رانيا يوسف: بنجرف مع الحب وكان بيجيلي عرسان وأنا متجوزة (فيديو)

قالت الفنانة رانيا يوسف:"كان بيجيلي عرسان وانا متجوزة ومش شايفاها إهانة لأي شخص اتجوزته، والموضوع كان بيجيلي بشكل غير مباشر عن طريق صديقة ليا".

مشكلة الحب مع رانيا يوسف
وتابعت خلال لقائها ببرنامج "العرافة" المذاع علي قناة "المحور":"انا في الحب بنجرف بسرعة لإن احساسي وعواطفي بتسبق العقل عندي".

ندم رانيا يوسف عن زيجاتها
ولفتت رانيا يوسف:"تمنيت لو لم اتزوج للمرة الثانية والثالة، وللأسف فشلت في 3 جوازات، وفيه زميلات فشلوا في 5 و7 جوازات، انا لسه معملتش الرقم القياسي بتاعهم".

سر الزيجة الثانية والثالثة لرانيا يوسف
وأشارت:"الزيجة الثانية والثالثة كانوا لأسباب شخصية لما حصل الإنفصال بيني وبين محمد مختار خفت علي سمعتي وكلام الناس وعندي بنات وانا لسه صغيرة وكان فيه الحاح من اهلي اني لسه صغيرة ولازم تتجوزي، بس وقفت العداد عند الجوازة الثالثة".

رانيا يوسف: نجومية نادية الجندي بفلوسها ووقعت بيني وبين طليقي محمد مختار(فيديو)
رانيا يوسف: أنا مش هاتجوز تاني وأرفض مبدأ الجواز العرفي (فيديو)

وقالت الفنانة رانيا يوسف: "أنا انخدعت في كل الرجالة اللى ارتبطت بيهم، بيبقى الواحد منهم في الأول فرفوش ولذيذ وعايز يخرج ويسافر ولطيف وبعد كده بيتحولوا".

موقف رانيا من الزواج

وتابعت خلال نفس اللقاء: "لأنا مش هاتجوز تاني لإن الجواز عايز عقل وأنا مش طول الوقت هشغل عقلي في كل جوازة".

تعرض رانيا يوسف لعملية نصب

ولفتت رانيا يوسف:"تعرضت لعملية نصب من زوجي الثاني وطلع عنده 3 بطايق، وعرفت مين اللى حطلي الحشيش في العربية بس معرفتش اثبت وبتاع الجراج كان معاه المفتاح وزوجي الثاني كان معاه مفتاح وأنا معايا المفتاح وأثبت أنه آخد العربية يعملها صيانة وكده، ويكفيني أن الناس كلها كانت عارفة اني بريئة".

زوج رانيا يوسف الثاني

وأشارت: "لما اتجوزت زوجي الثاني بعد أبو بناتي كان نيتي معاه كويسة جدا وكنت شايفاه ولد كويس جدا بس للأسف اتخدعت فيه، ومفيش جوازة اتجوزتها كان فيها الراجل غني وانا مش بتاعة فلوس ومش هاتجوز راجل غني مش بحبه، وطليقي المنتج محمد مختار مكنش غني ولا حاجة".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو،أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطال، الدوري المصري، دوري أبطال أوروبا،دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.