محمد مختار معتذرا لنادية الجندي: رانيا يوسف بتعمل كده علشان التريند (فيديو)

اعتذر المنتج محمد مختار، لطليقته الفنانة نادية الجندي، عن التصريحات المسيئة لها والتي صدرت مؤخرًا على لسان الفنانة رانيا يوسف في تصريحات تليفزيونية.

محمد مختار يعتذر لنادية الجندي بعد تصريحات رانيا يوسف
وقال محمد مختار خلال لقائه ببرنامج"حبر سري" الذي تقدمه الإعلامية أسما إبراهيم بقناة "القاهرة والناس":"أنا بقول ل نادية الجندي متأسف إني وضعتك في الوضع ده، وأرجوكي سامحيني إني وضعتك في وضع مش كويس هي ملهاش علاقة بمشاكلي أنا ورانيا يوسف، أنا ولادي كانوا اصحابها وكنت أنا وأم بناتي رانيا يوسف كنا بنروح عندها في الحفلات وبنتي مثلت معاها من 4 سنين في مسلسل من إنتاج نادية الجندي".

هل تسببت نادية الجندي في طلاق محمد مختار من رانيا يوسف؟
وأكد:"نادية الجندي موقعتش بيني وبين رانيا يوسف وبناتي، مفيش الكلام ده خالص أنا ورانيا كنا بنروح حفلات عند نادية الجندي ونرقص سوا".

وأضاف:"نادية الجندي مش سبب طلاقي من رانيا يوسف، ولو عندها القوة كانت سبب عدم ارتباطي برانيا يوسف، وممكن رانيا يوسف بتعمل كده علشان التريند".

قوة وجماهيرية نادية الجندي في مواجهة رانيا يوسف
وأشار:"لو اخترت نجمة غير نادية الجندي علشان أنتج لها ابقى مجنون، انا كنت معايا حصان رابح 20 سنة اسمه نادية الجندي ليه اغيره، ورانيا كانت لسه في بدايتها وابقى ظلمتها لو زقتها لإن نادية غول جماهيريا".

نجومية نادية الجندي
في وقت سابق، قالت الفنانة رانيا يوسف:"احترم في نادية الجندي الإصرار ومكنش حد علي الساحة غيرها هي والزعيم عادل إمام والفنانة نبيلة عبيد، وهما وقتها كانوا نجوم الشباك".

وتابعت خلال لقائها ببرنامج "العرافة" المذاع علي قناة "المحور":"نجومية نادية الجندي صنعتها بفلوسها وإنتاج زوجها المنتج محمد مختار".

موهبة نادية الجندي
وأضافت:"نادية الجندي معندهاش موهبة إلي حد ما، ولكن ليها عندي فيلمين بحبهم جدا وهما الباطنية والرغبة، ودول اللى بعتبرهم رصيدها الفني وفيه مجهود فيهم".

مشكلة نادية الجندي مع رانيا يوسف
ولفتت:"نادية الجندي كانت بتوقع بيني وبين طليقي المنتج محمد مختار، ومش هقول تفاصيل تانية عن حياتي، مينفعش يبقى فيه خلاف أو مشاكل ويبقى فيه تقويم علي بناتي وعليا، وانا اتجوزت محمد بعد ما انفصل عنها ب7 سنين بس هي كانت واخدة موقف معايا".

وقالت الفنانة رانيا يوسف، "أنا انخدعت في كل الرجالة اللى ارتبطت بيهم، بيبقى الواحد منهم في الأول فرفوش ولذيذ وعايز يخرج ويسافر ولطيف وبعد كده بيتحولوا".

موقف رانيا من الزواج

وتابعت خلال لقائها ببرنامج "العرافة" المذاع علي قناة "المحور": "أنا مش هاتجوز تاني لأن الجواز عايز عقل وأنا مش طول الوقت هشغل عقلي في كل جوازة".

تعرض رانيا يوسف لعملية نصب
ولفتت رانيا يوسف:"تعرضت لعملية نصب من زوجي الثاني وطلع عنده 3 بطايق، وعرفت مين اللى حطلي الحشيش في العربية بس معرفتش اثبت وبتاع الجراج كان معاه المفتاح وزوجي الثاني كان معاه مفتاح وأنا معايا المفتاح وأثبت أنه آخد العربية يعملها صيانة وكده، ويكفيني أن الناس كلها كانت عارفة اني بريئة".

زوج رانيا يوسف الثاني
وأشارت: "لما اتجوزت زوجي الثاني بعد أبو بناتي كان نيتي معاه كويسة جدا وكنت شايفاه ولد كويس جدا بس للأسف اتخدعت فيه، ومفيش جوازة اتجوزتها كان فيها الراجل غني وأنا مش بتاعة فلوس ومش هاتجوز راجل غني مش بحبه، وطليقي المنتج محمد مختار مكنش غني ولا حاجة".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو،أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطال، الدوري المصري، دوري أبطال أوروبا،دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.