أول تحرك من رامي صبري بعد إغلاق أغنية "يمكن خير" على يوتيوب بسبب عمرو مصطفى (فيديو)

عمرو مصطفى، رد الفنان رامي صبري علي المطرب والملحن عمرو مصطفى وذلك بعد قيام الأخير بإغلاق أغنية يمكن خير لرامي صبري من موقع يوتيوب.

رامي صبري وعمرو مصطفى
ونشر "رامي" مقطع فيديو ليرد علي عمرو مصطفى وأكد من خلال الفيديو أن أغنيته "يمكن خير" من ألحانه وتم لحنها في شهر أكتوبر من عام 2019 وتم طرحها في عام 2023.
وأكد رامي صبري بأنه سيقدم كل ما يثبت بأن لحن اغنية "يمكن خير" من ألحانه وليست ألحان عمرو مصطفي لإدارة موقع اليوتيوب حتى يتم إنهاء أزمة الأغنية.

وتابع: "بالدليل يمكن خير لحن رامي صبري أي حد يقدر يوقف أي أغنية يوتيوب لحد لما يوتيوب يتأكد انها ملك صاحب الأغنية".

وأضاف: "بس ردينا بالفيديو علشان كمان الجمهور يعرف ويتأكد إننا ما بناخدش لحن مش بتاعنا ونكتب عليه اسمنا.
وأكمل: "محاربة النجاح مش الحل.. الحل إنك تشتغل على نفسك وتركز في شغلك وتعمل جديد علشان الجمهور يستمتع مش تحارب النجاح".
واختتم رامي قائلًا: "يمكن خير من ضمن نجاحات رامي صبري وليست أولها ولا آخرها. ربنا يهدي الجميع ونركز في صناعة الموسيقى بدل ما نهدها".
View this post on Instagram
A post shared by Ramy Sabry (@ramysabry8)
وأكد المطرب والملحن عمرو مصطفى أنه هو الذي أغلق أغنية يمكن خير للمطرب رامي صبري من على موقع يوتيوب.

أزمة رامي صبري وعمرو مصطفى
وقال عمرو مصطفى في تصريح خاص لفيتو: "الكوبي رايت موضح أني أنا اللي حذفت أغنية يمكن خير لرامي صبري".
وكان رد المطرب رامي صبري، على اتهام الفنان عمرو مصطفى له بسرقة لحن أغنيته "رقصة"، قائلًا: "أنا ما بحبش أتكلم عن زملائي بشكل سلبي، وعمرو المفترض إنه عشرة كبيرة وصديق واحنا أصحاب وعلشان فيه بيني وبينه عشرة مش هرد بطريقته اللي ما عجبتنيش واللي اتهمني فيها بالسرقة".

توارد أفكار رامي صبري مع عمرو مصطفى
وأضاف رامي صبري خلال لقائه ببرنامج "أجمد 7"، المذاع على إذاعة "نجوم إف إم": "مش رامي صبري اللي يسرق لحن ولو هو يعرفني كويس مش هيتهمني الاتهام ده ممكن يكون فيه توارد أفكار وفيه 10 ألحان ممكن يكون فيهم جملة شبه التانية ومرة عملت أغنية لعامر منيب اسمها ده مكنش حب وهندم ليه، بعدها بسنة عمل عمرو دياب أغنية الملحن بتاعها محمد يحيى أغنية ريحة الحبايب، والاتنين نفس الشكل، وده مش عيب ومطلعتش ساعتها وقلت هتخانق مع محمد يحيي وارفع عليه قضية".

لوم رامي صبري على عمرو مصطفى
وتابع: "ملحن كبير زي عمرو مصطفى مينفعش يطلع يقول على فنان وملحن مش صغير ومطرب مش صغير أنه سارق ويتهمني بالسرقة، عيب يتهمني بالإتهام ده، أنا مكانتي مش صغيرة في الوسط".

مشكلة عمرو مصطفى
وأكمل: "مشكلة عمرو مصطفى مش أغاني، لأن لو حد فينا سرق حاجة منه هيقاضيه وهيعمل كل حاجة بالقانون لأنه خريج كلية حقوق، وأنا خريج معهد موسيقى عربية قسم تأليف موسيقى يعني لما تيجي تتكلم عن متخصص وانت خريج حقوق يبقى لازم تعرف انت بتتكلم عن مين".
وتابع: "أنا لو مركز معاه هاحبسه بالقانون ولكن أنا بكبر دماغي، أنا مش بتاع خناقات ولا دي طريقتي ولا هرد عليه بطريقته وهقوله ربنا يهديك وأنا شايف انك تشتغل اكتر وتعمل حاجات كتير زي ملحنين كبار تانيين زي عزيز الشافعي ومدين مش مركزين في اللى انت بتعمله".
ووجه رامي صبري لعمرو مصطفى نصيحة، قائلًا: "ركز في شغلك اكتر واعمل لنا شغل حلو وانا عن نفسي لو فيه اغنية حلوة ليَّ هاغنيها، إنما تطلع تقول ده سرق وده خد مني عيب يطلع من فنان كبير زيك".

حق عمرو مصطفى القانوني
وأضاف: "قانونًا مش من حق عمرو مصطفى أنه يقاضيني ولا يتهمني بالسرقة وأنا فعلًا ما سرقتش منه حاجة، عمرو لما بيغير من نجاح بيطلع يخبط في الناس ومفيش فينا حد عاتبه خالص ودايما يتهمنا بالسرقة ويقول كلنا واقعين طيب إزاي".

رامي صبري: عمرو مصطفى فنان كبير وموهوب
ولفت: "نفسي عمرو مصطفى يركز في شغله لأنه فنان كبير وموهوب ومطربين كبار نجحوا بفضل الحانه زي عمرو دياب ومحمد حماقي، بقوله ما تعملش عداءات مع الناس وما تقعدش تخبط في الناس حتى لو أنت مش في المرحلة دي وأنا بجد اتضايقت منه وأنا مش بحب التقليل من قيمة الناس، أنا المفترض موسيقار زي عمر خيرت وياسر عبد الرحمن".

نقدم لكم من خلال موقع (فيتو) ، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.