رانيا يوسف: أنا مش هاتجوز تاني وأرفض مبدأ الجواز العرفي (فيديو)

قالت الفنانة رانيا يوسف: "أنا انخدعت في كل الرجالة اللى ارتبطت بيهم، بيبقى الواحد منهم في الأول فرفوش ولذيذ وعايز يخرج ويسافر ولطيف وبعد كده بيتحولوا".

موقف رانيا من الزواج
وتابعت خلال لقائها ببرنامج "العرافة" المذاع علي قناة "القاهرة والناس": "لأنا مش هاتجوز تاني لإن الجواز عايز عقل وأنا مش طول الوقت هشغل عقلي في كل جوازة".

تعرض رانيا يوسف لعملية نصب
ولفتت رانيا يوسف:"تعرضت لعملية نصب من زوجي الثاني وطلع عنده 3 بطايق، وعرفت مين اللى حطلي الحشيش في العربية بس معرفتش اثبت وبتاع الجراج كان معاه المفتاح وزوجي الثاني كان معاه مفتاح وأنا معايا المفتاح وأثبت أنه آخد العربية يعملها صيانة وكده، ويكفيني أن الناس كلها كانت عارفة اني بريئة".

زوج رانيا يوسف الثاني
وأشارت: "لما اتجوزت زوجي الثاني بعد أبو بناتي كان نيتي معاه كويسة جدا وكنت شايفاه ولد كويس جدا بس للأسف اتخدعت فيه، ومفيش جوازة اتجوزتها كان فيها الراجل غني وانا مش بتاعة فلوس ومش هاتجوز راجل غني مش بحبه، وطليقي المنتج محمد مختار مكنش غني ولا حاجة".

رانيا يوسف تكشف حقيقة لجوئها إلى دجال لفك السحر والأعمال (فيديو)
رانيا يوسف: أرفض الزواج العرفي من عمرو دياب وعايزة بناتي يبقى عندهم الجرأة اللي فيا


في وقت سابق، علقت الفنانة رانيا يوسف، على زواج الفنانة دينا الشربيني من المطرب عمرو دياب، قائلة: "الجواز العرفي بالنسبة لي مرفوض تمامًا".
رانيا يوسف تعلن رفضها الزواج العرفي
وتابعت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "الزواج العرفي مرفوض بالنسبة لي حتى لو من عمرو دياب والأمير تشارلز، إيه اللي يخليني أعمل كدا أنا رافضة المبدأ في الأساس".

صفة سلبية لرانيا يوسف
وأضافت: "الصفة اللي فيَّ وتعبتني كتير في حياتي ومش عايزة حد من بناتي يورثها، هي التبذير وأنا بحب أعيش وأدلع نفسي وألبس وأسافر ودي صفة على قد ما هي ممتعة ليَّ ولكن على المدى البعيد مش عاملة حساب لبكرة، وكمان حسن النية في الناس شديد وأنا بصدق لإني مش بكدب وكنت أحب ما أصدقش الناس أوي لأني بنخدع على طول".

جرأة رانيا يوسف
وأكملت: "أحب بناتي يبقى عندهم صفة الجرأة اللي فيَّ ودي أحسن حاجة فيَّ وعايزاهم يجربوا الحياة ويعملوا اللي يسعدهم، وطول ما أنا ما بأذيش حد وما بعملش حاجة تغضب ربنا ما حدش له عندي حاجة".

حقيقة علاقة رانيا يوسف وخالد يوسف
وعن حقيقة رفض المخرج خالد يوسف لوجودها في مسلسل "سره الباتع"، قالت: "المسلسل أساسًا ما اتعرضش عليَّ ومكنتش مرشحة ولا هو رفض ولا أنا رفضت، ولو الدور كان حلو واتعرض عليَّ أوافق، وعمري ما كان بيني وبين خالد يوسف أي خلاف وأنا أعرفه من زمان من أيام ما كنت بشتغل أفلام أجنبية مع مصر العالمية أيام يوسف شاهين واشتغلت معاهم فيلم أجنبي، واحنا أصدقاء بنسأل عن بعض وبحترمه وبعتبر بنته مايا بنتي التالتة".
عملية تجميل رانيا يوسف

ولفتت:"عملت عملية تجميل من 20 سنة، ولكن مؤخرًا ما عملتش حاجة ولا شديت ولا عملت حاجة".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو،أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطال، الدوري المصري، دوري أبطال أوروبا،دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.