رد فعل أنغام على أزمة شيرين عبدالوهاب الأخيرة

حرصت الفنانة أنغام على دعم الفنانة شيرين في أزمتها الأخيرة، وذلك عبر حسابها الرسمي على موقع التواصل الاجتماعي الشهير "فيسبوك".
نشرت أنغام صورة لشيرين، وعلقت عليها قائلة: "بنت الأصول ومتربية على الأصول ⁧‫شيرين عبدالوهاب".
اقرأ أيضاً.. تفاصيل حفل أنغام بدار الأوبرا المصرية
تفاصيل أزمة حسام حبيب وشيرين:
انتهت أزمة شيرين بردها على كل ماتم ذكره بأن كل ما تم تداوله من أقاويل ليس صحيحاً، وما هي الا افتراءات من إناس يريدون هدم حياتي الزوجية، وذلك من خلال تسجيل صوتي نشرته على حسابها الرسمي على موقع التدوينات القصيرة "تويتر"، جاء كالآتي:"حسام زوجى إنسان من أنضف رجالة الدنيا ومتربى وبيحبنى أكتر من نفسى وميستهلش منكوا كم القساوة دى عشان أنتوا متعرفهوش، هو بنالى شخصيتى ورجعلى ثقتى بنفسى".
واستكملت، قائلة: "حسام بيحبنى أنا وبناتى، ومن ساعة متجوزنى معملش أي
حاجة، الست حماتى اللى ربت راجل ست عظيمة وأدعو ليا أنا وحسام بالذرية الصالحة وحسام نقى ونظيف".
رد فعل حسام حبيب على التسجيل المسرب:
جاء رد حسام بتأكيد التسجيل الصوتي المتداول، من خلال مقطع فيديو نشره عبر حسابه الرسمي على "انستجرام"، قائلاً: "أنا مش بحب أدافع ولا أقول انا معلمتش، وعارف ان أقرب ناس لينا مسلطين ناس على ناس برده قريبين مننا، وعشان هما مش عايشين حوالينا فبيعملوا كده، والناس دي كلها كان ليها مصالح أنها تشوف شيرين منتهكة مش فاهمة حقوقها، شيرين عندها شركة هي اللي بتدير أعمالها أنا مليش علاقة بيها،
أما بالنسبة لأقرب الناس لينا اللي شايفين إن شيرين قادرة تدير أمورها وده مموتهم أنهم
مش عارفين يعملوا حاجة أكتر من كده، بالبلدي (حنفية واتقفلت)، اضطروا يعملوا الحاجات دي أملاً منهم أن علاقتنا لقدر الله تنتهي، مضيفاً: أنا وشيرين دايماً بنقول لبعض أن ربنا اختارنا نكون مع بعض ومعتقدش أن اتنين ربنا جمعهم ممكن يفرقهم إنسان مش سوي.
وأضاف: "أنا مش همشي وراء انه بينكر أو مبينكرش أو صوته أو مش صوته، ميخصنيش الكلام ده أنا اللي يخصني أني بقى عندي مشكله في الثقة بالناس اللي حواليا لاني اتأذيت من أقرب الناس ليا والشخص ده مش أول مرة يأذيني (أسف اني بقول الشخص ده) لأن صعب عليا أقول أسمه العادي بعد اللي قالوا وبيعملوا، اياً كان حد استدرجه او سجله، انا عند تأكيد ان حد سجله وأن صاحبة الموقع اللي نزلت التسجيل قالت أنهم مسلطين عليه حد لمدة 6 شهور عشان نعرف الحقيقة خوفاً ودفاعاً عن شيرين".
اقرأ أيضاً..
حسام حبيب: لو استمر الوضع هذا كثيراً سألجأ للقانون مهما كانت درجة قرابة الشخص
شيرين عبدالوهاب: "أنا كلي لحسام وجوزي ابن ناس ومتأصل"