بسمة وهبة: شيرين مجني عليها وضحية وحسام حبيب مش مدمن |فيديو

تحدثت الإعلامية بسمة وهبة عن أزمة شيرين عبد الوهاب الأخيرة، وأكدت بأن لديها تسجيلات صوتية للمطربة ولكنها رفضت نشرها.

وقالت بسمة وهبة من خلال لقائها في برنامج "et بالعربي":" أنا مش بحب أحكي ومش بحب أنشر علاقتي بالناس ، وشيرين أنا عندي ليها تسجيلات صوتية كثيرة، عشان كنت أنزلها في البرنامج، ولكني رفضت الأمر أكثر من مرة لأنه هو مش يسئ ليها ولكن مش هيضيف ليها هو هيضيف ليا أنا.
View this post on Instagram
A post shared by ET بالعربي (@etbilarabi)
وأضافت "بسمة" ليه بقى لأن شيرين مجني عليها وضحية إنسانة طيبة جدا وحسام مش زي الناس فاكرة خالص ولو هو يسمحلي أتكلم أنا عارفة قصة حسام بس ماقدرش أتكلم لأني مااختش إذنه حسام ممكن يكون عنده شيء مخليه يتصرف أو يزعل شيرين لبعض الوقت ولكن حسام مش مدمن ولا بيتعاطي.

وأكملت بسمة وهبة:" شيرين لازم تبعد عن مصر كلها فترة من الوقت تسنشق هواء جديد تعيش في بلد لمدة سنة وهي مشكلتها المنومات والمهدئات التي كانت تأخدها، أنا ماتكلمتش علي حاجة أكتر من كده لأني أنا مشوفتش من شيرين أكتر من كده وماليش دعوة بالكلام اللي الناس بتقولوا.

وتابعت:" وشيرين محتاجة تعيد حسابات ومحتاجة أنها تخف ومحتاجة أنها تاخد قرارتها بنفسها، هي عندها حالة من الخوف مخليها دايما حأسة إنها محتاجة حد جنبها سواء صديقة أو مديرة أعمال أو زوج أو أخ وهي طول، الوقت عايزة عكاز بس هي مسكينة وضحية وأنا زعلانة جدا من أخوها ووالدتها مش عشان اللي عملوا فيها ولكن عشان اللي قالوا عليها فهفترض أن الكلام دا حقيقي، إزاي دي نجمة الوطن العربي، إزاي نجمة الوطن العربي أطلع وأكشفها بالطريقة دي !! أنا اعترض لأن شيرين بنت مصر ماينفعش نجمة مصرية يتقال عليها كده أبدا.

ومن جانب آخر، سيطرت حالة من القلق على الجمهور بعد انتشار شائعات على مواقع التواصل الاجتماعي مؤخرًا تزعم دخول النجمة شيرين عبد الوهاب في غيبوبة بسبب تعرضها لحالة من الانهيار العصبي بعد احتجازها في المستشفى لعلاجها من الإدمان بحسب تصريحات شقيقها.

ونفى ميمي فؤاد مدير أعمال شيرين عبد الوهاب كل ما تردد حول دخول النجمة شيرين عبد الوهاب في غيبوبة وقال في تصريح خاص ل"فيتو": "دي إشاعة مافيش الكلام دا الحمد لله".