيق لكل الناس وبتمنى الخير للجميع اللى حصل ساعتها.
أغنية بشرة خير
وأكمل محمد رحيم قائلا:" إني علقت إن لحن بشرة خير شبيه إلى حد التطابق لعملين من أعمالي وهما أغنية لا كده عاجبين للمطربة الصاعدة إيمان سمير وأغنية كل ده يطلع منك للنجمة شيرين وجدي والأغنيتين صدروا سنه، (2004) يعني قبل صدور لحن بشرة خير ب 9 سنين على الأقل ونظرا لنجاح بشرة خير وفرحتنا كلنا بيها أنا قفلت الموضوع تماما ومرضيتش أبين للناس أنا بقول كده ليه!!! ولكن الفيديو اللى تحت ده هو الفيصل اللى هيبين للناس إذا كنت بخترع كلام من دماغي ولا كلامي فعلا صح بناء على علم ودراسة وخبرة وانت طبعا راجل فاهم ودارس مزيكا برضه زينا

رامي صبري يهاجم محمد رحيم
و تابع محمد رحيم:" والخلاصة إنك هاجمتني قبل كده أكتر من مرة ومازلت لإني قلت كلمتين (فضفضة) هما من صميم حقي وقوانين الملكية الفكرية واضحة ومفيهاش هزار في بلدنا وفي كل دول العالم وكنت بشوف مجهودي وتعبي بينسب لغيري وبستحمل وبسكت عشرات المرات وللأسف انت اللى زعلان وبتتهمني إني كنت بهاجم النجاح لأ أنا قطعا مش بهاجم النجاح لأنني والحمد لله صديق النجاح أنا فقط كنت بعلق على استحياء وخجل على ظاهرة سلبية جدا ومتكررة في أسلوب العمل في الوسط الفني وهي ظاهرة استغلال واستحلال مجهود الناس بدون وجه حق ونسبته لغير أصحابه الحقيقيين وأنا عايز بعد تجربتك الأخيرة مع عمرو اللى سببت المشكلة دي كلها الناس تحاول تتخيل أنا ساكت على ايه بقالي سنين ولكن بعد الاعتداء على أعمالي وأفكاري ومجهودي ثم سكوتي وصمتي اطلع بحارب النجاح كمان وكمان اطلع مش عاجب.
نقدم لكم من خلال موقع" فيتو"، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا ، دوري أبطال أفريقيا ، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري ل أخبار الفن والعديد من الأنشطة الثقافية.