متجاهلًا اعتذار والده .. حسام حبيب لشيريهان: شكرًا أيقونتنا

وجه المطرب حسام حبيب، رسالة للنجمة شريهان، بعد إشادتها بموقفه في أزمته مع والده، التي حدثت نتيجة تسريب صوتي يهاجم خلاله زوجته شيرين عبد الوهاب، متجاهلًا كلام والده الذي أعرب خلاله عن أسفه.
اقرأ أيضًا .. والد حسام حبيب: "أنا آسف عجوز خرف بحكم السن"
وكتب "حبيب" "أيقونتنا، نحن نحبك"، وذلك ردًا على تدوينة كتبتها شريهان، أمس عبر موقع التدوينات الأشهر عالميًا "تويتر"، وكتبت خلالها: "الرجولة أفعال وليست أقوال، حسام حبيب ".
بداية أزمة حسام حبيب ووالده
بدأت الأزمة عندما انتشر تسريب صوتي ل والد الفنان حسام حبيب، يتهمه بتحكمه في الحسابات البنكية لزوجته الفنانة شيرين عبدالوهاب، وخطته للزواج من فتاة تصغرها بالعمر؛ لإنجاب طفل.
وتفاقمت الأزمة بعد خروج حسام حبيب للرد على كلام والده، حيث قال خلال مقطع فيديو عبر حسابه على "إنستجرام": "أنا مش بحب أدافع ولا أقول انا معلمتش، وعارف ان أقرب ناس لينا مسلطين ناس على ناس برده قريبين مننا، وعشان هما مش عايشين حوالينا فبيعملوا كده، والناس دي كلها كان ليها مصالح أنها تشوف شيرين منتهكة مش فاهمة حقوقها، ولما جه بني أدم فهمها حقوقها بقيت هي المسؤلة، شيرين عندها شركة هي اللي بتدير أعمالها أنا مليش علاقة بيها.
وأضاف، عايز أقول للناس إن شيرين أقدم وأنجح مني، وهي مش محتاجة حد يقولها أعملي ايه ومتعمليش ايه، لأن انا لما اتجوزتها
كانت شيرين عبدالوهاب أنجح مطربة في الوطن العربي .
وإستكمل، أما بالنسبة لأقرب الناس لينا اللي شايفين إن شيرين قادرة تدير أمورها وده مموتهم أنهم مش عارفين يعملوا حاجة أكتر من كده، بالبلدي (حنفية واتقفلت)، اضطروا يعملوا الحاجات دي أملاً منهم أن علاقتنا لقدر الله تنتهي، مضيفاً: أنا وشيرين دايماً بنقول لبعض أن ربنا اختارنا نكون مع بعض ومعتقدش أن اتنين ربنا جمعهم ممكن يفرقهم إنسان مش سوي.
وقال أيضاً، معتقدش إن حد علاقته كويسة بربنا يقدر لا يزق حد على حد ولا اللي اتزق عليه ليه حق انه يتكلم عني كده اياً كان درجة قرابته لي.
وأضاف، أنا مش همشي وراء انه بينكر أو مبينكرش أو صوته أو مش صوته، ميخصنيش الكلام ده أنا اللي يخصني أني بقى عندي مشكله في الثقة بالناس اللي حواليا لاني اتأذيت من أقرب الناس ليا والشخص ده مش أول مرة يأذيني (أسف اني بقول الشخص ده) لأن صعب عليا أقول أسمه العادي بعد اللي قالوا وبيعملوا، اياً كان حد استدرجه او سجله، انا عند تأكيد ان حد سجله وأن صاحبة الموقع اللي نزلت التسجيل قالت أنهم مسلطين عليه حد لمدة 6 شهور عشان نعرف الحقيقة خوفاً ودفاعاً عن شيرين .
وإستكمل، شيرين مش محتاجلكم خااالص أنكم تدافعوا عنها، الحمد لله شيرين
إنسانة كبيرة، إبعدوا بس عنها، أنا بتكلم عن الناس اللي عايزين يأذوها، سيبوها تعيش لبيتها وبناتها ولفنها وجمهورها .. كفاية وبنقول حسبي الله ونعم الوكيل .
وأضاف، ولو إستمر هذا الوضع سوف أخد حقي وحق زوجتي بالقانون أياً كان درجة قرابته هذا الشخص مني.
وأنهى حسام حبيب حديثة في مقطع الفيديو، انا أمي عندي هي أغلى حاجة وعلمتني حاجات كتيرة كويسة، أمي و(الشخص اللي خلفني) منفصلين من 30 سنة، وهي اللي ربتني وعلمتني، دايماً تقولي إسأل عليه مهما أذاك، وانا فعلاً كنت بعمل كده لأخر لحظة.
وإختتم، وأنا سألت دينياً وشرعاً لما الأذى يوصل لكده يبقى كفاية ومش زعلان ولا بتضايق.
رد والد حسام حبيب على تصريحاته
آسف لكل ما بدر منى وماينفعش واحد فى مكانتى ولا سنى ينقاض لألعاب السيدة نضال وهوايتها فى تدبير المؤامرات على العموم المسامح كريم وبقولها إن مجرد النشر بدون موافقه الشخص جريمة من جرائم الإنترنت وتصل عقوبتها فى مصر لثلاث سنوات سجن.
وإختتم حسين حبيب، بس أنا هاشتكيكى فى محكمة حسبيى الله ونعم الوكيل وأفوض أمرى إلى الله لإنى اتعودت لما باخد حقى با إيدى ربنا بيدينى على قد إيدى ولما بفوضة بيدينى على قد إيده هو والمرة الجاية مش عايزينك تتعبى نفسك وتقعدى 6 أشهر فى الإعداد إنتى بس قوليلى وأى خدمة وأى فضائح .. وأخيرا أنا آسف لكل هذه الضجة وكل هذه الآلام التي سبتتها لأقرب الناس ليا بسبب عجوز خرف بحكم السن".
View this post on Instagram
A post shared by Hossam Habib (@hossamhabib)
tags موضوعات ذات صلة
شيرين عبدالوهاب: "أنا كلي ل حسام وجوزي ابن ناس ومتأصل"
حسام حبيب: لو إستمر الوضع هذا كثيراً سألجأ للقانون مهما كانت درجة قرابة الشخص
تسريب مسجل يدين حسام حبيب باستغلال شيرين عبدالوهاب.. فيديو