بعد تصاعد الأزمة بينهما.. مواجهة كلامية مفاجئة تجمع عمرو مصطفى ورامي صبري

بعد تصاعد الأزمة بينهما خلال الفترة الأخيرة ، حدثت مواجهة كلامية بين الفنان رامي صبري والفنان عمرو مصطفى على جراء إتهام الأخير له بسرقة لحن أغنية "يمكن خير" ثم قام بحذفها من على موقع يوتيوب.
مواجهة كلامية تجمع عمرو مصطفى ورامي صبري
وفي مفاجئة غير متوقعة، أثناء حلول عمرو مصطفى ضيفًا على برنامج أجمد 7 الساعة 7 ، تفاجئ بمداخلة هاتفية من الفنان رامي صبري مليئة باللوم والعتاب.
وقال صبري خلال مداخلته :"عشان ولادك وولادي أنا أسف لو خاني التعبير بس الكلام اللي قولته عليا كان صعب، الطريقة بتاعت الاختلاف غلط ومراتك تعرف مراتي وعيالك يعرفوا عيالي ودخلت بيتي المفروض يبقى نتكلم مع بعض على واتساب مش على التليفزيون وأنا عمري ما أعمل كده".
كما واصل حديثه :"أنا أضايقت من طريقتك ولما حد من زمايلي يقلل مني اكيد هضايق ومش هحب إني اطلع اتكلم عن حد مهم زيك والناس لازم تحبني وتقدرني ولازم قدام الوسط الفني كله حتى لو عندنا خلاف نبقى معلمين للجيل الجديد".
كذلك أضاف : "الجمل متشابهة من أيام محمد عبد الوهاب وأنا أول واحد باركتلك على أغنية رقصة، وأنا اللي بيضايقني فكرة العشرة".
وتابع عتابه :"أنت عارفني من زمان وأنا راجل ولا بتاع مشاكل ولا أي حاجة وعشان نخلص الموضوع الصغير ده انت تشرف أي حد وأنت ملحن عظيم كبير ونجم في المزيكا وكلنا فنانين في مصر بنفتخر أنك موجود في مصر".
ولفت: "ممكن ابعتلك تصريح ليا مع محمد رحيم طلع وقال أن الاغنية دي شبه ايه وأنا طلعت هاجمته لأن ضايقني فكرة ان بتهاجم نجاح وأنا اختلفت معاه عشان خاطرك".
ونوه :"من زمان وأنا بدافع عنك وبقول أنك أحسن واحد في العالم والناس اللي فاهمينك غلط، وكله كلام صغير احنا مش بتوعه وانت اخويا ومش عندي مشكلة معاك".
من جانبه رد الملحن بعبارات:"أنت أخويا ومفيش أي مشاكل بينا ومتخليش حد يفرح فينا ويشتموت فينا واللجان هتتبسط فيا".
فرد صبري :" نفسي تسيب اللجان وتبطل تركز مع الناس وترجع تشتغل تاني".
ونقدم لكم من خلال المستقبل تغطية شاملة لكل أخبار الطقس والأرصاد الجوية وأسعار الذهب وأخبار مصر وأخبار السعودية والأخبار المحلية وأخبار الاقتصاد وأسعار العملات وسعر الدولار و أسعار الدواجن اليوم وأسعار اللحوم وأسعار مواد البناء والحديد ومواعيد القطارات وأخبار الفن ، يقوم فريق المستقبل بتغطية كافة الأحداث الرياضية مثل الدوري المصري والدوري الإنجليزي والدوري السعودي والدوري الإسباني وكافة البطولات الأوروبية والعالمية ودوري أبطال أفريقيا